Свет
Спонзорите на Роналдо загрижени за обвинувањата за силување

Американскиот производител на спортска опрема „Најк“ и компанијата„ ЕА Спортс“, која се занимава со правење компјутерски игри, кои се меѓу спонзорите на португалскиот фудбалер Кристијано Роналдо, изразија загриженост поради обвинувањата за силување од 2009 година и обновената истрага за случајот.
Фудбалерот ги отфрли обвинувањата на 34-годишната Кетрин Мајорга, поранешна учителка, која тврди дека тој ја силувал во неговиот апартман во Лас Вегас. Роналдо прати порака преку Твитер дека ,,неговата совест е мирна и дека смирено ќе ги чека резултатите од истрагата”.
Но, „Најк“, кој со Роналдо има случено договор вреден милијарда долари, не е подготвен така лесно да помине преку обвинувањата со кои се соочува 33-годишниот фудбалер на Јувентус.
,,Загрижени сме за вознемирувачките обвинувања и ќе го продолжиме внимателно да ја следиме ситуацијата”, се вели во соопштението на светски познатиот производител на спортска опрема. Слично соопштение издаде и компанијата „ЕА Спортс“.
Приказната за Мајорга и нејзините обвинувања за силување ги објави германскиот неделник „Дер Шпигел“. Таа случајот го пријавила во полиција истиот ден кога се случил инцидентот, но тогаш не сакала да го открие името на напаѓачот. Потоа вонсудски се спогодила со претставници на Роналдо дека случајот нема да излезе во јавност, за што ѝ биле исплатени 375 илјади долари. Но девет години подоцна таа одлучила да се реотвори случајот и да го открие името на напаѓачот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Повеќе од 150 китови се насукаа на плажа во Австралија

Повеќе од 60 китови угинаа, а властите се обидуваат да спасат уште десетици по масовното насукување на оддалечена австралиска плажа, јавува Би-би-си. Одделот за природни ресурси и животна средина на Тасманија соопшти дека јато од 157 единки се насукани во близина на реката Артур, северозападно од островот.
Околу 90 животни – вклучително и младенчиња, според сведоците – се уште се живи, а тим од експерти за заштита и ветеринари на терен проценуваат дали некое од нив може да се врати во морето. Тасманија забележа серија масовни насукувања на китови во последниве години, вклучувајќи го и најлошото во историјата на земјата во 2020 година.
Лажните китови убијци се технички еден од најголемите видови делфини, како вистинските китови убијци или орки, и можат да пораснат до шест метри во должина и тежина до 1,5 тони. Властите велат дека јатото е заглавено во областа, на околу 300 километри од градот Лонсстон, долго време, помеѓу 24 и 48 часа, а спасувањето ќе биде исклучително тешко.
„Првичните проценки покажуваат дека враќањето на китовите во морето ќе биде тешко поради непристапноста на локацијата, грубите услови на океанот и предизвиците за транспорт на специјализирана опрема до оддалеченото подрачје“, изјави за медиумите портпаролот на министерството Брендон Кларк.
Иако спасувачките тимови успешно ги спасуваа китовите за време на неодамнешното насукање на западниот брег, оваа ситуација е посложена и тие нема да можат да ги применат истите методи. Теренските тимови се обидуваат да ги идентификуваат единките со најдобри шанси за преживување и да ги одржат во живот и во што е можно подобра состојба додека се разгледуваат понатамошни опции за спасување. Благосостојбата на животните е приоритет, но тие се загрижени за безбедноста на спасувачките тимови.
„Плимните бранови се силни, така што обидот за враќање на китовите директно во такви услови би бил многу предизвикувачки и би претставувал огромен безбедносен ризик за нашиот персонал. Бидејќи ова се големи животни кои може да имаат смртни болки, постои ризик да се грчат и неконтролирано да се движат, што може да доведе до повреда“, велат тие, а исто така постои загриженост за можни напади на ајкула.
Свет
Трамп ја забрани АП од Белата куќа затоа што не го користат името „Американски залив“

Американскиот претседател Доналд Трамп одржа прес-конференција во неговата резиденција на Флорида. Еден од присутните новинари го прашал што е потребно за да се дозволи новинската агенција Асошиејтед прес (АП) повторно да работи откако некои од нивните новинари биле исклучени од покривање настани во Белата куќа.
Трамп рече дека АП одби да се усогласи со законот откако тие одбија да го користат името Американски Залив наместо Мексикански Залив во нивното известување, а тој потпиша извршна наредба на почетокот на неговиот мандат.
„Мислам дека некои од термините што сакаат да ги користат се смешни и мислам дека, искрено, тие станаа застарени, особено во последните три недели“, рече Трамп.
„Ќе ги држиме настрана додека не се согласат со Американскиот залив“, додаде тој.
Трамп дополнително ја критикуваше АП, тврдејќи дека тие „многу, многу погрешно известувале за американските избори“ и дека лошо се однесувале кон него во нивното известување. „Тие не ни прават услуга и претпоставувам дека ниту јас не им правам услуга, така функционира животот“, рече тој.
Свет
Трамп: Зеленски треба да одржи избори како цена на мирот

Доналд Трамп предложи Володимир Зеленски да одржи избори во Украина како цена на мирот.
Американскиот претседател, говорејќи од Флорида, рече дека е многу посигурен по денешните разговори меѓу Трамп и руските претставници во Саудиска Арабија.
Тој ги повтори сугестиите Зеленски да одржи избори во Украина како услов за мир, што предизвика загриженост дека Москва би можела да ги искористи изборите за да номинира проруски кандидат кој ќе се согласи со мировните услови поволни за Москва.
Трамп рече дека до него стигнало барањето за претседателски избори во Украина.
„Имаме ситуација кога немаше избори во Украина, каде што имаме вонредна состојба, всушност вонредна состојба во Украина, каде што лидерот во Украина, мислам, мразам да го кажам тоа, но тој има само четири отсто поддршка.
„Ако Украина сака место на масата, зарем луѓето не треба да кажат дека поминало долго време откако немале избори? Тоа не е работа на Русија, тоа е нешто што доаѓа од мене и доаѓа од многу други земји“, рече Трамп.