Контакт

Свет

Стапката на смртност од коронавирус е шест пати помала во земјите коишто ја користат БСЖ-вакцината

Објавено пред

Земјите кои имаат широко распространета програма за вакцинирање со БСЖ имаат стапка на смртност од коронавирус речиси шест пати пониска од нациите коишто не ја користат, открива една студија. Вакцината е измислена пред еден век и дава имунитет на туберкулоза – бактериска инфекција – но се знае дека има и други придобивки.

Претходните испитувања открија дека луѓето кои ја примиле вакцината имаат подобрен имунолошки систем и се способни да се заштитат од инфекција. Ефектите од вакцинирањето вклучуваат засилена заштита од респираторни заболувања и се препознаени од Светската здравствена организација (СЗО). Во Велика Британија сите ученици од десет до 14 години биле вакцинирани помеѓу 1953 и 2005 година.

Истражувачите се надеваат дека вакцината ќе го засили имунолошкиот систем така што ќе биде во засилена состојба на подготвеност и ќе може да го открие и уништи вирусот пред тој да направи хаос на телото.

Истражувачи од Њујоршкиот институт за технологија (NYIT) спровеле истражување во кое ги споредуваат бројките на заболени и починати од Ковид-19 во различни земји низ светот, во зависност од тоа дали во тие земји населението било третирано со БСЖ-вакцина против туберкулоза.

„Откривме дека земјите без општа политика за БСЖ-вакцината (Италија, Холандија, САД) се посериозно погодени во споредба со земјите со општа и долгогодишна политика на БСЖ-вакцинирање“, се вели во студијата спроведена од истражувачите од Њујоршкиот институт.

Во студијата се вели дека има значајна корелација помеѓу годината на воспоставувањето на универзалната БСЖ-вакцинација и стапката на морталитет од Ковид 19. Односно, колку порано била применета вакцината, толку повеќе е заштитен поголемиот дел од возрасната популација кој ја примил вакцината. Доколку и клиничките истражувања го потврдат ова, БСЖ-вакцината може да биде потенцијално оружје во борбата против коронавирусот.

Илјадници австралиски здравствени работници ќе почнат со тестирање за да видат дали вакцината за туберкулоза стара еден век може да се бори против новиот коронавирус, велат истражувачи, приклучувајќи се кон глобалните тестирања што се спроведуваат во неколку земји.

Вакцината БСЖ им се дава на повеќе од милион деца годишно во земји со туберкулоза, но истражувачите велат дека може да се бори и против новиот коронавирус поради нејзината можност широко да го зајакне имунитетот. Вакцините му помагаат на телото да се бори против вирусите и болестите преку градење имунитет, но не лекуваат болести.

Околу 4.000 вработени во австралиските болници ќе учествуваат во испитувањето на вакцината што ќе почне деновиве, а резултатите се очекуваат за околу шест месеци, соопшти Институтот за истражување на деца „Мардок“ (МЦРИ) во Мелбурн. Половина од учесниците ќе ја примат вакцината, која има малку несакани ефекти, додека другата половина ќе земе плацебо, а двете групи ќе овозможат нивното здравје да се следи преку софтверска апликација прикачена на нивниот паметен телефон, велат од Институтот.

Епидемиологот од Институтот за јавно здравје, д-р Владимир Микиќ неодамна изјави дека има индиции дека населението кое примило БСЖ-вакцина, која се дава против туберкулоза, е поотпорно на коронавирусот.

„Точно е дека постојат некои претпоставки за тоа дека лицата кои ја примиле БСЖ-вакцината, како што е случај со регионот на Балканот, и во Македонија сè уште се дава една доза, се поотпорни на Ковид-19. Претпоставката е дека како имуномодулатор оваа вакцина можеби делува на зголемување на отпорноста кон Ковид-19. Ќе потенцирам дека се работи за многу рана фаза од овие испитувања за да можеме да донесеме каков било конкретен заклучок или да ја препорачаме како мерка за масовна употреба. Постојат индиции дека тоа е можеби така, како што се впрочем и третманите кои се користат, но сè уште е далеку од фаза да биде дефинитивен доказ. Секако, ние како стручна јавност, епидемиолозите и клиничарите ги следиме сите научни трудови и препораките на референтните институции. Верувајте сè што е и малку меродавно, ќе биде преземено и кај нас“, одговори Микиќ на новинарско прашање на прес-конференција во Владата.

Регион

Црна Гора појасни зошто границата е затворена за Србија

Објавено пред

Амбасадорот на Црна Гора во Србија, Тарзан Милошевиќ, изјави дека е потребно да се намали бројот на активни случаи во Србија од 4.000 на 2.000, за да им се дозволи на нејзините граѓани да патуваат во Црна Гора.

Тој повтори дека во Црна Гора им е дозволен влез на граѓани од земји со до 25 пациенти на 100.000 жители, а за да може Србија да влезе во списокот на земји со таков однос, потребно е бројот на пациенти да биде 2.000.

Милошевиќ верува дека ова наскоро ќе се промени, како и дека туристите од Србија ќе патуваат во оваа земја.

„Бидејќи има многу дилеми, да бидеме целосно јасни, луѓето кои имаат свои компании и кои имаат бизнис во Црна Гора, можат да влезат во Црна Гора, под одредени услови (самоизолација). Тие луѓе ќе може да се движат од својата компанија во објектот каде што се сместени. Исто така, луѓето кои имаат членови на семејството во Црна Гора, кои се грижат за нив, луѓето на кои им треба нега, ние се грижиме за тоа“, рече тој.

Милошевиќ објаснува дека потребните дозволи за тие категории граѓани ги издава Националното координативно тело.

Прикажи повеќе...

Свет

По 26 години во бегство, осомничен за геноцидот во Руанда моли да му се суди во Франција

Објавено пред

На 6 април 1994 година, авионот во кој се наоѓаше претседателот на Руанда, Јувенал Хабјаримана, од племето Хуту, беше соборен од ракета во близина на Кигали, главниот град на Руанда. Хуту-милициите на го искористија тоа како изговор да почнат геноцид против малцинството Тутси, при што загинаа околу 800.000 луѓе, пренесува „Спутник“.

Еден од најбараните осомничени за геноцидот во Руанда, Фелисиен Кабуга (84), ќе дознае денеска дали ќе биде вратен во Африка за да се соочи со судење. Адвокатите на Кабуга, кој беше уапсен во Париз минатиот месец, бараат од обвинителите да му се суди во Франција.

Американскиот Стејт департмент понуди награда од 5 милиони американски долари за лица што ќе обезбедат информации, што ќе доведат до апсење, трансфер или осуда на Кабуга, богат бизнисмен, кој го финансира геноцидот со увоз на 500.000 мачети.

Кабуга беше уапсен во својот дом во близината на Париз на 16 мај по многу години криење и бегство. Судијата во Хаг минатиот месец рече дека на Кабуга треба да му се суди во Трибуналот за воени злосторства во Аруша, Танзанија, според Механизмот за меѓународни кривични трибунали (МИЦТ).

Но, адвокатот на Кабуга, Лоран Бајон, рече дека неговиот клиент треба да биде суден во Франција поради неговата возраст и здравје и ја доведе во прашање непристрасноста на судот во Аруша.

„Ако решите да ја наметнете својата надлежност над француската јурисдикција, со што ќе го ставите во опасност животот на Фелисиен Кабуга, ние ќе ризикуваме да се откажеме од вистината, засекогаш“, им напиша Бајон на обвинителите на МИЦТ.

Апелацискиот суд во Париз денеска ќе донесе одлука за валидноста на налогот за апсење за Кабуга.

По соборувањето на авионот на Хабјаримана во 1994 година, Кабуга наводно помогнал во формирањето на озлогласената милиција Интертахамве, која масакрира десетици илјади Тутси и наводно ја финансирал радиотелевизијата „Либре де Мил Колин“, која објавуваше пропаганда во кои Тутсите се нарекувале „инјензи“ (лебарки).

Речиси милион луѓе беа заклани во текот на 100 дена пред бунтовниците на РТФ, предводени од Тутсите на Пол Кагаме, да ја соборат владата. Кагаме остана претседател на Руанда.

​По геноцидот, Кабуга избегал во Швајцарија, но беше протеран пред да се дознае неговата важност. Тој пристигна во Киншаса и на крајот се упати кон Кенија. Во 1997 година тој избега кога беа уапсени неколку други лидери на протераните Хуту.

Кабуга беше обвинет по седум обвиненија, вклучително и за геноцид, од страна на Меѓународниот кривичен трибунал на ОН за Руанда во 1997 година.

Во 2002 година Кабуга за малку ќе беше уапсен. Еден шпион организирал состанок со него во Најроби, но тој сфатил дека станува збор за стапица и избегал. Шпионот подоцна беше убиен. Во 2007 година германските власти биле блиску до негово апсење во Франкфурт.

Не се знае колку време Кабуга се криел во Франција, која е дом и на вдовицата на претседателот Хабјаримана, Агата, која исто така е обвинета за поттикнување геноцид. Франција отсекогаш одбивала да ја екстрадира г-ѓа Хабјаримана.

​Минатата година д-р Фил Кларк, специјалист за Руанда од Школата за ориентални и африкански студии, изјави за „Спутник“ дека Руанда ја обвинува Франција оти ги поддржувала етничките Хуту-милиции и Интерхамве.

„Франција имаше многу блиски односи со владата на Хабјаримана, што доведе до геноцид. Тој се сметаше за миленик на Франција поради неговата поддршка за влијанието на Франција во централна Африка. Франција го сметаше Хабјаримана за клучен за одржување на франкофонското влијание и стопирање на агресијата на англофонијата на РПФ.

Тие го сметаа РПФ за заговор на Велика Британија и САД за проширување на влијанието на анголофоните во Африка. Обвинението од Руанда е дека Франција била директно вклучена во обуката на милициите Интерхамаве“, рече д-р Кларк.

Прикажи повеќе...

Европа

Во Британија околу 10.000 повеќе починати од коронавирус од пријавеното?

Објавено пред

Бројот на починати од коронавирус во Велика Британија денеска надмина 50.000, според официјалните податоци до кои дојде „Ројтерс“.

Новите податоци од Шкотска покажуваат дека бројот на починати се зголемил на 50.059 во моменти кога британскиот премиер Борис Џонсон се обиде да ги ублажи рестриктивните мерки, наведува агенцијата.

Податоците на британската агенција за починати се состои од податоци од некролозите во кои се споменува Ковид-19 како причина за смртта во Англија, Велс и Северна Ирска до 22 мај и во Шкотска до 31 мај.

За разлика од податоците кои владата дневно ги соопштува, некролозите во кои се споменува Ковид-19 вклучуваат сомнителни случаи. Податоците на „Ројтерс“ вклучуваат и починати во англиските болници по 23 мај и во Велс и во Северна Ирска.

Прикажи повеќе...

Најново

Македонија2 часа

Комисијата предлага карантин во некои општини од четврток вечер до понеделник наутро

Комисијата за заразни болести до Владата ќе достави предлог за повторно враќање на полицискиот час за време на претстојниот продолжен...

Топ2 часа

Приведени седум полицајци во Куклица, правеле забава без да ги почитуваат мерките

Седум полициски службеници, кои не биле на должност, биле приведени затоа што правеле забава, без да ги почитуваат мерките против...

Македонија3 часа

И со негативен тест задолжителен е 14-дневен карантин по влез во земјата

Министерството за внатрешни работи соопшти дека при влез на наши граѓани во земјата, како и на странци, но само со...

Економија4 часа

Граѓаните на интернет ќе треба да проверат дали се меѓу корисниците на домашната платежна картичка

Граѓаните кои ќе бидат корисници на домашната платежна картичка нема потреба да аплицираат или да се пријават за да ја...

Македонија6 часа

Османи во Штип: Во компаниите ќе има ковид-координатори кои ќе го следат спроведувањето на мерките

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари...

Македонија6 часа

Четворица починати и 101 случај на новозаразени од Ковид-19

Во последните 24 часа се направени 974 тестирања, а регистрирани се 101 нови случаи на Ковид-19, информираат од Минитерството за...

Свет9 часа

Тајна снимка на СЗО откри како Кина го прикрила коронавирусот

Снимки од интерни состаноци во Светската здравствена организација покажале дека СЗО едвај ги добила најпотребните информации од Кина на почетокот...

Европа9 часа

Главниот шведски епидемиолог призна дека од денешен аспект би имал друг пристап кон пандемијата

Главниот шведски епидемиолог, кој стои зад стратегијата земјата да не применува строги мерки поради пандемијата на коронавирусот, призна дека требало...

Свет9 часа

(Видео) Бајден: Полицијата треба да пука во нозе

Полицајците кои пукаат во луѓето кои претставуваат закана треба да им пукаат во нозете, а не во срцето, соопшти поранешниот...

Свет10 часа

Војска распоредена околу Вашингтон, трупите се во состојба на засилена готовност

Околу 1.600 американски војници се распоредени во пошироката област на Вашингтон и се во состојба на засилена подготвеност, објави Пентагон...

Европа11 час

По тримесечната блокада, Италијанците од денеска може да патуваат низ земјата

Италија денеска ги отвори регионалните граници по тримесечна блокада поради пандемијата, со што е овозможена поголема слобода на движење за...

Регион23 часа

Црна Гора прогласи крај на епидемијата

Националното координативно тело за заразни болести, по предлог на Институтот за јавно здравје, прогласи крај на епидемијата на Ковид-19 во...

Свет23 часа

Трамп се закани дека ќе ја испрати војската за да стави крај на протестите

Трамп се закани дека ќе ја испрати војската за да ги угасне протестите во САД, поради смртта на Афроамериканецот Џорџ...

Свет24 часа

Путин: На напад со конвенционално оружје Русија ќе возврати со нуклеарно

Рускиот претседател, Владимир Путин, донесе уредба со која се утврдува дека руската војска може да употреби нуклеарно оружје како одговор...

Македонија1 ден

Не се 67 новозаболени, туку 76 – покажуваат новите бројки на Министерството за здравство

Од Министерството за здравство информираат дека бројот на новозаболени е 76, а не како што претходно беше објавено дека се...

Македонија1 ден

Од денес во изолација 60 полицајци на служба во Гевгелија поради позитивен колега странец

Шеесетина полицајци, кои ја чуваат јужната граница на Македонија поради постојаната опасност од нов мигрантски бран, од денес се во...

Македонија1 ден

Случај „Рекет“: Навреди и критики кон Русковска и Камчеви во завршните зборови на Јанева

Со критики и навредливи зборови за Орце и Ана Камчеви, обвинетата Катица Јанева ги даде своите завршни зборови во судот...

Македонија1 ден

На 18 јуни пресуда за случајот „Рекет“

За две недели, односно на 18 јуни судот ќе ја изрече пресудата за случајот „Рекет“ во кој обвинети се Бојан...

Македонија1 ден

Бухова: Завршени се 100 од 485 тестови на вработени во конфекциските фабрики во Штип

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од...

Регион1 ден

Цело одделение во Марибор во карантин, еден ученик позитивен на коронавирус

Сите ученици од една паралелка од трето одделение во основно училиште во Марибор, Словенија, се во 14-дневен карантин, откако на...

Досие