„Москва ги повикува Грција и Турција да го решат нивниот територијален спор преку политички дијалог заснован на меѓународното право“, изјави рускиот министер за надворешни работи Сергеј Лавров. Тој изјави дека Москва се надева дека Анкара ќе ги исполни своите обврски во врска со статусот на Аја Софија како здание на списокот на светското наследство на УНЕСКО.

Во интервју за грчката новинска агенција АМНА, Лавров потсети дека Русија ја потпиша поморската правна конвенција на ООН во 1982 година и дека врз основа на тој документ создава свои ставови.

„Особено, членот 3 од оваа Конвенција предвидува дека секоја земја има право да воспостави сопствен територијален коридор на море широк до 12 наутички милји, иако некои земји, од различни причини, ја прошируваат таа зона. Секој територијален спор меѓу соседните земји мора да се реши во согласност со меѓународното право“, рече Лавров, а пренесе ТАСС.

Турција неодамна го испрати својот истражувачки брод „Орук Реис“, придружуван од флота воени бродови, во водите на источен Медитеран, за да спроведе сеизмичко истражување, а Грција на тој потег на Анкара одговори со зголемување на борбената готовност на нејзините поморски и воздушни сили.

Во последните 24 часа во Србија на коронавирус се тестирани 6.503 лица, од кои позитивни биле 341, а едно лице починало.

Бројот на хоспитализирани е 768 пациенти.

Според последните податоци на српското Министерство за здравство и Институтот „Батут“, на апарати за дишење се приклучени 39 пациенти во болниците низ Србија.

Вкупниот број на потврдени случаи на Ковид-19 во Србија е 39.827, а од почетокот на епидемијата биле тестирани 1.289.519 лица.

Жителите на Баварија, поради големиот број заразени лица во таа област, од утре може да ги напуштат своите домови само од оправдани причини, а училиштата и градинките ќе бидат затворени две недели, соопштија официјалните лица.

Строг карантин за жителите на областа Ротал-Ин, каде што живеат 120.000 луѓе, е вториот од ваков вид во Баварија по Берхтесгаденер, во кој е прогласен полициски час од 20 октомври.

Официјални лица од Ротал-Ин рекоа дека решиле да ја воведат одлуката за полицискиот час поради ненадејниот скок на бројот на заразени лица, што е поголем од 200 на 100.000 жители.

Денес, во Германија се регистрирани речиси 2.000 нови случаи и шестмина починати. Вкупно се заразени 439.577 лица, а починаа 10.144.

Сепак, епидемиолошката состојба во Германија е помалку сериозна отколку во некои други големи европски земји, како што се, на пример, Велика Британија, Франција и Шпанија.