Контакт

Вести

Тилерсон ќе бара од сојузниците во НАТО поголеми вложувања

Објавено пред

На својот прв состанок во НАТО во петок, американскиот државен секретар Рекс Тилерсон ќе побара од европските сојузници повеќе да вложуваат во одбраната.

dobivaj vesti na viber

Во пресрет на состанокот на министрите за надворешни работи на 28-те земји членки на Атлантскиот сојуз во Брисел, американскиот државен секретар Рекс Тилерсон во четвртокот ќе ја посети Турција, една од клучните членки на НАТО, за да разговара со претседателот Реџеш Тајип Ердоган за борбата против џихадистите во Сирија.

Состанокот на НАТО требаше првично да се одржи на 5-ти и 6-ти април, но Тилерсон објави дека нема да може на него да присуствува, споменувајќи патување во Москва, и можната посета на САД на кинескиот претседател Кси Џинпинг. Затоа беше потребно да се убедат другите 27 членки на Алијансата да го поместат состанокот за 31-ви март, за да може Тилерсон како министер на земјата основач на НАТО да присуствува.

Главната цел на срдбата е подготовка на самитот на НАТО на 25-ти мај во Брисел, на кој би требало да присуствува и американскиот претседател Доналд Трамп. Тоа ќе биде неговото прво патување во Европа каде што ќе се сретне со европските сојузници коишто претходно ги вознемири со изјавите дека излегувањето на Велика Британија од Европската унија е „добра работа“ и оти НАТО е „застарен“.

„Претседателот беше многу јасен, а неговиот државен секретар тоа ќе го повтори во петокот: САД не можат повеќе да сносат непропорционален дел од трошоците за одбранат на НАТО“, предупреди дипломат од Стејт департментот, пренесува AFP.

Ден по средбата со германската канцеларка Ангела Меркел, која на 17-ти март ја прими во Вашингтон, Трмоп на Twitter порача дека Берлин им должи огромни суми на НАТО и на САД.

Најголемата воена светска сила со годишен воен буџет кој Трамп сака да гои зголеми на 639 милијарди долари, обезбедува 68 отсто од трошоците за одбраната на 28 земји членки на НАТО. И пред доаѓањето на власт на републиканскиот претседател, Вашингтон се жалеше на нерамнотежата во однос на европските сојузници. На самитот во Велс, во 2014 година, сојузниците се договорија за издвојувања од 2 отсто од бруто домашниот производ (БДП) за одбраната./крај/мф/сн

Вести

Украина апелира до Русија да го дозволи коридорот во Мариупол

Објавено пред

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град.

dobivaj vesti na viber

Бараме отворање на хуманитарен коридор за цивили – објави вицепремиерката Ирина Верешчук на украинската телевизија, пренесува „Ројтерс“.

Верешчук нагласи и дека руските вооружени сили спречуваат хуманитарна помош да стигне до жителите на градот Херсон на југот на земјата.

Украина денеска соопшти дека нејзините напори за евакуација на цивилите од опколените градови првенствено биле насочени кон Мариупол, но не објави никаков нов договор со Русија, кој би овозможил безбеден премин за нејзините заробени жители, пренесе Ројтерс.

Прикажи повеќе...

Вести

(Од минута во минута) Бајден се закани со нови санкции, Русија најави употреба на нуклеарно оружје

Објавено пред

Денес е 27. ден од руската инвазија на Украина

dobivaj vesti na viber

Клучни настани

Бајден и ЕУ со нов пакет санкции

Русија се закани дека ќе употреби нуклеарно оружје ако биде загрозено нејзиното постоење

Спречен четврти обид за атентат на Зеленски

Украински сили: Ја вративме контролата над Макаров

Русија се повлече од преговорите за мировен договор со Јапонија

Бајден: Путин размислува за употреба на биолошко и хемиско оружје

Нови податоци од Велика Британија: Украинските градови страдаат од силни руски воздушни и артилериски бомбардирања

(Од минута во минута)

21:55 Макрон: Не е на повидок прекин на огнот

Договор за прекин на огнот во Украина не е на повидок, се вели во соопштението на Елисејската палата, по разговорот на францускиот претседател Емануел Макрон со Владимир Путин.

21:29 Русите користат забранета муниција?

Се појавија и други извештаи дека руските сили наводно користеле забранета муниција со фосфор во областа на украинскиот град Краматорск.

21:22 Руски медиуми: Путин и Макрон разговараа на телефон

Разговорот е инициран од Франција, објави државната новинска агенција „РИА новости“.

20:48 Бајден најави нови санкции: Ова е важен дел од следната фаза

Американскиот советник за национална безбедност Џејк Саливан изјави дека во четврток САД и сојузниците ќе објават нов пакет санкции против Русија.

20:47 Службеник за одбрана на САД: Руските војници патат од смрзнатост

Руските сили продолжуваат да се соочуваат со логистички проблеми, како што е недостатокот на опрема, што доведе до смрзнатини меѓу војниците, изјави висок претставник на американската одбрана.

20:42 Ракетирана железничката станица во регионто на Днепар

Ракетни напади уништија железничка станица во градот Павлоград во централно-источниот украински регион Днепар, при што загина едно лице, изјави денеска гувернерот Валентин Резниченко.

20:26 Ердоган ја повика ЕУ да ги отвори пристапните преговори

„Очекуваме ЕУ бргу да ги отвори поглавјата од пристапните преговори и да ги почне преговорите за царинската унија, без бесрамни калкулации“, рече Ердоган по средбата со холандскиот премиер, Марк Руте, во Анкара.

20:12 Песков: Ќе користиме нуклеарно оружје, само ако биде загрозено нашето постоење

Песков наведува дека целта на руската инвазија на Украина не е окупација на земјата, пренесе руската државна новинска агенција ТАСС.

18:32 Украинската армија: Русите имаат резерви за само уште три дена

„Поради логистички неуспеси на руските сили, вклучително и неможноста да се доставува гориво за војниците на фронтот, тие се без резерви“, соопшти денеска Генералштабот на вооружените сили на Украина.

17:25 „Билд“: Спречен четврти обид за убиство на Зеленски, уапсена група руски диверзанти

Група руски диверзанти, предводени од агент на тајната служба, е уапсена во градот Ужгород во граничниот триаголник меѓу Украина, Словачка и Унгарија, јави агенцијата „Унијан“, пренесува „Билд“.

14:05 Нови силни експлозии во Киев

Неколку силни експлозии oдекнале во главниот град на Украина, додека Киев е под 35-часовен полициски час.

Една од експлозиите била толку силна што ги активирала алармите на автомобилите во центарот на градот, сведочи тимот на Си-ен-ен.

13.55 Украина апелира до Русија да го дозволи коридорот во Мариупол

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град

13.38 Русија загуби 15.300 војници, 99 авиони, 123 хеликоптери, 509 тенкови

Независниот весник Киев објави индикативни проценки за загубите на Русија од 22 март, според Вооружените сили на Украина

13.05 (Видео) Зеленски: Вршам притисок врз Русија да ја прекине оваа сурова војна

Драги Италијанци! Кога се обратив на собир во Фиренца и во десетици други европски градови пред нешто повеќе од една недела, ве замолив, сите Европејци, да се сеќавате на бројот 79. Толку многу деца беа убиени во Украина во тоа време. Сега е 117, рече тој.

12.30 Подољак: Се бориме против инвазијата на варварството, нечовечноста и масакрот на цивили

Украинскиот преговарач и советник на претседателот Володимир Зеленски, Михаил Подољак, се огласи на својот официјален профил на Твитер

12:14 Во близина на Чернобил избија седум шумски пожари, тврдат Украинците

Украинците тврдат дека пожарите најверојатно избувнале поради гранатирање, а можно е и да се подметнати. Пожарот избувнал во област под контрола на руските сили, што според Украинците го оневозможува гаснењето.

12.10 Зеленски: За руските војници Украина е порта кон Европа

Украинскиот претседател Володимир Зеленски денеска пред италијанскиот парламент изјави дека неговата земја е на работ на опстанок поради војната со руските сили и предупреди дека целта на Москва е да се пробие до остатокот од Европа

12:00 Кога користам британско оружје ќе викам „Боже, чувај ја кралицата“, вели украински војник

Украинскиот командант Валериј Курко изјави дека кога ќе употребува противтенковско оружје кое Украина го добила како помош од Велика Британија, ќе вика: „Боже, чувај ја кралицата“ (God save the Queen).

11.45 Повеќе од 3,5 милиони луѓе ја напуштиле Украина поради војната

Агенцијата за бегалци на ОН денеска објави дека повеќе од 3,5 милиони бегалци досега ја напуштиле Украина поради руската инвазија, пренесува АП

11.30 Чад, урнатини и уништување – објавени нови сателитски снимки од руското бомбардирање на Украина

Новите сателитски снимки објавени од приватната американска компанија за вселенска технологија „Maxar Technologies“ уште еднаш покажаа до кој степен руските сили ги оштетиле украинските градови

11.25 Руските сили го бомбардираа пристаништето во Николаев

Руските сили синоќа бомбардираа пристаниште во украинскиот град Николаев, соопшти Украинската управа на пристаништа

11.20 Руски дипломат: Американско-руските односи се на работ на прекин

Заменик-министерот за надворешни работи на Руската Федерација Сергеј Рјабков изјави дека САД мора да се откажат од понатамошната ескалација на односите со Русија и да престанат да испорачуваат оружје на Украина.

11.18 Во гранатирањето на Харков загина 96-годишник кој го преживеал холокаустот

Борис Романченко (96), кој го преживеа холокаустот во Втората светска војна, почина минатата недела кога граната го погоди неговиот стан во воениот украински град Харков

11.15 Русија го гранатираше регионот Житомир: Уништени три куќи, десет оштетени

Русија не престанува со инвазијата на Украина веќе 27 дена, а утрово биле гранатирани згради во близина на Малин, соопшти утринава Украинската државна служба за вонредни состојби

11.13 Уништувањето на Мариупол продолжува

Се појавија нови видеа од уништувањето во Мариупол, а нападите на руската армија врз Украина не престануваат

11.10 Гранатирано село во Украина – уништени голем број куќи

Во украинското село Лутица, северно од Киев, од руското гранатирање уништени се голем број куќи

11.07 Украинска армија: Русите имаат храна, гориво и муниција уште три дена

Генералштабот на вооружените сили на Украина соопшти дека, според достапните информации, руските окупаторски сили во Украина имаат залихи на муниција и храна за не повеќе од три дена

11.05 Зеленски: Подготвен сум да разговарам со Путин за Донбас и Крим, но со безбедносни гаранции

Мислам дека ова е време за моја средба со рускиот претседател. Без тоа, нема целосно да разбереме што се подготвени да направат за да ја запрат војната. Тоа се многу сериозни работи

11.02 Украински парламент: 117 деца се убиени од почетокот на инвазијата

Украинскиот парламент утринава соопшти дека 117 деца се убиени, а 155 се повредени во нападите на руските сили од почетокот на руската инвазија на Украина

11:00 Престана со работа руската фабрика за тенкови, тврди украинското разузнавање

Во објава на „Фејсбук“, Генералштабот на вооружените сили на Украина посочи дека производителот „Уралвагонзавод“ морал да го прекине производството во фабриката поради, како што се вели, недостиг на компоненти произведени надвор од Русија.

10:37 (Видео) Британија: Наш министер разговараше со лажен премиер на Украина, тоа е руски трик

Велика Британија денеска ја обвини Русија дека стои зад видеоповикот во кој едно лице лажно се претставува како премиер на Украина во разговор со министерот за одбрана, Бен Валас, чија снимка беше објавена и на „Јутјуб“.

10:17 Предупредување од германските безбедносни служби: Неонацисти одат во Украина

Германските безбедносни служби предупредуваат дека повеќе германски неонацисти тргнале кон Украина за да се приклучат во борбата на украинските власти.

8:43 Фумио Кишида: Неприфатлив е прекинот на преговорите од Москва

Јапонскиот премиер Фумио Кишида денеска ја нарече неприфатлива одлуката на Русија да ги прекине преговорите за мировен договор

8:35 Бајден: Путин размислува за употреба на биолошко и хемиско оружје

Американскиот претседател Џозеф Бајден изјави дека има јасен знак дека рускиот претседател Владимир Путин размислува за употреба и на биолошко и на хемиско оружје во Украина

8:28 Нови податоци од Велика Британија: Украинските градови страдаат од силни руски воздушни и артилериски бомбардирања

Министерството за одбрана на Обединетото Кралство го објави најновиот извештај на одбранбените разузнавачки служби за ситуацијата во Украина – 22 март 2022 година.

8:25 Украинска армија: 300 руски војници одбиле да ја послушаат наредбата, се повлекле

Украинската војска соопшти дека 300 руски војници одбиле да ги почитуваат наредбите во областа Октирка во близина на Суми во североисточна Украина.

8.20 Принцот Вилијам:Солидарни сме со украинските борци

Британскиот принц Вилијам им оддаде почит на Украинците кои се борат да преживеат во својата татковина по посетата на британскиот воен камп за обука во џунглите во Белизе со неговата сопруга Кејт, како дел од неговата седумдневна турнеја на Карибите

8:15 Семејството го опиша хоророт во Мариупол: Пукаа во луѓето на ред за вода

Дмитро и Тања Шветс првите 23 дена од војната ги поминале криејќи се во подрум во Мариупол со нивната седумгодишна ќерка. Семејството успеало да побегне од Мариупол минатиот четврток, но нивните родители останале таму

8:10 Украински сили: Ја вративме контролата над Макаров

По неколкудневни борби, украинските сили ја вратија контролата врз Макаров, град на 30 милји западно од Киев, објавија украинските вооружени сили

8:05 Русија се повлече од преговорите за мировен договор со Јапонија

Русија се повлече од преговорите за мировен договор со Јапонија и ги замрзна заедничките економски проекти поврзани со спорните Курилски острови поради санкциите што и ги воведе Токио поради Украина, што предизвика лута реакција на Јапонија

8:00 Украинските сили го забавуваат напредокот на Русија

Украинскиот претседател Володимир Зеленски во видео порака рече дека украинската армија им пружа жесток отпор на руските сили и го забавува нивниот напредок.

Прикажи повеќе...

Вести

Зеленски составува закон против Русија: Ги поканува сите пријатели да го посетат Киев

Објавено пред

Украинскиот претседател Володимир Зеленски изјави дека мировните преговори со Русија почнуваат да „звучат пореалистично“, но дека е потребно повеќе време за да се постигне напредок.

dobivaj vesti na viber

„Состаноците продолжуваат и информиран сум дека позициите за време на преговорите веќе звучат пореално. Но, потребно е време за одлуки што ќе бидат во интерес на Украина“, рече Зеленски во своето последно обраќање, пренесува „Ројтерс“.

„Ги поканувам сите пријатели на Украина да го посетат Киев. Овде може да биде опасно затоа што нашето небо сѐ уште не е затворено за руски ракети и авиони. Одлуката да го зајакнеме нашиот арсенал во воздухот сè уште не е донесена. Не добивме авиони. Но, знаете дека сите очи се вперени кон нашиот главен град, кон Украинците. На сите што се со нас им должам благодарност. Не само ние, сите народи во светот се благодарни“, рече Зеленски.

Претседателот на Украина, Володимир Зеленски, синоќа потпиша закон со кој се забранува негирање или оправдување на руската агресија врз Украина.

„Володимир Зеленски потпиша закон со кој се забранува производство и дистрибуција на информативни производи насочени кон промовирање на акциите на државата агресор“, се вели во соопштението на Комитетот за хуманитарна и информативна политика на Украина.

Полскиот премиер, Матеуш Моравјецки, чешкиот премиер, Петер Фијал, и нивниот словенечки колега Јанез Јанша пристигнаа во Киев со воз и се првите странски лидери што ја посетија украинската престолнина по руската инвазија минатиот месец, пишува „Ројтерс“.

Посетата на премиерите на Чешка, Полска и на Словенија, кои во вторникот пристигнаа во Киев, е силен гест на поддршка што ја почитуваме, изјави украинскиот претседател Володимир Зеленски, кој ги информира лидерите на овие земји за актуелните настани во војната со Русија.

Прикажи повеќе...

Најново

Економија4 часа

(Интервју) Ванчо Узунов: Даночниот систем е во хаос, сиромашните плаќаат, богатите се богатат

Сегашниот даночен систем е тотално несоодветен, а состојбата е таква што секогаш е време за реформи, вели во интервју за...

Македонија5 часа

МОН: Учебната година почнува на 1 септември, во тек се активности за успешен почеток

Министерството за образование и наука информира дека учебната 2022-2023 година ќе почне на 1 септември и за оваа цел веќе...

Македонија5 часа

Ковид-статистика: 600 позитивни на вирусот, пријавени 10 починати лица

Во осгласност со податоците од Институтот за јавно здравје, Министерството за здравство информира дека во последните 24 часа направени се...

Европа6 часа

Резников: Руските зборови не вредат ниту за хартијата на која се напишани

Украинскиот министер за одбрана, Олексеј Резников, присуствуваше на донаторска конференција за Украина во Копенхаген со данскиот министер за одбрана, Мортен...

Регион7 часа

Вучиќ: Приштина подготвува ликвидација на нашиот народ под превезот на борба против криминалот

Претседателот на Србија, Александар Вучиќ, изјави денеска дека Приштина ја користи ситуацијата во Украина за да води кампања против Србија...

Економија8 часа

Цената на бензините се намалува 2 денара

Регулаторната комисија за енергетика и водни услуги на Република Северна Македонија донесе одлука со која се врши намалување на малопродажните...

Свет10 часа

Борел предупреди: Поддршката за Украина има своја цена

Европејците мора да бидат подготвени да ја платат цената за поддршката на Украина и за зачувувањето на единството, изјави шефот...

Економија10 часа

Шефот на „Рајанер“: Крај на ерата на евтини летови од 10 евра

Мајкл О’Лири, извршен директор на „Рајанер“, изјави дека ерата на евтини билети од 10 евра е завршена и дека нискобуџетската...

Македонија11 час

ВМРО-ДПМНЕ: Срамната епизода „Стево и плочата“ до вчера се фалеше, денес вели дека била спомен-плоча од привремен карактер

Според опозициската ВМРО-ДПМНЕ, Пендаровски води политика од денес за утре. „Сè е сведено само на гол пиар и зад неговите...

Македонија11 час

СДСМ: Лагите на ВМРО-ДПМНЕ потонаа, во ЕУ со заштитен македонски идентитет и јазик

СДСМ со одговорен, државнички пристап за пет години ги реализира двете најголеми стратешки цели на државата поставени при осамостојувањето пред...

Европа12 часа

Тајван го отфрла кинескиот модел „една земја, два система“

Тајван го отфрла моделот „една земја, два система“ што Пекинг го претстави во својата стратегија за решавање на тајванското прашање,...

Македонија23 часа

Изолација и епидемиолошко следење за сите суспектни случаи на мајмунски сипаници во земјава

Комисијата за заразни болести на денешниот состанок ја анализираше актуелната состојбата поврзана со појавата на суспектен случај на мајмунски сипаници...

Македонија1 ден

Кабинет на Пендаровски: Плочата за АСНОМ во манастирот „Св. Прохор Пчињски“ за Илинден беше од времен карактер

„Плочата за АСНОМ којашто беше поставена во манастирот ‘Св. Прохор Пчињски’ за Илинден беше од времен карактер со цел да...

Европа1 ден

Силвио Берлускони најави враќање на политичката сцена

Поранешниот италијански премиер Силвио Берлускони (85) најави дека ќе се кандидира за место во Сенатот на изборите следниот месец и...

Топ1 ден

Фатен е бегалец од затвор баран со потерница, осуден на казна затвор од над 10 години

Од МВР информираат дека денеска (10.8.2022) во 16:45 часот полициски службеници од Оперативен тим – потраги при СВР Скопје во...

Свет1 ден

Кинескиот амбасадор во Москва: Вашингтон е иницијатор и главен двигател на кризата во Украина

Кина денеска ги нарече САД „главниот двигател“ на кризата во Украина. Во интервју за руската новинска агенција ТАСС, објавено денеска,...

Македонија1 ден

Нови 693 позитивни на Ковид-19, починати се две лица

Согласно податоците од Институтот за јавно здравје, Министерството за здравство информира дека во последните 24 часа: Направени се 1.480 тестови,...

Економија1 ден

Државата нема контрола како се враќаат парите од ковид-мерките, тоа ќе ја чини 23 милиони евра

Државата не предвидела како ќе го контролира враќањето на доделените средства за финансиска поддршка на работодавците и физичките лица за...

Македонија1 ден

Нема хоспитализиран пациент со мајмунски сипаници на Клиниката за инфективни болести

Нема хоспитализиран пациент суспектен за мајмунски сипаници, информираат од Клиниката за инфективни болести. „Во врска со пациентот што се споменува...

Европа1 ден

Полскиот премиер ја обвини ЕУ за империјалистичко однесување кон помалите членки

Полскиот премиер Матеуш Моравјецки ја обвини Европската Унија за империјалистичко однесување кон помалите членки во статија објавена на веб-страницата „Велт“...