Контакт

Европа

Тихановскаја: Подготвени сме да му дадеме безбедносни гаранции на Лукашенко

Објавено пред

Поранешната белоруска претседателска кандидатка Светлана Тихановскаја вели дека опозицијата е подготвена да му обезбеди безбедносни гаранции на претседателот Александар Лукашенко.

Таа наведува дека опозицијата ќе го стори тоа доколку Лукашенко мирно се повлече од власта.

На новинарско прашање дали ќе му се дадат безбедносни гаранции на Лукашенко доколку тој мирно поднесе оставка, Тихановскаја рече дека тоа е нешто за што може да се разговара.

„Се разбира, ако се одвива мирно, постои таква можност, дури можам да кажам и убедување. „Лично, морам да зборувам во име на сите луѓе и мислењето на сите луѓе ќе се земе предвид во овој случај“, рече Тихановскаја, а пренесе ТАС.

Таа додаде дека претседателот на Белорусија би можел да добие и повеќе.

Масовните протести на опозицијата почнаа во Белорусија на 9 август по претседателските избори, на кои Александар Лукашенко прогласи победа со 80,1 процент од гласовите.

Опозицијата не ги призна резултатите од изборите и смета дека победи Светлана Тихановскаја, која официјално освои 10,12 проценти од гласовите.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Жестоки реакции против новите мерки во Британија, можно е да се вмеша и војската

Објавено пред

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции во јавноста и деловните кругови.

Опозициските лабуристи бараат појаснување на предлогот за користење на војската како поддршка на полицијата во рамките на новите ограничувања за борба против коронавирусот.

Џонсон синоќа, презентирајќи ги новите мерки што во земјата може да останат на сила дури шест месеци, предупреди дека Велика Британија дошла до опасна пресвртна точка во борбата против коронавирусот.

Тој најави и можен ангажман на армијата за поддршка во спроведувањето и контролата на мерките.

Ги повика граѓаните да работат од дома, доколку се во можност, а од четврток баровите и рестораните ќе мора да затвораат во 22 часот и да ги служат гостите само на маси.

Критичарите веднаш потсетија дека владата не толку одамна ги повика сите да се вратат на работа, за да се заживее економијата.

Лидерот на лабуристите Кир Стармер го искористи својот прв говор на партиската конференција за да го критикува Џонсон за неговата наводна неспособност во борбата против пандемијата.

Во меѓувреме, портпаролот на Џонсон објасни дека ангажманот на војската ќе значи дека армијата исполнува одредени задачи, како што е заштитата на некои објекти, со цел полицијата да може потемелно да се посвети на спроведувањето на мерките против Ковид-19, пренесува „Скај Њуз“.

По однос на ова прашање се огласи и лидерот на партијата „Брегзит“, Најџел Фараж, пренесе „Дејли мејл“.

„Премиерот вели дека ние сме земја што ја сака слободата, но ќе ве казнува со 10.000 фунти и ќе испраќа војска по негова волја. Тоа е авторитарно”, напиша Фараж на „Твитер“.

Прикажи повеќе...

Европа

Франција загрижена поради зголемената смртност во старските домови

Објавено пред

Бројот на инфекции со коронавирус и смртни случаи во домовите за стари лица во Франција повторно се зголемува, првпат по неколку месеци.

Семејствата на корисниците стравуваат дека властите не научиле доволно од првиот бран на пандемијата, кога постарите жители биле затворени во старските домови, а вработените немале заштитна опрема, пишува АП.

Од 31.338 лица за кои е потврдено дека починале од коронавирус во Франција, повеќе од 14.000, или речиси половина, живееле во старски домови.

Францускиот претседател, Емануел Макрон, посети старски дом во време кога владата се обидува да се справи со повторниот пораст на бројот на заболени од коронавирус, додека истовремено смета дека училиштата треба да работат, а вработените да одат на работа.

Стратегијата на Владата дека земјата треба да научи како да живее со вирусот во јавноста сè повеќе се преиспитува.

Франција во моментов известува за неколку илјади нови случаи на ден и повеќе од 80 нови инфекции на 100.000 жители неделно, што е меѓу највисоките биланси во Европа, која бележи забрзано ширење на вирусот.

Бројот на пациентите во болниците и на интензивна нега постојано расте.

Додека најголем број нови инфекции по карантинот во текот на летото беше забележан кај помладите луѓе, француската јавна здравствена служба сега предупредува дека вирусот е најраспространет кај луѓето постари од 75 години, кои се најранлива популација.

Десетици нови кластери и 89 смртни случаи се пријавени во домовите за стари лица во неделата од 7 септември, што е прво значително зголемување по неколку месеци.

Сè повеќе домови повторно ги затвораат вратите за посетителите.

Јавното здравство предупредува дека зголемениот број жаришта и смртни случаи во домовите за стари лица и зголемувањето на бројот на заболени кај луѓето постари од 75 години е „значаен сигнал“ дека Французите треба подобро да се заштитат себеси и постарите лица.

Прикажи повеќе...

Европа

Нови рестрикции за Британците што ќе важат најмалку шест месеци

Објавено пред

Британскиот премиер Борис Џонсон денес објави нов пакет построги мерки со цел да се запре ширењето на вирусот Ковид-19, нагласувајќи дека владата ќе ја прошири употребата на маски и ќе го зајакне таканареченото правило шест.

Во обраќањето до парламентот, Џонсон рече дека сака да избалансира посилни мерки со секојдневниот живот и продавниците да бидат отворени што е можно подолго, пренесува „Ројтерс“.

Како што рече, сите правила важат за сите четири нации на Велика Британија.

Британскиот премиер изјави дека новите мерки најверојатно ќе важат во наредните шест месеци и ги предупреди граѓаните да не бидат самоуверени, пренесува „Гардијан“.

„По шест месеци, многумина мислат дека се имуни на вирусот, но тој став е опасен“, рече Џонсон.

Меѓу новите мерки е и задолжителното носење маски, кои доколку бидат прекршени, ќе бидат казнети со 200 фунти, пабовите и рестораните ќе работат до 22 часот и ќе нудат само седење на маси, маските ќе бидат задолжителни и во такси.

Исто така, Џонсон рече дека една од обврските ќе биде воведување на задолжителни заштитни мерки на работа, а се воведува правилото број шест, според кое максимум 15 лица ќе можат да присуствуваат на свадби, а таа мерка ќе стапи на сила од понеделник.

Џонсон им препорача на компаниите да се работи од дома.

Прикажи повеќе...

Најново

Европа14 минути

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет54 минути

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија1 час

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Македонија2 часа

Заев со писмо до Вартоломеј побара писмена одлука за автокефална Македонска православна црква

Премиерот Зоран Заев испратил писмо до патријархот Вартоломеј, поглавар на Цариградската патријаршија, во кое се навраќа на средбата во Истанбул...

Македонија15 часа

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија16 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија16 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет17 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија20 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија21 час

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија23 часа

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија23 часа

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет23 часа

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа1 ден

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт1 ден

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија1 ден

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија1 ден

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет1 ден

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија1 ден

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија1 ден

Пендаровски: Неопходни се силни Обединети нации, реформирани и прилагодени на новата реалност

Претседателот Стево Пендаровски преку видеопорака се обрати на настанот на високо ниво, што по повод 75-годишнината од формирањето на Организацијата...

Досие