САД ги повикуваат руските власти веднаш да го ослободат блогерот и опозиционер Алексеј Навални, се вели во изјавата на американскиот државен секретар Мајкл Помпео, пренесува ТАСС.

„САД најостро ја осудуваат одлуката на Русија да го уапси Алексеј Навални. Забележуваме со голема загриженост дека неговиот притвор е последниот во низата обиди за замолчување на Навални и на другите опозициски фигури и независни гласови кои се критични кон руските власти”, се вели во соопштението.

„Апелираме до руската влада да обезбеди еднакви услови за сите политички партии и кандидати кои сакаат да се натпреваруваат во изборниот процес. Алексеј Навални не е проблемот. Бараме негово итно и безусловно ослободување”, додаде Помпео.

Навални, баран за кршење на условите за условна казна во случајот Ив Рошер, беше приведен на московскиот аеродром „Шереметјево“ по пристигнувањето од Берлин во неделата.

Повлекувањето на Русија од Договорот за отворено небо, објавено од руското Министерство за надворешни работи, беше неизбежно поради немањето желба за соработка од САД, изјави портпаролката на кинеското Министерство за надворешни работи, Хуа Чунјинг.

„Како што сфаќам, директната причина за одлуката на Москва да почне постапка за излез од Договорот за отворено небо е едностраното повлекување на САД и покрај меѓународната позиција. Тоа значително ја поткопа билатералната доверба меѓу вооружените сили на двете земји и транспарентноста меѓу страните. Русија се обиде да го зачува договорот, но не доби никаква позитивна реакција од САД или од другите страни во договорот,“ рече таа.

„Веќе подолго време, САД се држат до менталитетот на Студената војна и на политиката ‘прво Америка’, истовремено напуштајќи мултилатерални договори и меѓународни организации што влијаат на меѓународниот режим на контрола на оружјето и на разоружувањето“, подвлече дипломатката.

Фактите покажуваат дека иднина може да се обезбеди преку дијалог и соработка, а не преку еднострана политика. Кина ги повикува САД да ја сослушаат загриженоста на меѓународната заедница и да преземат мерки за одржување на глобалната стратешка стабилност, мир и безбедност во регионот и пошироко, додаде таа.

На 15 јануари, руското МНР објави дека Русија почнува повлекување од Договорот за отворено небо. Другите страни ќе го добијат релевантното известување кога ќе завршат домашните процедури.

Вашингтон ја обвинуваше Русија за селективно почитување на договорот и кршење на голем број клаузули на договорот за неколку години. Русија има свои поплаки до Вашингтон во врска со спроведувањето на договорот.

Во 2017 година, Вашингтон објави воведување на одредени ограничувања против рускиот набљудувачки лет над територијата на САД, предизвикувајќи ја Русија да реагира соодветно. САД се повлекоа од Договорот за отворено небо на 22 ноември.

Поради труење со јаглерод моноксид, 12 лица се пренесени во болницата, пишува 24ur.com. Никој од нив не е во животна опасност.

Труењето се случило во една зграда во Добрна во неделата околу 18 часот, а во нивната крв била пронајдена поголема количина јаглен моноксид.

Пожарникарите брзо пристигнале на самото место и евакуирале 24 лица, од кои 12 имале јасни симптоми на труење и сите биле пренесени во болница во Целје.

Портпаролката на полицијата во Целје, Милена Трбулин изјави дека жителите поминале цел ден во мала просторија без вентилација, каде што готвеле и пушеле.

Се верува дека системот за греење не е причина за труењето, а полицијата сè уште го истражува целиот случај.