Падот на режимот на Башар ал Асад во Сирија предизвика интензивен израелски воен одговор, вклучувајќи воздушни и копнени операции низ Сирија. Израелските сили извршија околу 480 напади во изминатите два дена, насочени кон стратешки воени објекти, додека израелската морнарица ја гаѓаше сириската флота.

Israel launched last night its biggest aerial attack in #Syria of the past 50 years.
100+ airstrikes ware carried out from Suwayda to Latakia province.
Warplanes, air defenses, ammo depots were massively struck in those areas.
The Syrian Navy was also sunk in Latakia ports (vid). pic.twitter.com/Bl8HAfA7Cw

— Qalaat Al Mudiq (@QalaatAlMudiq) December 10, 2024

Израелскиот министер за одбрана Израел Кац ја опиша операцијата како „голем успех“, додека премиерот Бенјамин Нетанјаху го поздрави падот на режимот на Асад како „ново и драматично поглавје“.

Нетанјаху изјави дека ваквиот развој на настаните е резултат на израелските напади врз Хамас, Хезболах и Иран и дека геополитичката слика на Блискиот Исток се менува.

#Israel's massive #attack on #Syria. Israel destroyed Syrian military ships, Israel is planning to occupy western Syria.#BasharAssad_Tahrir al-Sham pic.twitter.com/0SKVdI990I

— ali (@aliakbar313333) December 10, 2024

Иако израелските власти сметаат дека падот на Асад е позитивен поради неговите врски со Иран и Хезболах, тие се загрижени за иднината на Сирија. Министерот за надворешни работи Гидеон Саар рече дека Израел извршува напади врз објекти со хемиско оружје и ракети со долг дострел за да спречи да паднат во рацете на екстремистите.

„Што доаѓа после тоа останува нејасно“, рече Саар, додавајќи дека Израел ги презема сите можни чекори за да ја осигура својата безбедност во оваа нестабилна ситуација.

Syrian naval ships after Israeli attack on the port city of Latakia today.#Syrian #Syria #Israel pic.twitter.com/TmkWKBPZjc

— Manish Shukla (@manishmedia) December 10, 2024

ОН и голем дел од меѓународната заедница ги критикуваат израелските потези кои ги сметаат за нарушување на територијалниот интегритет на Сирија и поттикнување на натамошна нестабилност во Сирија.

Од 1967 година Израел ја окупира Голанската висорамнина на тројната граница меѓу Израел, Либан и Сирија, а за време на владеењето на Асад извршуваа напади врз Сирија.

Полицијата во Јужна Кореја изврши рација во претседателската канцеларија во Сеул, по неуспешниот обид на претседателот Јун Сук Јеол да воведе воена состојба минатата недела. Рациите се најновиот развој во бурната недела во јужнокорејската политика.

Претседателот Јун, кој остана на функцијата и покрај гласањето за импичмент и повеќекратните повици да се повлече, се соочува со повеќе истраги од различни гранки на власта, под обвинение за бунт и предавство.

Во меѓувреме, поранешниот министер за одбрана на земјата, Ким Јонг-хјун, кој ја презеде одговорноста за прогласувањето воена состојба, се обидел да се самоубие синоќа додека бил во притвор, изјави официјален претставник, пренесува Би-би-си.

Ким моментално е во просторија за чување и нема „тековни здравствени проблеми“, изјавија од Министерството во парламентот. Тој беше уапсен во неделата.

Многу функционери блиски до Јун исто така поднесоа оставка по краткотрајното прогласување на воена состојба.

Пратениците од владејачката партија се здружија за да го бојкотираат гласањето за импичмент на Јун, откако тој се согласи да го скрати својот мандат и да не се меша во надворешните и внатрешните работи.

Сепак, опозициската Демократска партија, која го има мнозинството во парламентот, го критикуваше договорот, при што лидерката на пратеничката група Парк Чан-дае го нарече „незаконско, неуставно второ востание и втор државен удар“.

Не е јасно какви, доколку ги има, овластувањата има Јун сега, а демонстрантите сè уште се на улиците и го повикуваат да се повлече.

Осумнаесет истражители беа испратени денеска во претседателската канцеларија за да одземат документи поврзани со состанокот на владата одржана ноќта кога беше прогласена воената состојба, јавуваат локалните медиуми.

Претседателот Јун, кој беше меѓу осомничените именувани во налогот за претрес, не беше во неговата канцеларија кога беа извршени претресите.

Експертите велат дека тоа сè уште покажува дека властите го засилуваат притисокот врз претседателот и неговите сојузници.

„Рациите значат дека истрагите се забрзуваат, вклучително и за Јун“, изјави за Би-Би-Си Мејсон Ричи, вонреден професор на Универзитетот за странски студии Ханкук во Сеул.

„Со оглед на она што мислиме дека го знаеме до сега, Јун најверојатно ќе биде отповикан порано отколку подоцна. Порано или подоцна, тој најверојатно ќе се соочи и со апсење, испрашување и на крајот обвиненија за бунт“.

Сепак, професорот Ричи додаде дека „ситуацијата останува нестабилна“.

Сириските бунтовници кои, предводени од Абу Мохамед ал-Џолани, ја соборија владата на претседателот Башар ал Асад и го принудија да ја напушти земјата, најавија дека нема да диктираат што носат жените и ветија дека ќе гарантираат лична слобода за сите. Во соопштението објавено на социјалните мрежи, главната команда наведе дека е строго забрането мешање во начинот на облекување на жените.

„Строго е забрането сугерирање во облекувањето на жените или да се наметнуваат какви било барања поврзани со нивната облека или изглед“, велат тие.

Во соопштението се нагласува и дека личната слобода е загарантирана за сите Сиријци и дека почитувањето на човековите права е основа за градење цивилизирана нација. Дополнително, главната команда најави воведување на нулта толеранција за насилство врз новинари и други лица кои работат во медиумите. За закани им е предвидена затворска казна од една година, велат оттаму.

Абу Мохамед ал Џолани, водачот на сириските бунтовнички сили кои го соборија Асад, ги прекина своите врски со Ал Каеда. Сега тој се прикажува себеси како застапник на различноста и толеранцијата.