Контакт

Свет

Трамп во разговорот со Путин го критикувал договорот за нуклеарното разоружување

Објавено пред

Американскиот претседател Доналд Трамп во својот прв телефонски разговор со рускиот колега по должност Владимир Путин од 28-ми јануари го критикувал и го нарекол лош за САД договорот од 2010 година со кој Вашингтон и Москва се обврзаа за намалувањето и ограничувањето на бројот нуклеарни боеви глави, пренесува Reuters повикувајќи се на двајца разузнавачки американски функционери и еден поранешен член на администрацијата, запознаени со текот на разговорот меѓу двајцата челници.

dobivaj vesti na viber

Според нив „кога Путин предложил продолжување на договорот од 2010 година“, познат како Нов СТАРТ, Трамп земал пауза за да се распраша кај своите советници за содржината на тој договор.

„Потоа Трамп му кажал на Путин дека тој договор бил еден од договорите, склучени со администрацијата на (поранешниот претседател Барак) Обама, истакнувајќи дека Новиот СТАРТ е поволен за Русија“, се наведува во извештајот на Reuters.

Агенцијата прецизира дека пред разговорот со Путин, за Трамп не бил организиран никаков специјален брифинг со експертите за Русија од Советот за национална безбедност на Белата куќа. Се истакнува, исто така, дека за време на разговорот, Путин го поставил прашањето за можно обновување на преговорите за низата спорни прашања. Со тоа, се оценува, дека телефонскиот разговор со Путин ја зголеми загриженоста бидејќи се чини дека Трамп не бил соодветно подготвуван за разговорите со странските челници.

Вообичаената постапка е претседателот пред таквите разговори да прими писмен кроки извештај кој го составува Советот за национална безбедност во соработка со низа агенции, меѓу кои и министерството за надворешни работи, за одбрана и разузнавачките служби. Покрај тоа, пред разговорот советникот и усно го запознава претседателот со материјалот.

Агенцијата Reuters пишува дека немала увид во транскриптите од разговорот, а од Кремљ не биле достапни за коментар.

Портпаролот на Белата куќа, Шон Спајсер, на вообичаениот брифинг со новинарите одбил да го коментира извештајот на Reuters за изнесените информации од текот на разговорот меѓу двајцата државници, пренесуваат агенциите.

„Разговорот меѓу нашиот претседател и претседателот Путин е приватен телефонски разговор“, рекол Спајсер. Потсетил дека Белата куќа објави официјално соопштение за текот на разговорот, одбивајќи да додаде некои нови информации од неговиот тек и темите за кои се зборувало, пренесе агенцијата ТАСС.

Траба да се истакне дека пред речиси две седмици, во симултаното интервју за британскиот весник The Times и за германскиот Bild, Трамп повика на склучување нуклеарен договор со Русија во рамките на дијалогот за олеснувањето на западните санкции против Москва.

„Тие (западните сили – з.р.) воведоа санкции против Русија, но да видиме дали можеме да склучиме некои добри договори со Русија. Јас сметам дека треба да се почне од тоа оти нуклеарното оружје треба да биде значително намалено“, рече тогаш Трамп.

Новиот договор СТАР го потпишаа рускиот и американскиот претседател на 8-ми април 2010 година во чешката престолнина Прага. Договорот го ратификуваше американскиот Сенат во октомври 2010 година, кога 13 републикански сенатори им се придружија на колегите демократи во поддршката, а другите републиканци и тогаш тврдеа дека договорот е наивен.

Со него се предвидува намалување на распоредените стратешки носители на нуклеарни боеви глави на секоја страна до 700 единици, и до 1.550 нуклеарни боеви глави, со меѓусебен инспекциски надзор. Договорот има важност на десет години. Новиот договор СТАРТ можеше да биде продолжен за уште пет години по 2012 година со заеднички договор. Доколку двете најголеми светски нуклеарни сили не договорат нови намалувања, ќе имаат одврзани раце, што потенцијално може да создаде терен за нова трка во вооружувањето.

Договорот, исто така, на двете земји до февруари оваа 2017 година им наложува да го намалат бројот на распоредените нуклеарни боеви глави на 1.550, што е најмалото количество во текот на неколку децении. Исто така, се ограничува и бројот на распоредените ракети на копното и на подморниците, како и бројот на бомбардери кои можат да носат нуклеарно оружје.

Во текот на изборната кампања во 2016-та, Доналд Трамп изјави дека Русија била поитра при склучување на договорот. Трамп тврди дека договорот ѝ овозможува на Русија продолжување на производството на нуклеарните боеви глави, а тоа не им го дозволува на САД. Но претставници на поранешната администрација тврдат дека тоа тврдење на новиот американски претседател не е точно.

Државниот секретар Рекс Тилерсон на сослушувањето пред комисијата во Сенатот изјави дека го поддржува руско-американскиот договор. Рече и дека САД треба да го одржуваат дијалогот со Русија, да водат сметка Москва да ги исполнува обврските преземени со Новиот СТАРТ./крај/мф/сн

Свет

Шефот на американската дипломатија на турнеја по Блискиот Исток, прва станица му е Египет

Објавено пред

Американскиот државен секретар, Антони Блинкен, пристигна во Каиро, прва дестинација од турнејата на Блискиот Исток каде повторно се разгоре израелско-палестинскиот конфликт, со минимални шанси да се искористи американското влијание за да се намалат тензиите.

dobivaj vesti na viber

Пред да замине за Ерусалим и Рамала, каде што ќе престојува утре и вторник, Блинкен се среќава со египетскиот претседател Фатах ал-Сиси и министерот за надворешни работи Самех Чукри.

Во Египет, главен регионален сојузник на САД, Блинкен првенствено ќе разговара за Либија и Судан, но веројатно во тие дискусии ќе доминира конфликтот меѓу Израел и Палестинците. Каиро, имено, традиционално ја игра улогата на посредник меѓу двете страни.

Безбедносната ситуација во Израел и на палестинските територии драстично се влоши, со палестинските убиства на цивили пред синагога и интервенција на израелската армија во Џенин, на Западниот Брег.

Во четвртокот девет Палестинци беа убиени, а 20 ранети во судирите со израелските војници во Џенин на Западниот Брег. Израел објави дека операцијата во Џенин била спроведена со цел апсење на членови на милитантната група Исламски џихад.

Потоа, во палестинските напади вчера и петок беа убиени седум лица, а 12 беа ранети. Вчера две лица беа ранети во напад во источен Ерусалим, кој израелската полиција го опиша како терористички напад, додека ден претходно во напад на синагога во истиот град загинаа седум, а ранети беа десет Израелци. Нападот на синагогата беше извршен на Меѓународниот ден на сеќавање на холокаустот.

Во светлината на повторното разгорување на насилството, треба да се очекува Блинкен да разговара со израелскиот премиер Бенјамин Нетанјаху и палестинскиот претседател Махмуд Абас за потребата од примена на итни мерки за смирување на ситуацијата.

САД претходно најостро го осудија нападот во Источен Ерусалим како грозоморен чин и рекоа дека посветеноста на САД за безбедноста на Израел останува цврста. Но, се чини дека просторот за маневрирање на американскиот државен секретар е ограничен на повици за смиреност и аналитичарите не очекуваат премногу од посетата на Блинкен. Сметаат дека Вашингтон ќе застане на повеќекратните повици за решение кое предвидува две посебни држави.

Гаит Ал-Омари, експерт од Вашингтонскиот институт, смета дека посетата не сигнализира никаква промена на американската позиција кон израелско-палестинскиот конфликт, но убеден е дека разговорот со Махмуд Абас нема да биде пријатен.

Аналитичарите оценуваат и дека со оваа посета на Блинкен, Вашингтон дава до знаење дека сака итно да се поврзе со Нетанјаху, со кого администрацијата на демократскиот претседател Џо Бајден од почетокот има затегнати односи.

Пред посетата на Блинкен на Израел, советникот за национална безбедност на Белата куќа Џејк Саливан го увери израелскиот премиер за американската поддршка за Израел.

 

За време на денешната посета на Египет, кој ужива дарежлива американска воена помош, Блинкен ќе се сретне и со претставници на граѓанското општество кои потсетуваат дека дури 60.000 политички затвореници тлеат во египетските затвори.

Прикажи повеќе...

Регион

Во Сплит казната за одење во костим за капење на улица и пиење алкохол на јавно место е 150 евра

Објавено пред

На првиот ден од годинава во Сплит стапи на сила новата одлука за комунален ред во која се пропишани повисоки казни за прекршителите, па може да се очекува летово да нема туристи во костими за капење на улиците, бидејќи доколку бидат фатени по комунален ред ќе им следува казна од 150 евра, известуваат хрватските медиуми.

dobivaj vesti na viber

Истата казна од 150 евра е пропишана и за оние кои пијат алкохол на јавни места, а казната за шетање куче без поводник е согласно одлуката за условите и начинот на чување миленици и изнесува 66,36 евра за физичко лице.

Жителите на Сплит и нивните гости по улиците ќе ги надгледуваат 21 комунален редар, а уште 12 ќе чекаат на повик во зградата на градската управа.

Од август 2020 година, градот Дубровник има слична одлука за комунален ред, а минатата година првите разголени туристи платија општински казни од 1.000 куни.

Новата сплитска одлука за комунален ред е донесена на последната седница на Градскиот совет во 2022 година, а стапи на сила од новата година.

Прикажи повеќе...

Свет

Најмалку 527 луѓе се убиени во Иран од почетокот на протестите

Објавено пред

Најмалку 527 луѓе се убиени во Иран од почетокот на антивладините протести пред повеќе од четири месеци, објави американскиот „Хјуман рајтс воч“.

dobivaj vesti na viber

Меѓу нив имало 71 малолетник и 70 полицајци и други безбедносни сили, наведува агенцијата, пренесе Хина, повикувајќи се на ДПА.

Вкупно беа уапсени речиси 20.000 луѓе.

Протестите се проширија во 160 градови

Повеќе од стотина од нив ја чекаат смртната казна, а неколку демонстранти веќе се егзекутирани.

Бранот протести во Иран беше поттикнат од смртта на Махса Амини во притвор на 16 септември 2022 година, којашто моралната полиција ја уапси поради „несоодветна“ облека.

Протестите се проширија во 160 градови.

Иранските власти се’ уште не објавија информации за вкупниот број на загинати и уапсени.

Прикажи повеќе...

Најново

Спорт3 часа

(Видео) Ѓоковиќ во солзи ја прослави победата, плачеа и фановите

Новак Ѓоковиќ е шампион на Австралија Опен и повторно прв на АТП листата. Српскиот тенисер ја освои Австралија една година...

Македонија3 часа

(Видео) ВМРО-ДПМНЕ бара од власта да ги преиспита тврдењата дека странски држави се вмешани во провокациите кон Македонија

Државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од...

Македонија5 часа

Полицијата упадна во над 200 локали и казина, приведени се лица за дрога и оружје

Синоќа по полноќ до 4 часот утринава, полицицијата спроведе акциска контрола во угостителски објекти на 272 локации. Во контролата беа...

Свет7 часа

По терористичките напади Израел размислува да им дозволи на цивилите да носат оружје

Кабинетот за безбедност на Израел одобри мерки со кои на Израелците ќе им се овозможи носењето оружје по двата одделни...

Свет7 часа

(Видео) Дронови нападнаа воена база во Иран

Со беспилотни летала извршен е напад врз воена фабрика во градот Исфахан во Иран, соопшти официјален Техеран. „Експлозијата се случи...

Македонија8 часа

Ќучук: Надворешни фактори не сакаат да бидеме во добри односи со Северна Македонија

Има надворешни фактори кои не сакаат Бугарија и Северна Македонија да бидат во добри односи. Тоа се сите оние луѓе...

Свет8 часа

Нетанјаху: Не сакаме ескалација, но подготвени сме на секое сценарио

Израелскиот премиер Бенјамин Нетанјаху најави силен и цврст одговор на тероризмот по двата палестински напади во источен Ерусалим, од кои...

Свет8 часа

Зеленски воведе санкции за 185 комапнии и поединци кои ја поддржуваат Москва

Украинскиот претседател Володимир Зеленски воведе санкции за 185 компании и поединци кои ја поддржуваат руската војна, која трае веќе 12...

Свет8 часа

Земјотрес од 5,9 степени го погоди Иран, најмалку тројца загинати и стотици повредени

Најмалку три лица загинаа, а стотици се повредени во земјотресот со јачина од 5,9 степени според Рихтеровата скала што го...

Македонија1 ден

Место да ја плукате и мразите Македонија, подобрете го стандардот, за 30 отсто е намален бројот на жители во Бугарија, порача Мицкоски

Лидерот на опозицијата Христијан Мицкоски ги повика македонските власти да престанат со аматеризмот кога се работи за македонско – бугарските...

Топ1 ден

Возачот кој прегази пензионер на пешачки во Бутел имал 17-години и возел брзо, обвинителството побара притвор

Обвинителството објави нови детали за синоќешната сообраќајна несреќа во скопската населба Бутел, каде што животот го загуби пешак. Од тука...

Свет1 ден

(Видео) 13-годишно дете стои зад денешниот напад во Ерусалим

Две лица се ранети денес при пукање во нов напад во источен Ерусалим, соопшти израелската полиција и го оквалификува како...

Македонија1 ден

Мицкоски во униформа: Басните за 2001-ва Али да му ги раскажува на Ковачевски

Басни за 2001-ва Али Ахмети да му раскажува на Ковачевски, напиша на социјалните мрежи, првиот човек на ВМРО-ДПМНЕ, Христијан Мицкоски...

Македонија1 ден

Бугарската комисија за надворешна политика усвои декларација: „Осуда за насилството врз Бугарите во Северна Македонија“

Бугарската собраниската Комисија за надворешна политика усвои декларација за Македонија која ќе се достави на гласање во пленарната сала. Документот, како...

Македонија1 ден

Ахмети од Тетово: Мицкоски гледал војна само на телевизија

Мицкоски гледал војна само на телевизија, рече претседателот на ДУИ, Али Ахмети од Тетово, откако претходно првиот човек на ВМРО-ДПМНЕ...

Свет1 ден

Објавена снимка од полицајците во Мемфис кои брутално претепаа афроамериканец

Пет сега поранешни полицајци од американскиот град Мемфис се обвинети за убиството на 29-годишниот Тир Николс, афроамериканец кој беше претепан...

Свет1 ден

Светот го осудува масакрот во Ерусалим

Обединетите нации и неколку земји го осудија нападот на палестински вооружен напаѓач на периферијата на Ерусалим во близина на синагога...

Свет2 дена

(Видео) Терористички напад во Ерусалим, најмалку седум мртви

Најмалку седум лица загинаа во терористички напад вечерва во населбата Неве Јаков во Ерусалим, додека уште 10 се повредени. –...

Свет2 дена

Гутереш: Социјалните мрежи се соучесници во ширењето на екстремизмот и расизмот

Генералниот секретар на ОН Антонио Гутереш денеска изјави дека социјалните мрежи и оние кои се рекламираат на нив се соучесници...

Свет2 дена

Кина: Америка е земја насилник која ги крши правилата

Кина денеска остро го критикуваше Вашингтон на состанокот на Светската трговска организација (СТО), нарекувајќи ги САД унилатерален насилник и земја...