Меланија Трамп ја продолжува традицијата на првите дами кои им читаат приказни на деца што поради болест не може да ги напуштат болниците за време на празниците.

Белата куќа соопшти дека првата дама на САД денеска посетила болница и хируршко одделение во Националната детска болница во Вашингтон, објави АП.

Таа на пациентите им помогнала да направат снегулки, а потоа им читала и божикна приказна.

САД подготвуваат нови санкции поради убиствата на антивладините демонстранти во Ирак, изјави висок претставник на американскиот Стејт департмент.

„Не сме готови. Процесот е во тек“, им рече на новинарите Дејвид Шенкер, помошник-државен секретар во Стејт депармтентот, пренесе „Ројтерс“.

САД, претходно денеска, на црната листа ставија тројца ирачки паравоени лидери, кои го поддржуваат Иран, поради нивната наводна улога во убиствата.

Најмалку пет лица загинаа во денешната експлозија на гас во 12-катна зграда во словачкиот град Прешов.

Речиси 85 пожарникари се борат со пожарот до кој дојде по експлозијата, а евакуирани се сите лица од објектот поради стравување дека зградата може да се урне. Во спасувачките операции учествува и војската со шест хеликоптери, јави „Ројтерс“.

Градоначалничката на Прешов, Андреа Турцанова, изјави дека има голем број повредени во најголемата трагедија во градот во последните 50 години.

Голем е бројот и на оние што останаа без покрив над главата.