Контакт

Свет

Трамп им забрани на американските компании трансакции со „Тик ток“ и „Вичет“

Објавено пред

Американскиот претседател, Доналд Трамп, потпиша извршна наредба со која се забрануваат трансакциите помеѓу американските компании и кинеската матична компанија на апликацијата за социјални медиуми „Тик ток“, пренесува „Њујорк пост“.

Забраните ќе стапат во сила по 45 дена.

„Апликацијата може да се користи за кампањи за дезинформации во корист на Кинеската комунистичка партија и САД мора да преземат агресивни активности против сопствениците на ‘Тик ток’ за да ја заштитат нашата национална безбедност“, вели Трамп во наредбата.

Трамп претходно неделава вети дека ќе ја забрани популарната апликација за споделување видео ако технолошката компанија „Вајтденс“, со седиште во Пекинг, не успее да постигне договор со „Мајкрософт“ или друга американска компанија до 15 септември.

Наредбата стапува во сила на 20 септември и секоја американска компанија што ќе ја прекрши може да се соочи со санкции.

Трамп издаде и друга наредба со иста временска рамка со која се забранува соработката на американски компании со уште една апликација за социјални медиуми во кинеска сопственост, „Вичет“.

Извршните наредби следуваа откако администрацијата на Трамп неделава соопшти дека ги зајакнала напорите за елиминирање на недоверливите кинески апликации од амриканските дигитални мрежи и ги нарече „Тик ток“ и „Вичет“  сериозни закани.

Во наредбите стои дека тие апликации собираат информации за корисникот вклучувајќи ги податоците за неговата локација, како и историјата на пребарувањето.

„Тоа потенцијално би можело да ѝ овозможи на Кина да го следи движењето на федералните агенти и американските претприемачи да создаде досиеја со нивните лични податоци за подоцна да ги уценуваат и да вршат индустриска шпионажа“, се наведува во декретот.

Трамп воедно ги обвини тие кинески апликации за цензура на определени содржини иако не прецизира за какви содржини станува збор. Тој претходно соопшти дека единствениот начин тие апликации да не бидат забранети во САД е да ги купи некоја американска компанија, и тоа најдоцна до 15 септември.

Европа

Во Франција над 14.400 новозаразени

Објавено пред

Во Франција, во саботата регистрирани се 14.412 нови случаи на коронавирус за 24 часа, а 39 лица починале од компликации предизвикани од Ковид-19.

Оваа бројка е нешто помала од рекордните 16.000 регистрирани во четврток и петок.

Од почетокот на пандемијата, 527.446 лица се заразениле со коронавирус, соопшти Министерството за здравство.

Досега починаа 31.700 лица, пренесува агенцијата „Ројтерс“.

 

Прикажи повеќе...

Европа

Брисел – ново европско жариште на вирусот

Објавено пред

Дневниот просек на новоинфицирани со коронавирусот во последната недела во Брисел е 2.305, односно 340 заразени на 100 илјади жители.

Се работи за зголемување од 460 случаи дневно во споредба со средината на септември, што го става Брисел на прво место како жариште на епидемијата во Белгија.

Цела Белгија минатата недела беше ставена во „црвената зона“ на мапата на ЕУ за Ковид-19, поради драстичното зголемување на новозаразени, со предупредување за трендот од висок ризик за инфекција.

Во исто време, Советот за национална безбедност одлучи да ги намали постојните рестриктивни мерки од 1. октомври, така што Белгијците повеќе нема да бидат обврзани да носат заштитни маски насекаде, а времетраењето на задолжителниот карантин од 14 се намали на 7 дена, во случај на негативен тест.

Белгиските национални власти ги објаснуваат ваквите мерки со потребата да се воведе стратегија што ќе биде одржлива за подолг период, која вклучува што е можно поголемо нормализирање на моменталната состојба и животот на граѓаните, во ситуација кога не е видлив крајот на пандемијата.

Од друга страна, властите во Брисел воведоа построги мерки од оние што се на сила на национално ниво.

Во Белгија од почетокот на пандемијата потврдени се вкупно 112.803 случаи на инфекција со вирусот.

Вкупниот број на смртни случаи се зголеми на 9.974, со просечно 4 починати на ден.

Прикажи повеќе...

Свет

(Видео) По Нагорно-Карабах и Ерменија прогласи воена состојба, тензиите ескалираат

Објавено пред

Ерменските власти денеска прогласија воена состојба и општа мобилизација откако избувнаа нови судири во Нагорно-Карабах меѓу тамошните сепаратисти поддржани од Ереван и азербејџанските сили.

„Во Ерменија е прогласена воена состојба и општа мобилизација. Ги замолувам сите борбеноспособни граѓани да се појават во воените претставништва“, напиша ерменскиот премиер Никол Пашинјан на „Фејсбук“.

Тој исто така го повика населението да биде „подготвено да ја брани светата татковина“.

„Силно да ја поддржиме нашата држава, нашата армија… и ќе победиме. Да живее славната ерменска армија“, напиша премиерот.

Пред Ерменија и Нагорно-Карабах прогласи воена состојба и општа мобилизација на машкото население, објави претседателот на самопрогласената држава, Арајик Арутјунјан.

Ерменија и Азербејџан денеска започнаа нови судири околу регионот Нагорно-Карабах.

Тие веќе четири децении се во конфликт околу регионот, кој е меѓународно признат како дел од Азербејџан, но е под контрола на Ерменците.

Министерството за одбрана на Ерменија објави дека ерменските сили собориле два азербејџански хеликоптера и три беспилотни летала во Нагорно-Карабах.

Властите во Баку, пак, претходно објавија дека ерменските сили отвориле оган долж линијата на раздвојување и дека имало цивилни жртви.

Прикажи повеќе...

Најново

Топ27 минути

Малолетник од Струмица осомничен за 13 тешки кражби и разбојништва

Струмичката полиција до надлежното Основно јавно обвинителство ќе поднесе пријава против 13-годишник од Струмица, поради сомнение дека извршил 13 кривични...

Европа37 минути

Брисел – ново европско жариште на вирусот

Дневниот просек на новоинфицирани со коронавирусот во последната недела во Брисел е 2.305, односно 340 заразени на 100 илјади жители....

Свет1 час

(Видео) По Нагорно-Карабах и Ерменија прогласи воена состојба, тензиите ескалираат

Ерменските власти денеска прогласија воена состојба и општа мобилизација откако избувнаа нови судири во Нагорно-Карабах меѓу тамошните сепаратисти поддржани од...

Топ3 часа

Кривични за двајца скопјани кои краделе од возила на институции и фирми

Скопската полиција до надлежното Основно јавно обвинителство ќе поднесе кривични пријави против 29-годишниот И.Џ. од селото Страхојадица, поради сомнение дека...

Европа4 часа

Швајцарците гласаат дали сакаат раскинување на договорт за слободно движење со ЕУ

Швајцарските гласачи денеска одлучуваат дали сакаат да го поништат Договорот со ЕУ за слободно движење на луѓето, што е важен...

Свет5 часа

Во светот активни се речиси 8 милиони случаи на коронавирус

Во светски рамки, од почетокот на пандемијата се потврдени 33.058.423 случаи на коронавирус, а моментно се активни 7.649.933 случаи, покажуваат...

Економија17 часа

Најбогатиот Британец и заговорник за брегзит се пресели во Монако

Сер Џим Ретклиф, најбогатиот Британец и еден од водечките поборници за брегзит, ја напушти Велика Британија и се пресели во...

Европа19 часа

(Видео) Лондон: Илјадници луѓе протестираа против рестриктивните мерки, полицијата принудена да интервенира

Британската полиција денеска ги растури демонстрациите во центарот на Лондон против рестрикциите наметнати поради коронавирусот. Полицијата интервенираше откако насобраните ги...

Македонија21 час

141 новозаразени од Ковид-19, почина пациент од Скопје

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на...

Македонија22 часа

(Видео) Протест против полициската бруталност во Битола: „Сакаме правда, и Ромите се граѓани“

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола...

Свет23 часа

Астронаутка ќе гласа од вселената на изборите во САД

Астронаутката на НАСА, Кејт Рубинс, рече дека ќе гласа од вселената, на повеќе од 300 километри над Земјата, на претстојните...

Македонија24 часа

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет24 часа

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ1 ден

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ1 ден

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија1 ден

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет1 ден

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет1 ден

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија1 ден

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа1 ден

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Досие