Српскиот претседател Александар Вучиќ вчера најави дека ќе ја аболира од понатамошното кривично гонење, 25-годишната девојка која со својот автомобил се залета во толпата што протестираше во Белград, во јануари.

Автомобилот влета во толпата и ја носеше девојката на хауба неколку метри, која потоа падна на асфалтот. 25-годишната девојка е осомничена за обид за убиство во врска со овој инцидент.

Сепак, Вучиќ во телефонско интервју за телевизијата „Информер“ најави дека ќе ја помилува девојката доколку таа односно нејзиното семејство се согласат со тоа, пренесува Нова.рс.

„За мене е ужасно што како претседател кој до пред неколку недели не издаде ниту едно помилување за девет години, сега морам да ја исправам неправдата што ја нанесоа обвинителите и судовите. Ќе продолжам да го правам тоа бидејќи неправдата е толку очигледна што ќе морам да ги заштитам слабите, прогонуваните и жртвите на нивните секојдневни напади“, рече тој.

Тој оцени дека одредени носители на судски функции во Србија „ги воведоа неправдата и лошото постапување како највисоки принципи“.

Фридрих Мерц денеска тргнува на своето прво патување во Лондон како германски канцелар, каде што ќе се сретне со британскиот премиер Кир Стармер и ќе потпише сеопфатен договор за пријателство како дел од поширокиот напор за ресетирање на односите на Европската Унија со Велика Британија, објави Ројтерс.

Еднодневната посета на Мерц доаѓа една недела по тридневната државна посета на францускиот претседател Емануел Макрон, сигнализирајќи поблиска соработка меѓу трите најважни сили во Европа во време на растечки закани за континентот и неизвесност околу сојузникот САД.

Европа се бори со трговските тензии со САД откако претседателот Доналд Трамп се врати во Белата куќа, како и со егзистенцијални прашања за подготвеноста на Вашингтон да продолжи да помага во одбраната на европските сојузници, вклучително и Украина, во услови на руска инвазија.

„Договорот доаѓа во време кога ние Европејците сме особено предизвикани во однос на безбедносната политика“, изјави претставник на германскиот владин кабинет на брифинг пред патувањето.

„Не е експлицитно наведено во преамбулата, но трансатлантските прашања се исто така – да го кажеме вака – нестабилни. И тоа е дел од поширокиот контекст.“

Германија има такви договори за пријателство само со неколку земји, како што е Франција, што симболизира посебна блискост меѓу двете земји, објавува Ројтерс.

Речиси една деценија откако Велика Британија гласаше за напуштање на Европската Унија, договорот содржи клаузула за заемна помош што е „исклучително важна во светлината на руската агресија во Украина“, рече функционерот.

Договорот се темели на минатогодишниот одбранбен договор што вклучува заеднички развој на оружје за удар со долг дострел, а доаѓа откако Франција и Велика Британија се согласија минатата недела да ја зајакнат соработката во врска со нивните нуклеарни арсенали.

Земјотрес со магнитуда од 7,3 степени по Рихтеровата скала го погоди брегот на Алјаска.

Геолошкиот завод на Соединетите Американски Држави (USGS) го регистрираше земјотресот во близина на Сенд Поинт на островот Попоф кратко по 12:30 часот по локално време (22:30 часот во македонско).

https://t.co/gziwkx6qpv https://t.co/oJOVh4Ch24

— Noteworthy News (@newsnoteworthy) July 16, 2025

Националната океанска и атмосферска управа издаде предупредување за цунами за брегот од најјужниот врв на копното на Алјаска кон Анкориџ.

Жителите во тие зони се повикуваат да се евакуираат во внатрешноста или на повисоки места или на горниот кат од повеќекатница, според Националната метеоролошка служба на САД.