Свет
Трамп ја суспендира странската помош на 90 дена

Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Шолц: Следната задача е да се осигура дека нема наметнат мир за Украина

Германскиот канцелар Олаф Шолц изјави дека договор за ставање крај на војната во Украина не треба да му се наметнува на Киев, откако американскиот претседател Доналд Трамп во телефонски разговор се согласи да ги отвори преговорите со рускиот претседател Владимир Путин.
„Следната задача е да се осигура дека нема наметнат мир“, изјави Шолц за Политико.
АФП пренесува дека Шолц во интервјуто нагласил дека трансатлантското единство мора „секогаш да биде загарантирано“.
„Целосно ми е јасно дека не може да има решение кое исто така не е решение во кое САД се вклучени“, рече Шолц.
Канцеларот во исто време ја отфрли можноста за испраќање германски војници во Украина во овој момент.
„Сите знаат дека тоа сега не доаѓа предвид“, рече тој.
Во оваа фаза „не беше јасно под кои услови Украина би била подготвена да се согласи на мировен договор“, рече Шолц.
Регион
Обвинителство во БиХ: Мајката и детето најверојатно се убиени со гушење, се чека обдукција

Како што соопштија од Обвинителството на кантонот Тузла, дежурниот обвинител и истражителите од секторот за криминалистичка полиција при МВР на кантонот Тузла синоќа извршиле увид на лице место во семеен стан во Калесија, каде во вечерните часови биле пронајдени две безживотни тела, 37-годишна жена и нејзиниот 13-годишен син.
Осомничениот за двојното убиство моментално е во бегство и по него се трага.
„Најверојатно жената и синот се убиени од задушување. Денеска ќе биде издадена наредба за обдукција на телата на починатите за да се утврдат точните причини за смртта. Во тек се сите потребни истражни дејствија кои по наредба на обвинителството ги спроведуваат истражителите за утврдување на сите околности поврзани со двојното убиство“, соопшти Обвинителството, пренесе „Кликс“.
Европа
(Видео) Зеленски му воведе санкции на Порошенко, причината може да е велепредавство, објави Форбс

Советот за национална безбедност и одбрана на Украина воведе санкции за Петро Порошенко, објави поранешниот претседател во соопштението.
Претседателот Володимир Зеленски рече дека официјалната уредба ќе биде објавена на 13 февруари, но не го спомна Порошенко по име, пишува Киев Индипендент.
Порошенко во својата видео изјава не прецизираше какви ограничувања ќе му бидат наметнати, но санкциите би можеле да бидат поврзани со наводно „велепредавство“, објави Форбс Украина, повикувајќи се на два извори.
„Советот за национална безбедност и одбрана штотуку донесе неуставна, политички мотивирана одлука да воведе санкции против мене, Петро Порошенко, лидерот на опозицијата и петти претседател на Украина“, рече Порошенко во соопштението.
„Денес Зеленски му зададе силен удар на внатрешното единство до кое нашиот тим строго се придржува од февруари 2022 година и кое е нашето главно оружје во борбата против агресорот“, рече тој.
„Целата одговорност за негативните последици е директно на него“, додаде Порошенко.
Зеленски во вчерашното вечерно обраќање рече дека учествувал на седница на Советот за одбрана и дека нивните одлуки ќе бидат објавени следниот ден.
„Ние ја браниме нашата земја и ја враќаме правдата. Секој што ја уништи националната безбедност на Украина и и помогна на Русија мора да одговара за своите постапки“, рече Зеленски, без да прецизира кој точно би можел да биде казнет и што значи тоа.