Илјадници демонстранти денеска повторно протестираа во Љубљана против антиепидемиските мерки на владата на Јанез Јанша, особено задолжителните потврди против Ковид-19. Меѓу насобраните беа и оние што побараа оставка од владата.

На протестот е зголемено присуството на полицијата, но досега е без инциденти и полициска интервенција, што ги спречи демонстрантите да заминат пред зградата на парламентот. Како што пренесуваат тамошните медиуми, во демонстрациите уапсен е барем еден, пренесува „Хина“.

Ljubljana se je umirila. Kongresni trg, kamor so se protestniki vrnili, se prazni. pic.twitter.com/7cTpKOvhLu

— Večer (@vecer) October 20, 2021

Опозицијата денеска поднесе барање за отповикување на министерот за внатрешни работи, Алеш Хојс, во собраниска процедура предлагајќи негова смена поради, како што велат, прекумерната употреба на репресивни мерки против демонстрантите во последните неколку протестни собири.

🇸🇰 Demonstranten in Ljubljana, Slovenië steunen de demonstranten in Triëst. 👏pic.twitter.com/d7wqfPh1K5

— Kees71 (@Kees71234) October 20, 2021

Хојс ја има довербата од премиерот Јанез Јанша, кој минатата година ја одби неговата оставка по медиумско-политичка афера.

Опозицијата собра 43 потписи за интерпелација на министерот, речиси половина од вкупниот број пратеници во парламентот, во кој спаѓаат 90 пратеници.

Во тек е обемна полициска акција за потрага по сторителот на бруталното злосторство во францускиот град Болен.

Во стан е пронајден постар маж, чија глава била отсечена, а како што пренесоа француските медиуми, за нападот е осомничен неговиот внук.

Полицијата го предупреди локалното население дека напаѓачот е опасен и дека треба веднаш да ја извести полицијата доколку го види.

Полицијата објави фотографија од осомничениот за ова убиство и наведе дека се работи за лице на приближно 37 години, кое било вооружено со нож.

Полицијата ја отфрли можноста ова убиство да е поврзано со тероризам. Во потрагата по осомничениот се вклучени полициски специјалци и хеликоптер.

Рестораните и клубовите во Чешка ќе треба да ги проверуваат сертификатите против Ковид-19 на гостите, кои покажуваат дали лицето е вакцинирано или тестирано на коронавирус.

Ова вклучува нови мерки што чешката влада одлучи да ги воведе денеска со цел да се запре зголемувањето на бројот на заразени од коронавирус, што е највисоко од април.

Според новите мерки, ќе биде задолжително носење заштитни маски на работното место и на сите настани во затворени простории.

Веќе нема да има бесплатно тестирање за лица над 18 години бидејќи владата се обидува да поттикне повеќе луѓе да ја примат вакцината и да го скрати периодот на важност на резултатите од тестовите, што ги олеснува посетите на јавни настани и ресторани, пренесува „Ројтерс“.

Во Чешка, земја со 10,7 милиони жители, две третини од возрасните се целосно вакцинирани, што е под просекот на ЕУ од 74 % од вакцинираните.

Според здравствените и владините претставници, повеќето нови случаи на коронавирус се невакцинирани.