29-годишна жена е пренесена во болница во Јужен Велс откако била избодена со нож додека го носела своето дете на училиште.

Бројни училишта низ Велс веднаш беа затворени по овој инцидент, но веднаш не беше објавено за што точно се работи.

Потрагата по осомничениот се уште трае, а според очевидци, тој ја избодел жената неколку пати.

Граѓаните на новинарите им кажале дека мислеле дека се работи за трудница, пренесува Гардијан. Таа била пронајдена во локва крв на тротоар во Аберфан.

Од полицијата соопштија дека повредите на жената не се опасни по живот и дека и била соодветно третирана.

„Осомничениот го напуштил местото на настанот веднаш по инцидентот и истрагата е во тек. Вооружени полицајци вршат претрес на непосредната околина. Локалните училишта ги активираа своите протоколи за да ги заштитат учениците. Ги молиме луѓето да ја избегнуваат областа за да можеме ефективно да го истражуваме овој инцидент. Жената е пренесена во болница со повреди за кои се верува дека не се опасни по живот“, се вели во соопштението на полицијата.

Училиштето Гринфилд на социјалната мрежа Икс (Твитер) соопшти дека ги заклучило вратите и дека учениците се внатре.

Затворено е и блиското основно училиште „Инисовен“.

Нападот се случил на околу 800 метри од местото на трагедијата во Аберфан во 1966 година, во која загинаа 116 деца и 28 возрасни лица кога планински врв се урна врз селско училиште.

Во раните попладневни часови од Газа беше истрелана ракета која директно погоди зграда во градот Ашкелон, предизвикувајќи аларм.

Според првичните извештаи, никој не бил сериозно повреден во ракетниот напад, но неколку луѓе претрпеле акутни напади на вознемиреност, пишува The Times of Israel.

Службите за итни случаи соопштија дека две жени на возраст од 60 години претрпеле полесни рани од шрапнели.

Припадниците на Противпожарната и спасувачката служба се на терен и трагаат по лица кои можеби се заробени во урнатините.

Ракетни сирени се огласија во неколку населени места во северен Израел во близина на границата со Либан. Во централниот дел на Израел, вклучително и во Тел Авив, се огласуваат ракетни аларми поради престрелки од правец на Газа.

Шест патници кои се наоѓале во автобусот на транспортната компанија „Нишекспрес“ се повредени во 14.30 часот во сообраќајна несреќа на крстосницата од Булевар 12. Февруари и улица Хумска во Ниш.

До несреќата дошло кога возило од градски сообраќај се судрило со камион со панчевски регистарски таблички.

Интервенирале две екипи на Брза помош и повредените патници ги пренеле во Универзитетскиот клинички центар Ниш.

Според првичните информации сите патници се со полесни повреди.

Полицијата врши увид, се утврдува причината за несреќата.