Свет
Тужба против раперот Тревис Скот по трагедијата на фестивалот во Хјустон
Најмалку две истраги и една граѓанска тужба беа поднесени поради смртоносното стампедо на луѓе за време на настапот на рап-ѕвездата Тревис Скот на музичкиот фестивал „Астроворлд“ во Хјустон, при што загинаа најмалку осум лица, а десетици беа повредени.
Меѓу жртвите има и двајца тинејџери на возраст од 14 и 16 години, кои загинаа во стравотен налет на публиката, пренесува „Ројтерс“.
Скот продолжил да настапува и откога забележал дека неговите обожаватели добиваат лекарска помош за подоцна да им каже на властите дека не бил свесен за сериозноста на ситуацијата.
Шефот на полицијата во Хјустон, Трој Фајнер, изјави дека неговиот оддел отворил кривична истрага по пријава дека некој од публиката им инјектирал дрога на луѓето.
„Еден член на обезбедувањето почувствувал убод во вратот, се онесвестил и повторно се соземал кога му бил вшприцан ‘наркaн’, лек што се користи при предозираност со опиоиди“, рече Фајнер.
Според зборовите на шефот на градската противпожарна служба, Семјуел Пене, уште на неколку лица им бил инјектиран „наркан“.
Судијката од округот Харис, Лина Илдаго, повика на објективна независнa истрага за рап-фестивалот, на кој присуствуваа 50.000 луѓе.
Мануел Соуса, кој претрпел тешки телесни повреди на фестивалот, ја поднесе првата тужба барајќи најмалку милион долари отштета од голем број обвинети, вклучително и Тревис Скот и промоторот на концертот „Лајв нејшн“, се наведува во тужбата поднесена до окружниот суд.
Жртвите починале во близина на бината кога толпата се придвижила напред, а некои претрпеле срцев удар и други медицински трауми, соопштија официјални лица. Засега останува нејасно дали стампедото било предизвикано од некој конкретен настан или било комбинација од повеќе фактори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.