Свет
Турција најави меѓународна истрага за убиството на Кашоги
Турција планира да покрене меѓународна истрага за убистото на саудискиот новинар Џамал Кашоги, изјави министерот за надворешни работи, Мевлут Чавушоглу.
Кашоги, кој важеше за голем критичар на саудискиот престолонаследник, принцот Мохамед бин Салман, почна да пишува за „Вашинготн пост“ кога се пресели вол САД, а убиен беше во саудискиот конзулат во Истанбул на 2 октомври.
Турција претходно објави дека соработува со други земји во врска со овој случај и ја обвини Саудиска Арабија дека не учествува доволно во истрагата.
Шефот на турската дипломатија, Мевлут Чавушоглу, рече дека одредени западни медиуми се обидуваат да го забошотат убиството на Кашоги и додаде дека Турција ги направила подготовките за покренување меѓународна истрага.
Саудискиот новинар, кој работеше како дописник за „Вашинготн пост“, на 2 октомври минатата година влезе во саудискиот конзулат во Истанбул со цел да ги подигне неопходните документи за неговата венчавка, но тој никогаш не излезе од конзулатот.
Турција го обвини Ријад за вмешаност во убиството на новинарот, Кашоги, но официјален Ријад ги демантираше ваквите тврдења.
Од досегашната истрага се уште останува непознато што се случило и каде е телото на убиениот новинар. Во дел од медиумите пред речиси еден месец беа објавени транскрипти од разговорите кои се воделе во конзулатот за време на убиството на Кашоги, и според тие информации кои не беа со сигурност потврдени неговото тело било распарчено на делови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.