Контакт

Свет

Турција: Санкциите на ЕУ за турската поморска компанија се пристрасни

Објавено пред

Турција денес ја критикува одлуката на Европската Унија за наметнувањето санкции врз турската поморска компанија обвинета за кршење на ембаргото за оружје за Либија воведено од ОН како доказ за двојни стандарди на ЕУ, пренесува РТ.

dobivaj vesti na viber

ЕУ претходно го замрзна имотот на „Аврасија шипинг“, чиј товарен брод „Циркин“ беше вклучен во поморскиот инцидент меѓу Франција и Турција и двете членки на НАТО во јуни. Брисел ја обвини компанијата дека го користела бродот за шверц на оружје во Либија. Анкара го негира тврдењето за трговија со оружје велејќи дека бродот носел хуманитарна помош.

„За нас нема вредност додавањето на нашата поморска компанија на списокот со санкции во контекст на Либија што произлезе од состанокот на Советот за надворешни работи на ЕУ. Многу жално што е донесена толку погрешна одлука кога се прават напори да се намалат тензиите во источен Медитеран. Операцијата ‘Ирини’ на ЕУ го поддржува либискиот воен лидер Калифа Хафтар и ја казнува владата за национално единство призната од ОН“, се вели во соопштението на турското Министерство за надворешни работи.

Воената операција, одобрена од министрите за надворешни работи на ЕУ на 31 март годинава, се спроведува од воздух, на море и со сателити за да се осигури дека сите земји ја почитуваат забраната за обезбедување оружје на страните вклучени во либискиот конфликт.

„Додека помошта што нашата земја ѝ ја дава на легитимната влада е опишана како кршење на ембаргото, игнорирањето на земјите и компаниите што му испраќаат оружје на пучистот Хафтар по копно и воздух, особено ОАЕ, е јасен показател за пристрасниот став на ЕУ“, велат од Министерството.

Во соопштението се вели дека ако ЕУ сака безбедност и стабилност во регионот, треба да се откаже од овој пристрасен став и да дејствува во консултација и соработка со Турција.

Сепак, ЕУ воведе санкции и за уште две други компании: казахстанската „Сигма ерлајнс“ и „Јорданс мед вејв шипинг“ и против двајца Либијци. Еден од нив е Махмуд ал-Верфали за кој ЕУ вели дека е командант во источна Либија, одговорен за убиството на 33 лица и едно масовно погубување. Вториот е Муса Дијаб кого официјалните претставници на ЕУ го обвинија за трговија со луѓе, силување и за убиство на бегалци.

Според либискиот премиер Фајез ал-Сараџ, иако операцијата има цел да го спроведе ембаргото на ОН за вооружување на завојуваните страни на Либија, главно се фокусира на поморските активности во Средоземното Море, а страната на Хафтар – непријател на легитимната либиска администрација – продолжува да прима оружје и муниција главно по воздух и копно, пренсува „Анадолија“.

Во Либија владее граѓанска војна од соборувањето на повеќедеценискиот лидер Моамер Гадафи во 2011 година. Во 2015 година беше формирана влада на национално единство според договорот предводен од ОН, но напорите за долгорочно политичко решение не успеаја поради воената офанзива од страна на силите лојални на пучистот Калифа Хафтар.

ОН ја признаваат владата предводена од премиерот Фајез ал-Сараџ како легитимен претставник на земјата што се бори против нападите на Хафтар. Дипломатските напори за постигнување решение за либискиот конфликт сè уште траат по низата победи на либиската Армија против милициите на Хафтар.

Регион

Сопругата на хрватскиот претседател вршела притисок да му ги поправат оценките на син ѝ

Објавено пред

Хрватското Министерство за образование и наука отвори инспекциска постапка во училиштето во кое учи синот на хрватскиот претседател Зоран Милановиќ откога неговата сопруга, како што тврди „Јутарњи лист“, извршила притисок врз директорот на училиштето да му ги смени веќе заклучените оценки на син ѝ, и тоа од четворки во петки.

dobivaj vesti na viber

Според весникот, Сања Мусиќ-Милановиќ на 24 јуни испратила имејл до директорот на училиштето на син ѝ, класниот раководител и до училишниот психолог наведувајќи ги неправилностите во наставата по математика како причина за промената на оценките.

Ова предизвика бран реакции во медиумите поради наводниот притисок на сопругата на претседателот да му ги зголеми оценките на синот, така што просекот на сите негови оценки би бил пет, пренесуваат хрватските медиуми.

Според „Хина“, Милановиќ денеска изјавил дека не знаел за писмото на сопругата до училиштето и дека тој немало да го напише. Милановиќ исто така ја нападнал и компанијата „Ханза медија“, сопственик на „Јутарњи лист“, поради објавување напис на оваа тема.

„Не знаев. И јас не би бранел нешто само затоа што жена ми го направила. Кога се занимаваш со ваква работа, тоа всушност ништо не значи, но, според мене, тука е многу помалку важно од начинот на кој криминалната организација „Ханза медија“ ја подготвила“, рече Милановиќ.

Тој додаде дека со тоа писмо неговата сопруга оставила „бразда длабока три метри“.

„Да ми го направеше тоа мајка ми кога имав 17,5 години, ќе полудев“, изјави Милановиќ. „ Но, мама е мама, сега мама остави пишан белег“, рече Милановиќ.

Хрватскиот претседател смета и дека цел на текстот во весникот не е неговата сопруга, туку лично тој.

Прикажи повеќе...

Свет

Уште еден руски милијардер пронајден мртов во базен со прострелна рана во главата

Објавено пред

Рускиот милионер Јуриј Воронов (61), шеф на логистичка компанија која имала профитабилни договори со „Газпром“ на Арктикот, е пронајден мртов во својот дом, во богатото предградие на Санкт Петербург.

dobivaj vesti na viber

Воронов вчера бил пронајден како лебди во базенот со прострелна рана во главата, а на дното од базенот биле пронајдени неколку патрони.

Рускиот истражен комитет ја истражува смртта на Воронов за која во моментот се сомневаат дека е предизвикана од спор со деловните партнери. Неговата сопруга наводно ѝ рекла на полицијата дека Воронов се жалел оти бил измамен од нечесни изведувачи и партнери за многу пари и дека неодамна почнал да пие многу.

Ова е само една во низата мистериозни смртни случаи на руски богаташи од почетокот на инвазијата на таа земја на Украина.

Александар Тулаков (61), висок функционер за финансии и осигурување на „Газпром“, беше пронајден мртов во својот дом во февруари. Инспекторите рекоа дека тој се самоубил, но локалните извештаи велат дека на неговото тело имало знаци на насилство, што укажува на тоа дека бесењето било наместено.

Три недели претходно 60-годишниот Леонид Шулман беше пронајден мртов, избоден во бањата. Шулман беше шеф на транспортот во „Газпром инвест“, филијала на енергетскиот гигант задолжен за инвестициски проекти.

Милијардерот Александар Суботин (43), поранешен висок функционер во енергетскиот гигант „Лукоил“, исто така беше пронајден мртов во мај. Една од теориите е дека тој бил отруен со отров што предизвикал срцев удар.

Прикажи повеќе...

Свет

Кисинџер до Зеленски: Не сум го кажал тоа

Објавено пред

Поранешниот американски државен секретар Хенри Кисинџер негира дека некогаш тврдел оти Русија треба да ги задржи териториите за кои Украина смета дека се под нејзина јурисдикција.

dobivaj vesti na viber

Тој додаде дека критиките упатени кон неговите изјави се несоодветни.

„Во моментот Русија сè уште окупира 15 отсто од предвоената украинска територија. Таа мора да ѝ биде вратена на Украина пред да може да се воспостави значаен прекин на огнот“, рече поранешниот американски државен секретар во интервју за магазинот „Тајм“ објавено во неделата, пренесува „Раша тудеј“ на англиски.

Кисинџер смета дека Крим и делот од Донбас под контрола на проруските сили на Донецк и Луганск треба да бидат исклучени од равенката бидејќи тие се од големо значење за Русија надвор од сегашната криза.

„Јас не реков дека треба да се отстапи територијата. Јас само имплицирав дека треба да има посебен статус во сите преговори“, додаде тој.

Кисинџер предупредува на краен рок за мирно решение во Украина. 99-годишникот ги коментира забелешките што ги даде во мај за време на говорот во видеоврска на Светскиот економски форум во Давос. Тој повика мировните преговори меѓу Русија и Украина да почнат набргу и предупреди дека неуспехот на Западот да одговори на безбедносните интереси на Москва ќе го доближи до Кина.

Украинскиот претседател Володимир Зеленски, кој во неколку наврати отфрли каков било исход, освен руски воен пораз како неприфатлив за неговата земја, го критикува Кисинџер за, како што рече, смирување на Русија. Украинскиот лидер го спореди државникот со архитектите на Минхенскиот договор од 1938 година – Обединетото Кралство и Франција – кои го отворија патот за инвазијата на нацистичка Германија врз Чехословачка.

По вооружениот пуч на „Мајдан“ во 2014 година, Крим гласаше да ја напушти Украина и да стане дел од Русија, што Москва го одобри. Двете републики во Донбас, пак, бараа широка автономија во рамките на Украина, но се фатија за оружје кога новите власти во Киев почнаа воена акција против нив. Русија ја наведе потребата да се заштити републиката од континуирани украински напади пред да почне сопствена офанзива против Украина во февруари.

Интервјуто на Кисинџер беше посветено на дискусијата за неговата нова книга за раководството на извонредните државници. Тој истражува шест случаи: повоениот западногермански канцелар Конрад Аденауер, францускиот претседател Шарл де Гол, египетскиот претседател Анвар Садат, премиерот на Сингапур Ли Куан Ју и британската премиерка Маргарет Тачер. Запрашан да го процени лидерството на Зеленски, Кисинџер ги повтори своите ставови дека човекот одиграл историска улога во освојувањето на претседателството на нацијата, која „нормално не би избирала некој како него поради неговото потекло“ – мислејќи дека тој е Евреин, како што е и самиот Кисинџер. Тој додаде дека „останува да се види дали може да го институционализира она што го почнал или тоа е влијание на исклучителна личност врз една многу драматична ситуација“.

„Тој не се изрази за тоа како ќе изгледа светот по војната со истата јасност и убедување со која ја води војната. Но, јас го сметам за голема фигура“, додаде Кисинџер.

Прикажи повеќе...

Најново

Македонија4 часа

Полицијата ги притисна демонстрантите, има приведени неколку лица, но и повредени полицајци

Полицијата ги истурка демонстрантите што беа пред зградата на Собранието. Ги разбрка кон Паркот на жената борец, при што огромна...

Македонија5 часа

(Видео) Демонстрантите ја урнаа оградата пред Собранието

Демонстрантите ја урнаа оградата од пред Собранието. Помала група влезе на тревата пред законоданвиот дом. Фрлаат со факли, петарди, камења,...

Македонија6 часа

(Фото) Демонстрантите фрлаа јајца и петарди кон зградата на МНР

Петарди, јајца и други предмети завршија во фасадата на МНР. И покрај дождливото време, колона граѓани излегоа на улиците за...

Македонија6 часа

(Видео) И покрај дождот, протестите продолжија и вечерва

И покрај дождот, и оваа вечер продолжи протестот против францускиот предлог, што се одржува пред Владата. Голема група граѓани го...

Македонија11 час

За време на протестите се подготвува нешто што не доликува на земја членка на НАТО, оценува Ковачевски

Премиерот Димитар Ковачевски посочи дека денеска се спрема нешто што не доликува на земја членка на НАТО за време на...

Македонија11 час

Мишел за францускиот предлог: Како пријател, сакам да ви кажам дека можноста е премногу важна за да се пропушти

Вие одлучувате за вас и вашите чекор, а С Македонија припаѓа во ЕУ. Ова е ставот на претседателот на Европскиот...

Македонија11 час

Ковачевски: Со францускиот предлог, историјата, јазикот и идентитетот се заштитени

Премиерот Димитар Ковачевски тврди дека во европскиот предлог има дефинирани позиции за прифаќање на македонскиот јазик. Во предлогот македонскиот јазик...

Македонија13 часа

Регистрирани се 293 новозаразени со коронавирус, нема починато лице

Согласно податоците од Институтот за јавно здравје, Министерството за здравство информира дека во последните 24 часа биле направени 1.254 тестови,...

Топ14 часа

МВР: Четворица полицајци повредени на вчерашните протести пред Владата, запалено знамето на ЕУ

На вчерашните протести пред Владата биле повредени четворица полицајци, а било запалено и знамето на ЕУ, соопшти полицијата. Имено, вчера...

Македонија14 часа

Димитров: Тврдењето дека билатералниот протокол не е поврзан со рамката e голема лага

Тврдењето дека билатералниот протокол (историските и други прашања) не е поврзан со рамката (пристапниот процес) и дека тоа се два...

Топ15 часа

НСДП го прифати францускиот предлог

Извршниот одбор на Новата социјалдемократска партија (НСДП) сооопшти дека одлучи да го прифати компромисниот предлог на француското претседателство за решавање...

Македонија15 часа

Нуредини: Првите седум контејнери со линдан излегоа од државата

Првите седум контејнери со чист линдан, секој од нив тежок по 22-26 тони, вчера попладне излегоа од ОХИС и тргнаа...

Македонија17 часа

ВМРО-ДПМНЕ: Францускиот предлог е пораз на македонската дипломатија

Францускиот предлог, кој Владата е подготвена да го прифати, е крајно неповолен за Македонија бидејќи ги содржи бугарските барања. Тоа...

Македонија17 часа

Мицкоски одбил да учествува во работните групи за спорот со Бугарија, тврди СДСМ

Лажна и лицемерна е наводната загриженост на Христијан Мицкоски и ВМРО-ДПМНЕ за предлогот на француското претседателство. Иако во текот на...

Свет18 часа

Уапсен осомничениот за убиство на шест лица на парадата во Чикаго

Американската полиција уапси осомничен за убиството на шест лица во масовното пукање на парадата на Денот на независноста во Хајленд...

Македонија18 часа

Францускиот предлог претставен пред Стратешкиот совет на МНР

Министерот за надворешни работи, Бујар Османи, синоќа го свика Стратешкиот совет за надворешна политика со цел одржување консултации за предлогот...

Македонија19 часа

Шарл Мишел во посета на Скопје

Претседателот на Европскиот совет, Шарл Мишел, денес пристигнува во посета на Скопје. Се очекува Мишел во рамките на посетата да...

Македонија1 ден

(Видео) Летаат јајца кон Собранието, демонстрантите бараат оставки

Демонстрантите од владината зграда се упатија кон Собранието, каде што ја пробија оградата и навлегоа во дворот на законодавниот дом. На...

Македонија1 ден

Лидерите на ДОМ, Демократскиот сојуз и ЛДП со резерва за францускиот предлог на средбата со Пендаровски

Претседателот Стево Пендаровски денеска оствари средба со претседателката на ДОМ, Маја Морачанин, претседателот на Демократскиот сојуз, Павле Трајанов, и со...

Македонија1 ден

(Видео) Маричиќ: Со официјалниот француски предлог го добивме она за кое се бориме со години

Заменик-претседателот на Владата задолжен за европски прашања, Бојан Маричиќ, на денешната прес-конференција со министрите за европски прашања на Финска и...