Контакт

Европа

Туск избран за претседател на Европската народна партија

Објавено пред

Претседателот во заминување на Европскиот совет, Доналд Туск е избран за претседател на Европската народна партија (ЕПП). Ова беше одлучено синоќа во Загреб од страна на претставниците на партиите, пред кои Туск вети дека ќе се бори против популистите.

За Туск гласаа 491 пратеник, а против беа 37, на Конгресот на алијансата на европските демохристијански партии.

Туск беше единствениот кандидат за нов лидер на европската партија на десен центар и најсилната група во Европскиот парламент.

Европа

Главниот осомничен за нападот во Париз признал дека негова цел бил „Шарли Ебдо“

Објавено пред

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица.

Маж вооружен со месарски нож вчера рани две лица во нападот кој се третира како терористички акт, пренесува Би-би-си.

Главниот осомничен, кој беше идентификуван како 18-годишник со пакистанско потекло, бил уапсен во близина на местото на нападот. Според последните информации од извори блиски до истрагата, тој во полиција признал дека цел му бил сатиричниот магазин.

Полицијата соопшти дека се приведени уште шест лица и дека нивниот распит е во тек.

Министерот за внатрешни работи Жералд Дарманин рече дека очигледно станува збор за чин на исламски тероризам и оцени дека полицијата го потценила нивото на закана во таа област.

Идентитетот на жртвите на вчерашниот напад не е официјално соопштен, но полицијата наведува дека станува збор за маж и жена, кои работеле во продукциска куќа.

Премиерот Жан Кастекс пред новинарите изјави дека нивниот живот не е во опасност.

Нападот се случи во време кога во Париз во тек е судењето на осомничени за соучесници во серијата терористички напади извршени пред пет години, што започна со масакрот во тогашната канцеларија на весникот и заврши два дена подоцна по заложничката криза во супермаркет за продажба на храна која се подготвувала според „кошер“ стандардите.

За вкупно три дена, тогаш терористите убија 17 лица, од кои 12 во вооружен напад врз просториите на „Шарли Ебдо“, каде што во тоа време се одржуваше состанок на редакцијата.

Крвавиот напад врз редакцијата на „Шарли Ебдо“, во кој беше убиен и уредникот Стефан Шарбоније, претставуваше одмазда на екстремните исламисти поради контроверзните карикатури на пророкот Мухамед, кои весникот првпат ги објави во 2006 година.

Одбележувајќи го почетокот на судењето на соучесниците во нападите во 2015 година, уредничкиот одбор на весникот одлучи на почетокот на овој месец да ги објави повторно контроверзните карикатури на Мухамед, во чест на неговите убиени колеги, опишувајќи ги како „докази“ во процесот и како дел од историјата којашто како што е наведено, „не може повторно да се испишува или да се избрише”.

Прикажи повеќе...

Европа

Франција бара Брисел да ја принуди секоја членка на ЕУ да прими мигранти

Објавено пред

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска почва, пренесува „Л’инфо“.

Зборувајќи за „Франс интер“ во средата, францускиот министер за внатрешни работи, Жералд Дарманин, посочи дека прашањето за миграцијата може да се реши само на европско ниво и дека секоја земја во ЕУ мора да го дели товарот за преселување на мигрантите од третиот свет.

„Ние, сепак, сакаме европска солидарност. Нема причина зошто само Италија, Франција и Германија да ја делат оваа солидарност со Грција“, рече Дарманин.

Францускиот министер ги даде своите забелешки непосредно пред Брисел да обелодени дека задолжителниот механизам за солидарност ќе биде дел од плановите за наметнување европски систем за азил и миграција на секоја земја во ЕУ.

Иако новиот план технички нема систем за задолжително преселување – главна точка на расправија за земјите, вклучително Унгарија и Полска, кои не сакаат да станат мултикултурни држави по калапот на Франција и Германија – деталите во рамките на предлозите сугерираат дека Брисел планира да им ги префрли мигрантите на задната врата на нациите што не ги сакаат.

Земјите што одбиваат да ги преселат мигрантите директно ќе бидат принудени да покажат солидарност преземајќи одговорност за враќање на илегалните имигранти во нивните татковини.

Меѓутоа, ако депортациите не бидат успешно извршени – и невладини организации за миграција и адвокати се покажаа многу ефикасни во спречување на депортациите – владата што ги спонзорира враќањата ќе биде казнета со тоа што сепак ќе мора да ги прими мигрантите.

И покрај големата француска загриженост дека масовната имиграција од глобалниот југ ја прави нивната земја многу понасилно и поопасно место за живеење, владата инсистира да се прими голем дел од постојаниот прилив на нелегални имигранти, кои продолжуваат да бидат тргувани во Европа.

Локалните медиуми на Малта во средата објавија дека голема група мигранти е пренесена во Франција, а уште стотици треба да бидат пренесени таму во следните неколку недели. Брод на невладина организација управуван од германската група за кампања за отворени граници „Си ај“ во моментот плови кон Марсеј со 125 нелегални имигранти кога Италијанците одбија да го пуштат бродот да се закотви.

Зборувајќи од име на Мишел Рубирола, екстремно левичарската градоначалничка на Марсеј, која е од зелената партија,  заменик-градоначалникот Беноа Пајан рече дека Марсеј е подготвен да ја прими последната група мигранти.

Иако француската влада е дарежлива во понудата на средства од даночните обврзници за сместување и хранење на неограничениот прилив на мигранти од Африка и од Блискиот Исток, многу од новодојденците ќе сакаат нелегално да влезат во Велика Британија кога ќе пристигнат во Франција.

Стотици мигранти секој ден нелегално го преминуваат Ла Манш кон Велика Британија, а последните официјални податоци покажуваат дека повеќе од 6.400 дошле со брод досега годинава – повеќе од тројно повеќе од бројот регистриран во 2019 година.

Прикажи повеќе...

Европа

СЗО: Во Европа се зголемува заразата со коронавирусот

Објавено пред

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл Рајан.

Тој рече дека властите во Европа мора да го запрат ширењето на епидемијата на коронавирусот пред сезоната на грипот.

„Европа треба многу да стори за да ја стабилизира ситуацијата и да го стави под контрола пренесувањето на вирусот“, рече Рајан, кој по професија е лекар.

Предупреди дека на голем дел од континентот е регистрирано загрижувачко зголемување на бројот на заразени лица.

Епидемиологот на СЗО, Марија ван Керкова, потсети дека се наоѓаме на крајот на септември и сезоната на грип сè уште не е почната. Оттука, предупреди таа, организацијата е загрижена за можноста трендот да продолжи во погрешна насока.

Керкова истакна дека раната хоспитализација и употребата на „дексаметазонот“ спасиле животи.

„Ние сакаме да избегнеме затворање на државно ниво, како што беше случај на почетокот“, додаде Ван Керкова.

Прикажи повеќе...

Најново

Македонија1 час

141 новозаразени од Ковид-19, почина пациент од Скопје

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на...

Македонија2 часа

(Видео) Протест против полициската бруталност во Битола: „Сакаме правда, и Ромите се граѓани“

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола...

Свет3 часа

Астронаутка ќе гласа од вселената на изборите во САД

Астронаутката на НАСА, Кејт Рубинс, рече дека ќе гласа од вселената, на повеќе од 300 километри над Земјата, на претстојните...

Македонија4 часа

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет4 часа

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ5 часа

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ6 часа

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија7 часа

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет7 часа

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет9 часа

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија9 часа

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа10 часа

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Свет10 часа

Институт „Гамалеја“: Некои вакцинирани лица развиваат заштитни антитела по првата доза

Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните...

Топ19 часа

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија19 часа

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа21 час

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија22 часа

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија1 ден

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Македонија1 ден

(Видео) Кривична пријава и суспензија за полицаецот кој претепа Ром во Битола

Одделот за внатрешна контрола, криминалистички стандарди и професионални истраги во МВР поднесе кривична пријава до Основното јавно обвинителство за гонење...

Европа1 ден

Напаѓачот уапсен, полицијата пронајде мачета и сатар на местото на нападот во Париз

„Бев во мојата канцеларија. Слушнав врисоци на патот. Погледнав низ прозорецот и видов жена која лежеше на подот и имаше...

Досие