Свет
Украинците тврдат дека чеченскиот лидер Кадиров е во кома
Рамзан Кадиров наводно е во кома. Така тврдат Украинците кои пишуваат дека неговата здравствена состојба е влошена.
Независниот белоруски канал Некста ја пренесува изјавата на портпаролот на украинската разузнавачка служба, Андриј Јусов, кој вели дека болеста на Рамзан Кадиров се влошила.
Украинска Правда пренесува дека Јусов за Укринформ изјавил дека Кадиров е во критична состојба.
„Можеме да потврдиме дека имал уште едно сериозно влошување и дека е во критична состојба последните неколку дена“, се пренесуваат наводните зборови на Јусов.
„Информациите се потврдени од различни извори во медицински и политички кругови. Не станува збор за повреди. Други детали треба дополнително да се разјаснат. Тој е подолго време болен, а се работи за системски здравствени проблеми“, изјави Јусов.
Првите гласини за лошата здравствена состојба на чеченскиот лидер се појавија уште во март. Беа споменати труење и бубрежна болест. Кадиров ги отфрли гласините набргу потоа.
„Јас сум здрав и полн со енергија“, рече тогаш Кадиров во објавата на Телеграм, додавајќи дека му е „жал што ги вознемирува“ сите што се надеваат дека е „смртно болен“, објави независниот руски весник „Москоу тајмс“ во средината на март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американски брачен пар убиен во Мексико
Американска брачна двојка е убиена во западната мексиканска држава Мичоакан, соопштија државните обвинители, веднаш откако претседателот на земјата го заврши состанокот со безбедносните службеници на тема решавање на бранот насилство во таа земја.
Идентификувани како Глорија А. (50) и Рафаел Ц. (53), парот се возеле во пикап во општината Ангамакутиро кога биле застрелани во средата вечерта, се вели во соопштението од канцеларијата на државниот обвинител во Мичоакан.
Жената починала на местото на несреќата, а мажот набрзо во болница. Не е јасно зошто парот бил мета, а истрагата е во тек. се наведува.
Портпаролката додаде дека жената, која има американско државјанство, и мажот, кој е роден во САД од мексикански родители, имаат семејство и дом во Ангамакутир.
Мексиканската претседателка Клаудија Шејнбаум, која ја презеде функцијата во октомври, вети дека ќе го повтори на национално ниво успехот што го постигна како градоначалник на Мексико Сити во намалувањето на стапката на убиства.
Но, нејзините први два месеци на функцијата беа обележани со избивања на картелско насилство во неколку „жешки точки“, пишува Ројтерс.
Европа
(Видео) Падна рингишпил во Бирмингем, неколкумина се повредени
Две лица се префрлени во болница, а неколкумина се повредени откако се расипа рингишпил на саем во Бирмингем, пишува Скај Њуз.
Противпожарната служба на Вест Мидлендс соопшти дека рингишпилот „паднал на нивото на земјата“ околу 19.30 часот.
The mangled chains of the failed Christmas fairground ride in Centenary Square, Birmingham city centre, that crashed earlier tonight.
West Midlands Fire services said the ride ‘dropped to ground level whilst in operation.’ One person taken to hospital @gmb pic.twitter.com/ynsOXr7Usn
— Nitya Rajan (@NityaGRajan) December 12, 2024
Според службата за брза помош во Вест Мидлендс, болничарите пронашле 13 лица на плоштадот Сентенари на кои им била потребна помош.
Две жени се пренесени во болница, но според првите информации нема сериозни повреди, изјави портпаролката.
Police at Centenary Square, Birmingham following reports of an issue with one of the rides.
A small number of people were being treated at the scene by paramedics, but no serious injuries have been reported, says @WMPolice @ITVCentral pic.twitter.com/NIXq4XelwK
— Ravneet Nandra (@RavNandraITV) December 12, 2024
Уште десетина лица се прегледани и пуштени на домашно лекување.
Свет
Мета му донираше милион долари на Трамп
Мета донираше 1 милион долари на инаугуративниот фонд на новоизбраниот претседател Доналд Трамп, потврди компанијата за Си-ен-ен.
Да потсетиме, шефот на Мета, Марк Цукерберг, пред две недели приватно се сретна со Трамп во Мар-а-Лаго, а Си-ен-ен претходно објави дека Цукерберг бара поактивна улога во обликувањето на технолошката политика на идната администрација.
Тоа е голем пресврт од пред речиси четири години кога Мета го забрани Трамп на своите платформи по нападот на Капитол на 6 јануари 2021 година.
Во пресрет на овие избори, Цукерберг постепено покажа афинитет кон Трамп. Во интервјуто летото, основачот на Фејсбук рече дека одговорот на Трамп на обидот за атентат во јули бил „опасен“.
„Да го видам Доналд Трамп како станува откако е застрелан и ја става тупаницата во воздух со американско знаме е една од најопасните работи што сум ги видел во животот“, рече тој за време на интервјуто.
Трамп во интервјуата и претходните настапи се фалеше за разговорите што ги имал со технолошките титани, а сега ги фали компаниите што некогаш ги обвинуваше за неговиот пораз на изборите во 2020 година.