Контакт

Европа

Унгарија планира да воведе сертификат за лицата имуни на коронавирусот

Објавено пред

Унгарија објави дека граѓаните што прележале Ковид-19 или биле вакцинирани ќе може да бидат ослободени од некои ограничувачки мерки, објави „Ројтерс“.

Придобивките, кои ќе бидат познати повеќе по истражувањето почнато од унгарската влада, може да имаат форма на сертификати што ќе им бидат издадени на лица за кои се смета дека се заштитени од Ковид-19 и нема да бидат предмет на ограничувачките мерки што се во сила од ноември, вклучително и полицискиот час.

Премиерот Виктор Орбан, кој се подготвува за изборите в година, го користеше истражувањето за да го тестира јавното мислење за клучни прашања, како што се имиграцијата и поддршката на полициските одлуки.

Сè уште не е познато дали Унгарците, од кои многумина се против вакцинацијата, ќе се согласат да го поддржат олеснувањето за луѓето за кои се смета дека се имуни на коронавирусот.

Европа

Дрога вредна 300.000 евра пронајдена во возило на Итната помош во Италија

Објавено пред

Полицијата во пристаништето Месина, на Сицилија, заплени 30 килограми марихуана, која двајца курири се обиделе да ја прошверцуваат во возило на Брзата помош.

Полициските службеници на влезот на траектот, кој ја поврзува Сицилија со Калабрија, одлучиле да го прегледаат возилото на Брзата помош затоа што кучињата користени во операциите против наркотици биле вознемирени во близина на тоа возило.

По деталното пребарување пронашле дрога – 50 пакувања со 30 килограми марихуана, а уапсени се и двајца курири.

Според првичните информации, шверцерите верувале дека ќе ја пренесат дрогата без никаков проблем, сметајќи на вонредната состојба поради заразата со коронавирус, а полицијата претпоставувајќи дека заразено лице може да биде во автомобилот, нема да ги контролира.

Според проценките на полицијата, вредноста на запленетата дрога на пазарот е околу 300.000 евра.

Прикажи повеќе...

Европа

Невакцинираните нема да можат да патуваат во ЕУ

Објавено пред

Европската Унија ќе воведе дигитални сертификати за вакцинација.

Претседателката на Европската комисија, Урсула фон дер Лајен, истакна дека на земјите-членки е да одлучат што ќе може да се прави со сертификатите и дека тие ќе се користат на ниво на ЕУ за функционирање на единствениот пазар.

Фон дер Лајан изјави дека ќе бидат потребни најмалку три месеци да се воспостави системoт на сертификати за вакцинација во ЕУ, пренесе „Еуроњуз“.

„Системот ќе поддржува информации за вакцинацијата на една личност, негативен ПЦР-тест или имунитет. Потребна ни е брза имплементација доколку сакаме овие сертификати да бидат функционални пред летото“, заклучи фон дер Лајен.

ЕУ потенцира дека сè уште има многу отворени политички и научни прашања кога станува збор за сертификатите за вакцинација, односно за што ќе се користат или дали вакцинацијата значи прекин на пренесувањето на инфекцијата.

„Имаме охрабрувачки податоци од Израел, каде вакцините „Фајзер“ покажаа дека го запираат пренесувањето на заразата по давање на втората доза“, рече фон дер Лајен.

Лидерите на ЕУ по вчерашниот состанок се согласија засега да ги задржат ограничувањата на несуштинските патувања.

„Ние сме решени да продолжиме да работиме заедно и да ја координираме нашата акција за справување со пандемијата и нејзините последици. Епидемиолошката состојба останува сериозна, а новите варијанти претставуваат дополнителни предизвици. Затоа, мора да ги почитуваме строгите ограничувања додека ги засилуваме напорите за забрзување на обезбедувањето на вакцини“, соопшти Советот.

Примарниот притисок за европски пасоши за вакцини доаѓа од Јужна Европа – земји како Грција, Шпанија, Италија и Португалија, кои се многу зависни од туризмот.

Грција започна да издава сертификати за вакцинација оваа недела на оние кои ги примиле обете дози на вакцината Ковид-19. Овие сертификати се првично за медицинска употреба во рамките на Грција, но министерот за дигитално управување Кирјакос Пјеракакис сугерираше дека поширокото европско усвојување може да создаде „еден вид брза лента внатре на аеродромите“.

„Особено што се однесува до граничните премини, ние сме оптимисти дека овој предлог ќе биде усвоен, затоа што ако не, ќе се соочиме со апсурдната верзија, каде што некој што е вакциниран, сепак треба да се тестира или да се става во карантин“, рече Пјеракакис.

На почетокот на овој месец, Грција склучи договор со Израел што ќе им овозможи на вакцинираните луѓе да патуваат меѓу двете земји без карантин. Исто и Кипар, а Израел исто така разговара со Малта. Во моментов, Израел не дозволува странски државјани да летаат од странство во земјата.

Постојат стравувања дека пасошите за вакцини може да бидат дискриминирачки за оние кои сè уште не биле во можност да добијат вакцина.

„Прво, мора јасно да се реши дека вакцинираните лица повеќе не се заразни“, рече германската канцеларка Ангела Меркел во интервју објавено во четвртокот во дневниот весник „Франкфуртер алгемајне цајтунг“.

„Сè додека бројот на вакцинирани е сè уште многу помал од бројот на оние кои чекаат вакцинација, државата не треба да се однесува поинаку кон двете групи“.

 

Прикажи повеќе...

Европа

Коронавирусот повторно ја затвора Европа

Објавено пред

Повеќето европски земји повторно се одлучија за затворање и построги мерки за справување со новиот бран на коронавирус, откако новите видови земаа замав.

Јужноафриканскиот сој пристигна и во регионот, каде што беа регистрирани првите случаи во Словенија и Хрватска, кои, пак, одлучија да ги релаксираат мерките. Србија, каде бројот на новозаразени лица е над 3.000 на ден, воведе построги мерки викендов во обид да се спречи ширењето на вирусот.

Грција, Холандија, Данска и Италија се определија за делумно олеснување на мерките, главно по региони.

Од друга страна, Франција, Чешка, Шпанија и Португалија воведуваат нови построги мерки и нови затворања.

Карантинот во Белгија е продолжен, а строгите мерки остануваат на сила во Германија и Ирска. Шведска истотака воведе построги мерки пред неколку дена.

Франција – делови од земјата се затвораат

Делумното затворање е на сила од овој викенд во делови на Франција кои се особено тешко погодени од пандемијата на коронавирус, имено областа Ница и крајбрежјето на југ и север околу Данкирк.

Затворањето важи само за време на викендите, кога луѓето можат да излегуваат само од оправдани причини. Продавниците, освен супермаркетите и аптеките, се затворени.

Дозволено е излегување од домот за спортување, одење на прошетка во радиус од пет километри, пазарење, работни обврски и шетање куче. Граѓаните мора да го документираат излегувањето од дома со пополнет образец.

Германија – строгите мерки остануваат на сила

Германија истотака се соочува со зголемување на бројот на заразени лица. Таму се на сила строги мерки, кои вклучуваат затворање на сите продавници (освен продавници за храна и аптеки), училишта, ресторани, кафулиња и барови, фризерници, трговски центри. Приватните собири се сведени на само едно лице од друго домаќинство, а носењето „рачно изработени“ маски е забрането. Училиштата се отворени во неколку држави, а наскоро се очекува да се отворат и фризерските салони. Мерките треба да бидат на сила до 8 март, но канцеларката Ангела Меркел не ја исклучи можноста за нивно продолжување.

Грција – Постепено попуштање на мерките по строгата блокада, полицискиот час останува на сила

Грција има нешто полесна ситуација благодарение на строгиот карантин, што го намали растот на нови инфекции, што доведе до отворање на продавниците и основните училишта. Во јануари, сепак, се појавија таканаречените „црвени зони“ – области со поголем број заразени и починати, поради што беше воведено заклучување на зоната и затворање на училиштата, фризерските и салоните за убавина и продавниците. Во Атина, Солун и Халкидики на сила е ноќниот полициски час во текот на работната недела, кој е построг за време на викендот, од 18 до 5 часот наутро.

Италија – повеќето од мерките остануваат на сила

Италија го задржа полицискиот час од 22 до 5 часот наутро, а воведена е и забрана за патување меѓу 20 региони. Маските во јавноста се задолжителни, во затворени простории, но исто така и на отворено и тоа се однесува на целата земја. Во некои делови од земјата, баровите и рестораните се повторно отворени – до 18 часот, а средните училишта се отворени, иако со намален капацитет.

Чешка – ситуацијата во болниците е критична

Една од најтешко погодените земји во ЕУ ја заострува блокадата. Чешка се приближува до бројката од 20.000 смртни случаи, а премиерот изјави дека „ситуацијата во болниците е речиси до вистинска катастрофа“. Затоа Владата во петокот донесе одлука за воведување на нова вонредна состојба, која ќе стапи на сила во недела и ќе трае 30 дена.

Шпанија – полициски час до мај

Во Шпанија на сила е полициски час, кој ќе трае најдоцна до мај. На луѓето им е дозволено да излегуваат само поради работа, образование и пазарење, односно во случаи кога треба да обезбедат помош за стари лица и деца. Сите над шест години мора да носат маска во јавниот превоз, како и на јавни места. Маските се задолжителни во повеќето региони и на отворени простори.

Белгија – продолжен карантин

Белгија го продолжи карантинот до 1 април и сите несуштински патувања се забранети. Максимум едно лице е дозволено да посети друго домаќинство, а максималниот број на луѓе собрани на отворено е четири лица. Училиштата и продавниците се отворени, но луѓето мора да одат сами на шопинг и не смеат да останат во продавницата повеќе од половина час. Маските се задолжителни насекаде.

Португалија – воведена нова блокада

Португалија исто така воведе ново затворање на 15 јануари. Работата од дома е задолжителна, Продавниците и услужните дејности се затворени. Кафулињата и рестораните можат да вршат само испораки. За повеќето деца, училиштето е затворено и се очекува овие мерки за ново затворање да бидат на сила најмалку до 1 март.

Холандија – полицискиот час останува, но некои мерки се олабавуваат

Холандската влада донесе одлука за олеснување на некои мерки. Од 1 март средношколците ќе имаат барем еден ден настава во училиштата. Се отвораат фризерски салони и други „контактни“ професии, освен сексуалните работнички. Лицата помлади од 27 години можат да се занимаваат со спорт на отворено. Полицискиот час е сè уште на сила и покрај големите немири што избувнаа поради него.

Данска – Дел од мерките се олеснети

Данската влада донесе одлука за олеснување на некои мерки. Секторот за малопродажба се очекува да се отвори во март, а можни се активности на отворено за групи до 25 лица. Децата исто така се очекува да се вратат на училиште, но само во области со мала стапка на новозаразени.

Ирска – На сила најстроги мерки

Ирска се врати на строгата блокада на крајот на декември откако претходно дозволи патувања за време на Божиќните празници. Строгите мерки ќе бидат на сила барем до 5 март. Нема излегување од дома освен за одење на работа, училиште и од други, суштински причини. Вежбањето е дозволено, но само во радиус од пет километри од дома. Забрането е дружење во куќи. Свадбите се ограничени на шест лица, а погребите на 10. Сите продавници кои не се неопходни, спортските сали, базените и просториите за одмор се затворени. За рестораните, пабовите и кафулињата е дозволена само продажба од пункт или достава.

Шведска – Владата ги воведе првите големи ограничувања

Шведска долго време избегнуваше воведување строги мерки, но на 10 јануари беше донесен закон за итни случаи, кој веднаш стапи на сила и и овозможи на владата да воведе некои ограничувања поради короната за првпат. Сега од луѓето се бара да носат маски во јавниот превоз за време на фреквентните периоди кога има поголеми гужви. Пред неколку дена беше воведена забрана за продажба на алкохол по 20 часот и само четири лица имаат право да седат на маса во ресторани. Јавните собири се ограничени на осум лица, а наводно се разгледуваат и други мерки.

Прикажи повеќе...

Најново

Македонија3 минути

СДСМ: Немаме допирни точки со изнесените ставови на Љубчо Георгиевски

Социјалдемократскиот сојуз на Македонија не се согласува со предлогот што го изнесе експремиерот, Љубчо Георгиевски, за решавање на спорот со...

Топ45 минути

Девојка загина во сообраќајна несреќа кај Пониква

Триесет и едногодишна девојка од селото Прибачево, Кочанско, загина во сообраќајна несреќа што се случи доцна синоќа на регионалниот пат Кочани-Пониква....

Македонија2 часа

Пандемијата покажа дека е потребен комплетен ресет на општествениот систем, рече професорот Даниловски

Пандемијата ја истакна важноста на глобалната соработка, ни покажа дека целото човештво се наоѓа на ист брод, дека сите сме...

Македонија2 часа

Градоначалникот на Куманово бара Георгиевски да му се извини на народот, а Обвинителството да отвори истрага

Градоначалникот на Куманово, Максим Димитриевски реагираше на предлогот на експремиерот Љупчо Георгиевски за решавање на спорот со Бугарија. Димитриевски оцени...

Македонија3 часа

Георгиевски објави план во пет чекори за решавање на спорот со Бугарија

Експремиерот и претседател на ВМРО-Народна, Љубчо Георгиевски, на социјалните мрежи објави акциски план за излез од, како што вели, ќориот-сокак...

Регион4 часа

Во Србија денеска ќе пристигнат уште 100.000 дози од руската вакцина

Вечерва 100.000 нови руски вакцини „Спутник В“ ќе пристигнат во Србија и тие ќе бидат пренесени од аеродромот „Никола Тесла“...

Свет4 часа

(Видео) Немири на улиците во Даблин поради карантинот

Стотици луѓе излегоа на улиците на Даблин, вчера, во знак на протест против мерките за затворање и избувна насилство. Полицијата...

Свет18 часа

(Видео) На Антарктикот се отцепи санта мраз поголема од Лондон

Санта мраз, поголема од Лондон, се отцепи од Антарктикот, на дваесетина километри од британската истражувачка опсерваторија на јужниот пол. Вкупната...

Македонија19 часа

Над 80.000 членови на СДСМ ќе гласаат за нов претседател, Заев е единствениот кандидат

Зоран Заев е кандидат за нов претседател на СДСМ, а над 80.000 членови со право на глас ќе можат да...

Македонија20 часа

„Ме удрија в грб со бекатон, паднав и скршив рака“, раскажува повредениот новинар на протестот

На вчерашниот протест за „Монструм“ раката ја скршил новинарот од ТВ Сонце Борислав Стоилковиќ. Екипа на Брза помош му помогнала...

Македонија20 часа

Се бара притвор за две лица кои фрлале камења и метални шипки на протестот

Скопското обвинителство поведе постапка против двајца учесници на насилниот протест, по повод пресудата во случајот „Монструм“. Тие се гонат за...

Македонија21 час

Регистрирани 721 нов случај на коронавирус, починаа 7 лица

Согласно податоците од Институтот за јавно здравје во последните 24 часа се направени 3.816 тестирања, а регистрирани се 721 нов...

Европа22 часа

Коронавирусот повторно ја затвора Европа

Повеќето европски земји повторно се одлучија за затворање и построги мерки за справување со новиот бран на коронавирус, откако новите...

Македонија1 ден

Филипче: Матичните да ги пријавуваат граѓаните над 70 години со хронични болести за вакцинација

Министерот за здравство, Венко Филипче при денешната посета на гостиварската болница изјави дека преку веб-страницата „Vakcinacija.mk“ и преку матичните лекари...

Македонија1 ден

Мицкоски е позитивен на коронавирус

Лидерот на ВМРО-ДПМНЕ, Христијан Мицкоски утрово информираше на социјалните мрежи дека е заразен со Ковид-19. „По забележаните првични полесни симптоми,...

Македонија1 ден

Со попишување на дијаспората в понеделник официјално почнува пописот

Со попишување на дијаспората в понеделник официјално почнува пописот. Иселениците ќе можат апликацијата за самопопишување да ја најдат на веб...

Македонија1 ден

Владата: Напаѓачите на новинарите ќе бидат казнети

Владата најостро ги осудува нападите врз новинарите на вчерашниот протест по судските одлуки за случајот „Монструм“ и најави дека ќе...

Свет1 ден

„Модерна“ почнува со тестирање на вакцини против јужноафриканскиот вид на коронавирус

Во САД следниот месец ќе почнат испитувања на вакцина развиена од лабораторијата „Модерна“ против јужноафриканската варијанта на коронавирус. Како што...

Македонија1 ден

СДСМ по пресудата за Мијалков: Се случува правда, законите важат за сите

Правдата е тука, законите важат подеднакво за сите, повеќе нема недопирливи, има силна, ефикасна правна држава, која ги спроведува законите...

Македонија1 ден

Oпозицијата бара одговорност за состојбата со вакцините

На прагот на март во Македонија нема ни една вакцина, Филипче најави дека ќе доцнат и кинеските, одговорност мора да...

Досие