Во Кина, коронавирусот е пронајден во еден вид сладолед, поради што целата серија е повлечена од продажба, соопшти тамошната влада.

Компанијата Дакијаодао Фуд во градот Тијанџин беше затворена, а вработените се тестирани за коронавирус.

Поголемиот дел од сладоледот, од кои имало 29.000 парчиња, сè уште не е продаден, а властите успеаја да влезат во трага на 390-те сладоледи продадени во Тијанџин.

Сладоледот е направен од млеко во прав од Нов Зеланд и прав од сурутка од Украина.

Кинеската влада сугерира дека вирусот е увезен преку состојки, иако експертите се сомневаат во тоа.

Над 50 загинати и околу 800 повредени се потврдени засега, по земјотресот од 6,2 степени што во петокот ја погоди Индонезија.

Спасувачите успеаја да дојдат до повеќе преживеани под урнатите.

Околу 15.000 лица ги напуштија своите домови, најмалку 300 куќи се целосно оштетени.

Вчера регионот го застресе нов удар со јачина од пет спетени.

Страниците на актуелниот американски претседател Доналд Трамп на Фејсбук и на Инстаграм се активни од неодамнешната блокада.

Претходно, Марк Цукерберг, шефот на Фејсбук, напиша дека страниците на Трамп ќе останат блокирани сè додека не ја напушти функцијата.

Инаугурацијата на новиот претседател Џо Бајден ќе се одржи на 20 јануари.

Големите американски социјални мрежи ги блокираа страниците на Трамп откако неговите приврзаници упаднаа во зградата на Конгресот. Тие повикаа на преглед на резултатите од неодамнешните избори, на кои ривалот на Трамп, демократскиот кандидат Џо Бајден, освои мнозинство гласови.