Ново пукање во САД, пет лица се тешко повредени јавуваат американските медиуми.

Инцидентот се случил во време на обновената дебата за контрола на оружје во САД, поттикната од нападот минатата недела кога вооружен маж уби осум лица.

Пет лица се хоспитализирани откако се здобиле со прострелни рани при пукањето во продавница за алкохол во државата Луизијана, објави американска телевизија.

Властите соопштија дека ранетите се во животна опасност, а полицијата трага по бел автомобил „Форд“ од кој пукал напаѓачот, се вели во извештајот, пренесува Ројтерс.

Русија протера 20 чешки дипломати, како одговор на Прага која претходно протера 18 руски дипломати.

Чешките власти тврдат дека двајца наводни руски шпиони, обвинети дека во 2018 година со Новичок ги отруа во Велика Британија, Сергеј Скрипал и неговата ќерка, се вмешани во експлозијата во Врбетице во 2014 година, при што загинаа две лица. Истрагата, наводно, утврдила поврзаност на руските разузнавачки служби со експлозијата во Врбетице. Чешкиот министер за внатрешни работи, Јан Хамачек, изјави дека двата руски разузнавачи Александар Петров и Руслан Боширов, кои Велика Британија ги бара поради труење на Скрипал и неговата ќерка, се осомничени и за експлозијата во чешкиот град.

Русија обвинувањата на Прага ги оцени како апсурдни, наведувајќи дека првично за експлозијата во Врбетице беше обвинет сопственикот на магацинот. Според Москва, протерувањето на руските дипломати е продолжување на низата акции против Русија што Чешка ги презема во изминатите години.

Американкaта Хестер Форд, почина во саботата на 116 години, објави нејзиното семејство на социјалните мрежи.

Форд која е родена во Јужна Каролина – 1905 или 1904 година, израснала на фарма за памук, каде што работела како земјоделка, а потоа и како дадилка.  Групата за геронтолошки истражувања во САД во 2019 година ја призна Хестер како најстара Американка.

Родена околу 40 години по укинувањето на ропството, Форд ја искусила сегрегацијата, која заврши во 1960-тите. Ја преживеала и пандемијата на шпанскиот грип.

Имала 12 деца, 48 внуци, околу сто правнуци и приближно ист број праправнуци.

Причината за смртта засега е непозната.