Контакт

Свет

УНХЦР бара до 2024 година да се стави крај на неизвесноста за лицата без државјанство

Објавено пред

Ковид-19 ги влоши страдањата на милиони лица без државјанство во светот, предупреди денес високиот комесар на ОН за бегалци, Филипо Гранди. На одбележувањето на шестгодишнината од кампањата на УНХЦР – „Јас припаѓам“ (#IBelong), чија цел е ставање крај на луѓето без државјанство до 2024 година, Гранди ги повика светските лидери да ги вклучат и заштитат популациите без државјанство и да направат храбри и брзи чекори за да го искоренат тоа.

„Пандемијата на Ковид-19 повеќе од кога било ја покажа потребата од инклузија и итноста на решавање на бездржавјанството. Пандемиите не разликуваат државјани од недржавјани. Не е во интерес на ниту една држава, општество или заедница да остави луѓе без државјанство и тие да живеат на маргините“, рече Гранди. „Мораме двојно да ги засилиме напорите да ја решиме оваа повреда на човештвото во 21 век“.

Не поседувајќи важни законски права и често немајќи пристап до основни услуги, многу од лицата без државјанство се политички и економски маргинилизирани, дискриминирани и ранливи на експлоатација и злоупотреба. Во многу земји лицата без државјанство, вклучувајќи ги и бегалците без државјанство, живеат во супстандардни и несоодветни санитарни услови и може да го зголемат ризикот од болеста. Иако е тешко да се добијат глобални податоци бидејќи популациите без државјанство не секогаш се регистрираат или вклучуваат во пописите на државите, УНХЦР
известува за речиси 4,2 милиони лица без државјанство во 76 земји. Сепак, се смета дека реалниот број е значително поголем. И покрај тоа што е постигнат значителен напредок во намалувањето на бездржавјанството во светот по почнувањето со кампањата во ноември 2014 година, пандемијата на коронавирусот влоши многу од тешкотиите и неправдите со кои се соочуваат лицата без државјанство.

„Без државјанство, многу од овие лица немаат пристап или не се вклучени во основното јавно здравство и социјалното осигурување. Оставени се да бидат екстремно ранливи наспроти пандемијата“, рече Гранди.

Некои земји сепак покажуваат водство со вклучување на лицата без државјанство во одговорот на Ковид-19 обезбедувајќи им пристап до тестови и лекови, храна, облека и маски. Некои влади ги вброија во основни потреби впишувањето во Матичната книга на родените и издавањето други матични документи, со што тие продолжија да функционираат и покрај пандемијата и со тоа помогнаа да се спречи создавање нови случаи без државјанство.

„Луѓето без државјанство и самата појава е проблем што е лесно да се реши и спречи – прашање на политичка волја е да се смени статусот и животот на една личност – а сепак последиците од непреземањето ништо, особено за време на пандемија, може да
бидат опасни за животот“, рече Гранди. „Со цел да заштитиме и спасиме животи, бараме од владите да го решат
стасусот на луѓето без државјанство и да се осигурат дека ниту еден човек не е изоставен“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Тажни сцени од Амазон, исечени илјадници хектари дождовна шума

Објавено пред

Вкупно 11.088 квадратни километри дождовна шума се уништени од август 2019 година до јули 2020 година. Тоа е зголемување за 9,5 проценти во споредба со претходната година. Дождовната шума во Амазон е клучна за резервите на јаглерод кои го забавуваат темпото на глобалното затоплување, пренесува „Би-би-си“.

Научниците тврдат дека Амазон страда откако Жаир Болсонаро стапи на функцијата претседател на Бразил во јануари 2019 година. Тој ги поттикна земјоделските и рударските активности во најголемата дождовна шума во светот. Во Амазон живеат околу три милиони растителни и животински видови и милион домородци.

Официјалните бројки ќе бидат објавени на почетокот на следната година, но според последните податоци, исечената површина значително е зголемена во споредба со ситуацијата пред доаѓањето на Болсонаро.

Бразил си постави цел да ја намали стапката на уништување на шумите на 3.900 квадратни километри годишно до 2020 година. Таа бројка е надмината речиси три пати.

Со исчезнувањето на „белите дробови на светот“, научниците предупредуваат дека глобалните температури ќе се зголемат.

Прикажи повеќе...

Свет

Азербејџанската армија по 28 години влезе во Лачин

Објавено пред

Војниците на Азербејџан по 28 години влегоа во Лачин, кој беше под ерменска окупација, и го поставија азербејџанското знаме во центарот на градот, пренесува „Анадолија“.

На снимките споделени од Министерството за одбрана на Азербејџан, се гледа како командантот на војниците што влегоа во градот, пред зградата каде што беше поставено знамето се обраќа до претседателот Илхам Алиев.

„ Почитуван врховен командант, знамето на Азербејџан се вее во градот Лачин. Да живее Азербејџан. Да живее врховниот командант. Карабах е Азербејџан“, истакна командантот.

Во операцијата што ја започна азербејџанската Армија на 27 септември, од окупација беа ослободени пет центри на градови, четири града и 286 села. Ерменија го прифати поразот и потпиша договор за евакуација на окупираните региони Агдам, Лачин и Калбаџар.

Ерменската Армија од Агдам се повлече на 20 ноември, а од Калбаџар на 25 ноември. Вчера се повлече и од Лачин.

Во нивната трилатерална изјава, лидерите на Русија, Азербејџан и на Ерменија рекоа дека коридорот Лачин што ги поврзува Ерменија и Нагорно-Карабах, долг 5 километри, кој ќе го поврзе Нагорно-Карабах со Ерменија и нема да ја вклучува Шуша, треба да остане под контрола на мировниот контингент на Русија, пренесува ТАСС.

„Мировниците гарантираат безбедност на сообраќајот на цивилните возила и движење на граѓаните низ коридорот Лачин, испорака на прехранбени производи и разна стока и ја придружуваат и обезбедуваат безбедност на екипите за поправка, кои ги исполнуваат задачите на враќање на инфраструктурните објекти “, се вели во соопштението на руското Министерство за одбрана.

Командата на рускиот мировен контингент претходно забележа дека примопредавањето на областите Агдам и Калбџар е извршено како што било планирано, без какви било инциденти или провокации.

Во меѓувреме, турските вооружени сили ѝ пружаат поддршка на азербејџанската армија во расчистувањето на мините во азербејџанските територии ослободени од ерменска окупација, соопшти Министерството за национална одбрана на Турција.

Во сооопштението, исто така, е најавено дека вооружените сили ќе обезбедат воена обука за азербејџанската армија.

„Турските тимови за отстранување експлозивни направи ќе ја поддржат азербејџанската Армија и нејзините трупи во расчистувањето мини и импровизирани експлозивни направи во областите ослободени од ерменската окупација“, се истакнува во соопштението.

Прикажи повеќе...

Свет

Медиуми: Фронтекс вмешан во илегално спречување на мигрантите да стигнат до Европа

Објавено пред

Европската агенција за гранична и крајбрежна стража – Фронтекс се соочува со обвиненија од медиумите, дека е вмешана во илегално спречување на мигрантите за стигнат до Европа. Како што пренесува АП, тоа се однесува на враќањето на мигрантите преку грчките острови.

Медиумските мрежи „Белингкат“, „Лајтахус рипортс“ „Дер Шпигел“, АРД и ТВ Асаши, спровеле истрага чии резултати се објавени во октомври, а во кои се наведува дека видео снимки и други достапни материјали укажуваат дека Фронтекс е вмешан во еден инцидент на турско-грчката поморска граница во Егејското море.

Во извештајот се наведува дека вработените во агенцијата присуствувале во уште еден инцидент, како и дека имало и четири други од март.

Фронтекс најави спроведување интерна истрага, додека извршниот директор на агенцијата, Фабрис Леџери во октомври рекол дека не се пронајдени документи или други материјали кои поткрепуваат какви било обвиненија дека вработените го прекршиле законот или кодексот за однесување на Фронтекс.

Тој истакнал дека агенцијата не толерира никакво крешење на фундаменталните права во своите активности.

Одборот на Фронтекс се состана минатиот месец за да ги разгледа обвиненијата кои се упатени кон агенцијата, по што соопшти дека Европската комисија наредила да одржи следен клучен состанок за две недели за да подетално ги разгледа одговорите на агенцијата.

Прикажи повеќе...

Најново

Македонија1 час

Волонтерите од Воено-медицинскиот центар и студентите од шеста година се вклучија во работата на ковид-центрите

Лекарите и медицинските сестри од Воено-медицинскиот центар (ВМЦ) и студентите кои се на шеста година студии на Медицинскиот факултет во...

Регион1 час

Катимерини: Спорот меѓу Скопје и Софија ќе се пренесе во НАТО

Инсистирањето на Бугарија да ги блокира разговорите за пристапување во Европската Унија со Северна Македонија ризикува да создаде уште една...

Свет2 часа

„Модерна“ бара од САД и ЕУ да ја одобрат нејзината вакцина

Фармацевтската компанија „Модерна“ побара од регулаторите на САД и Европа да ја дозволат употребата на нејзината вакцина против коронавирус. Компанијата...

Свет2 часа

Азар: Првите вакцини против коронавирус во САД ќе стигнат пред Божиќ

Првите две вакцини против новиот коронавирус би можеле да им бидат достапни на Американците пред Божиќ, изјави американскиот министер за...

Свет3 часа

Си-ен-ен: Кина од почетокот криела податоци за коронавирусот, покажувала помали бројки

Си-ен-ен објави ексклузивни документи за кои наведува дека покажуваат значајни пропусти од страна на Кина на почетокот на епидемијата на...

Свет3 часа

Американски експерти: Ким е вакциниран против Ковид-19, вакцината му ја дала Кина

Кина му обезбедила експериментална вакцина против коронавирус на севернокорејскиот лидер Ким Џонг-ун и неговото семејство, тврди американскиот аналитичар Хери Казианис,...

Свет3 часа

САД: Осуден на смрт пред 20 години не може да биде погубен бидејќи нема инјекција

Судот во Јужна Каролина донесе одлука да се одложи извршување на смртната казна со вбризгување инјекција на осуденикот Ричард Бернард...

Македонија4 часа

Меркел: Северна Македонија се надеваме годинава да ги почне преговорите, Албанија ќе почека

Северна Македонија сè уште има шанси да ја одржи првата Меѓувладина конференција со ЕУ оваа година, во текот на германското...

Македонија12 часа

Нови 336 заболени и 32 починати од Ковид-19 во земјава

Во последните 24 часа се направени 1181 тестирања, а регистрирани се 336 нови случаи на ковид-19 во: -Скопје 95 -Куманово...

Свет14 часа

(Видео) Пензионери излегоа на улиците на Минск против Лукашенко

Стотина пензионери протестираа денеска во Минск барајќи оставка од долгогодишниот авторитарен претседател Александар Лукашенко. Безбедносните сили во еден момент спречија...

Регион15 часа

Руската вакцина „спутник V“ ќе стигне во Србија до крајот на неделата

Првиот дел од руската вакцина „спутник V“ ќе пристигне во Србија до крајот на оваа недела, соопшти владината прес-служба на...

Македонија16 часа

Групата за процена во ЦУК: Да се продолжи кризната состојба

Денеска, во Центарот за управување со кризи се одржа втора седница на групата за процена во ЦУК. Со седницата на...

Свет16 часа

Се самоуби телохранителот на Путин

Припадник на руската Федерална служба за безбедност изврши самоубиство денеска додека бил на должност во Кремљ, соопшти полицијата. „Вработен изврши...

Свет18 часа

Во Јапонија повеќе луѓе починале поради самоубиства отколку од Ковид-19

Експертите предупредуваат дека пандемијата би можела да доведе до криза на менталното здравје кај луѓето. Масовната невработеност, физичката дистанца и...

Македонија21 час

Филипче: Состојбата во болниците се стабилизира, очекуваме повеќе исписи од приеми на болни

Министерот за здравство, Венко Филипче, утрово одржа состанок со директорите на ковид-центрите од клиниките во комплексот „Мајка Тереза“ на кој...

Македонија22 часа

Престануваат да важат мерките против загадувањето во Тетово, Куманово и Кавадарци

Мерките против загадувањето кои пред два дена беа воведени во Тетово, Куманово и Кавадарци, престануваат да важат, соопшти Владата. „Согласно...

Европа22 часа

Во поранешниот берлински аеродром наскоро ќе се вакцинираат по 4.000 луѓе дневно

Големиот натпис „Добре дојдовте“ сè уште виси пред берлинскиот аеродром Тегел, кој месецов беше затворен засекогаш. Но, наскоро се очекува...

Економија22 часа

За време на пандемијата 15.000 лица останале без работа

За време на пандемијата без работа останале околу 15.000 лица во Македонија, истакна министерот за економија, Крешник Бектеши, повикувајќи се...

Економија23 часа

Бензините и дизелот поскапуваат

Горивата од ноќеска на полноќ ќе поскапат за 1 и за 1,5 денар, одлучи Регулаторната комисија за енергетика. Со денешната...

Македонија23 часа

Плевнелиев: Скопје да даде гаранции за реформи, Софија да се откаже од ветото

Oднecите меѓy Софија и Скопје треба итно да деескалираат со одлучен чекор направен од двете страни, вели поранешниот бугарски претседател...

Досие