За земјите со особено голем број инфекции, меѓу кои е и нашата, или со опасни мутации – од недела важат построги правила за влез во Германија. Контролата се спроведува на германските граници и аеродроми.

За да ја заштити Германија од увоз на нови случаи со корона, сојузната влада класифицираше значително повеќе земји во области со висок ризик отколку порано, пренесува ДВ. Новина е списокот на земји во кои т.н. седумдневна инциденцијаа е повеќе од 200 новозаразени на 100.000 жители неделно (Германија во моментов: 111).

Сите патници кои доаѓаат или се враќаат во Германија, потребно е да се регистрираат преку интернет на Einreiseanmeldung.de – пред да влезат во земјата.

Патниците од ризични области, земји или региони со инциденција над 50 мора да се тестираат на короната не подоцна од 48 часа – по влегувањето во Германија.

Според германското Министерство за внатрешни работи, тестовите систематски се проверуваат на аеродромите и пристаништата. Особено, летовите од таканаречените области со висок ризик се „доследно проверувани“ – проверени директно во авионот и пред пасошка контрола. Покрај тестовите, се контролира и дали патниците ги пополниле формуларите за апликација.

Во пограничните области со другите земји на ЕУ и Швајцарија, патниците се проверуваат по случаен избор. Според федералната полиција, дополнителните мерки служат за идентификување на патници кои мора веднаш да бидат испратени во карантин.

Во принцип, сите патници кои влегуваат или се враќаат во Германија и кои биле во областа на ризик (категории од 1 до 3) во последните десет дена пред влезот, треба да поминат десетдневен карантин. Карантинот може да се скрати само по пет дена, ако се направи друг тест и е негативен.

Правилата за карантин се одговорност на сојузните покраини и затоа може да се разликуваат. Деловните патувања генерално се ослободени од карантин.

Новиот британски вид коронавирус ќе стане доминантен во Германија, истакна шефот на канцеларијата на германската канцеларка Ангела Меркел, Хелге Браун.

„Во моментов гледаме дека веќе сега имаме работа со новиот вид коронавирус во неколку болници. Ова значи дека новиот вид влегол во земјата и дека, како и во другите земји, ќе го потисне стариот и ќе ни создаде проблеми“, изјави Браун за јавниот сервис АРД.

Затоа, посочува тој, сега е важно да се задржи курсот, да се намали бројот на новозаболени што е можно повеќе.

Откако дневниот број на новоинфицирани во Австрија остана на постојано високо ниво, но и поради појавата на британскиот вид коронавирус, австриските власти одлучија да ги заострат претходните мерки на заклучување, па од полноќ сите граѓани над 14 години мора да носат маски на високо ниво на заштита ФФП2.

ФФП2 маските мора да се носат во продавниците, јавниот превоз, во сите јавни институции, при посета на лекари, но и кај автомеханичарите.

Овој вид маска мора да се носи на пазарите, без разлика дали е на отворено или во затворен простор, но исто така и ако лицето вози автомобил со друго лице кое не е од неговото домаќинство.

Само бремените жени и лицата на кои не им е дозволено да носат маска од здравствени причини се изземени од оваа мерка.

Members of certain professions will be required to take weekly coronavirus tests or wear an FFP2 mask.https://t.co/ePS26PdAIH

— The Local Austria (@TheLocalAustria) January 24, 2021

Кој ќе ја прекрши обврската да ја носи маската ФФП2, ќе мора да плати казна во износ од 25 евра.

Покрај тоа, одлуката на Владата ја зголеми обврската за растојание помеѓу лица од различни домаќинства од еден на два метра.

„Подобрената заштита на граѓаните со маските ФФП2 и удвојувањето на растојанието се вистинскиот одговор на новиот вид вирус што се шири низ Австрија и што го зголемува ризикот од инфекција“, рече министерот за здравство Рудолф Аншобер.

Исто така, со одлука на Владата, проширен е и кругот на професии во кои вработените треба да се тестираат за коронавирус на неделно ниво.

Така, покрај медицинскиот персонал и негователитеи, вработените во продавниците, наставниците, магацинските работници, лицата во јавните служби кои примаат клиенти, но и професионалните спортисти сега мора да поминат редовно, еднонеделно тестирање.

Оние кои не се тестирани ќе мора да носат маска ФФП2 на работа, додека досегашната маска ќе биде доволна за тестираните лица.

Медицинските работници и негувателите и покрај тестирањето ќе мора да носат маски ФФП2.

Маските FFP2 започнаа да се продаваат минатата недела во супермаркетите кои се натпреваруваат во цената од 50 до 59 центи, но некои го ограничуваат и бројот на маски по купувач.