Мерките заради коронавирусот на границите меѓу трите најнаселени федерални држави во Австралија треба да се олеснат бидејќи веќе 11 дена нема нови случаи на Ковид-19, објавија австралиските власти.

Австралија воведе карантин и строги контроли за патниците од државата Нов Јужен Велс (НСВ) по избувнувањето на епидемијата во Сиднеј кон крајот на декември, и бидејќи жариштата во овој град сега се под контрола, тоа им дава можност на другите делови од земјата кои немаат нови слушаи да ги отворат своите граници за жителите на НСВ, пренесува „Ројтерс“.

Премиерката на Квинсленд, Анастасија Палашчук потврди дека нејзината земја ќе ги прима жителите на НСВ од 1 февруари.

„Сакам да ги видам семејството и пријателите како се обединуваат“, рече Палашчук на прес-конференцијата, пренесува агенцијата.

So Proud of where I live 🥰 South Australia 🇦🇺 Latest COVID update makes me Smile 😊 pic.twitter.com/KjZDyOm2cF

— Neen (@Killjoyneen) January 28, 2021

Југоисточната држава Викторија, која е домаќин на тенискиот турнир „Австралија опен“, посочи дека во петок може да ги промени мерките што се на сила на границата со НСВ.

Немало локални случаи на инфекција со Ковид-19 во овој дел на Австралија 22 дена, а во Викторија постои систем на дозволи за сите патници во кои државните области се означени како зелена, портокалова или црвена во согласност со нивната епидемиолошка ситуација.

Патниците од црвената зона не смеат да влезат во Викторија, додека оние од портокаловата зона ќе треба да направат тест за коронавирус во рок од три дена по пристигнувањето.

„Се надевам дека до крајот на утрешниот ден нема да има црвени зони во Нов Јужен Велс“, рече премиерот на Викторија, Даниел Ендрус.

Австралија од март пријавила повеќе од 22.000 локални случаи на смртност од Ковид-19 и 909 смртни случаи и е меѓу 10-те најуспешни земји во борбата против пандемијата на коронавирус, ннаведува „Ројтерс“.

Загрижени од зачестените протерувања и неформални враќања на бегалци и баратели на азил на европските копнени и морски граници, УНХЦР, Агенцијата на ОН за бегалци, ги повикува земјите да ги истражат и прекинат овие практики.

„УНХЦР добива постојани извештаи за европски земји кои го ограничуваат пристапот до азил, враќајќи луѓе откако пристигнале на територијата или територијалните води и употребувајќи насилство врз нив на границите“, изјави помошник-високиот комесар за заштита при УНХЦР, Џилијан Тригс.

„Неформалните враќањата се одвиваат на насилен и очигледно систематичен начин. Чамците со бегалци се влечени наназад. Луѓето, штом стигнат на копно, се собирани и потоа враќани на море. Многумина пријавуваат насилство и злоупотреби од страна на државните сили. Исто така, лицата кои пристигнуваат по копнен пат се неформално притворани и насилно враќани во соседни земји без да се земе предвид нивната потреба за меѓународна заштита.
Конвенцијата за бегалци од 1951 година, Европската конвенција за човекови права и законите на ЕУ бараат од земјите тие да ги заштитат правата на лицата кои бараат азил и заштита од враќање, дури и ако влезат по нерегуларен пат. Властите не можат по автоматизам да не дозволуваат влез или да ги враќаат луѓето без да извршат индивидуална проценка на лицата на кои им е потребна заштита.

Почитта кон човечките животи и правата на бегалците не е прашање на избор, туку правна и морална обврска. Иако земјите имаат легитимно право да управуваат со своите граници во согласност со меѓународното право, тие исто така мораат да ги почитуваат и човековите права. Неформалните враќања се едноставно незаконски“, рече Тригс.

Правото на барање азил е основно човеково право. Пандемијата со Ковид-19 не е исклучок, можно е да се обезбеди заштита од пандемијата и да се осигури пристап до правична и брза постапка за азил.
УНХЦР јасно ја изрази својата загриженост пред европските држави. Агенцијата за бегалци повикува итно да се истражат наводните прекршувања и малтретирање, кои се засноваат на веродостојни сведоштва и се потврдени од невладините организации, медиумите и извештаи од отворени извори. „Се залагаме за независни национални механизми за мониторирање кои ќе го осигураат пристапот до азил, ќе го спречат кршењето на права на границите и ќе обезбедат одговорност. Независното мониторирање се предлага и од Пактот на ЕУ и апелираме до земјите членки на ЕУ да го поддржат“, рече Тригс.

Бројот на пристигнувања во ЕУ продолжува да опаѓа секоја година. Бројот на лица кои пристигнале по воден и копнен пат во 2020 (95.000) е намален за 23 проценти во споредба со 2019 (123.700 лица) и за 33 проценти во споредба со 2018 (141.500).

Со толку малку пристигнувања во Европа, оваа состојба би требало да е под контрола. Жално е дека прашањето на азил продолжува да се политизира и да создава поделби и покрај ваквите бројки во опаѓање. УНХЦР согледува дека одредени земји носат непропорционална одговорност во однос на прифатот на новопристигнати луѓе. УНХЦР ги повикува останатите европски држави да покажат солидарност и да ги поддржат. УНХЦР исто така ги повикува европските земји да ги почитуваат своите постојни заложби за заштита на бегалците со тоа што ќе ги примаат барателите на азил на своите граници, ќе ги спасуваат на море и ќе дозволат нивно префрлање на копно и регистрација, како и поддршка на новите баратели на азил. УНХЦР е подготвена да им помогне на државите да ги достигнат овие меѓународни обврски во областа на азилот.

Тимот на СЗО излезе од карантинот во Вухан за да започне со работа на терен за откривање на фактите за потеклото на вирусот што ја предизвика пандемијата на Ковид-19. Истражувачите, кои по пристигнувањето во Кина морале да поминат 14 дена во карантин, биле видени како излегуваат од хотелот и се качуваат во автобусот, но не е познато каде се упатиле.

Мисијата е под политички притисок, бидејќи Кина се обидува да избегне обвинување за наводни грешки во раниот одговор на пандемијата.Главното прашање е каде кинеската страна ќе им дозволи на истражувачите да одат и со кого ќе можат да разговараат.