Свет
(Фото) Страшна бура во Њујорк: две тинејџерки загинаа во океанот, очевидци опишаа што се случувало
Девојки од Америка на возраст од 17 и 18 години загинале додека пливале во немирни води за време на невремето во близина на плажата Кони Ајленд во Бруклин, Њујорк, соопштија локалните власти.
Во петокот вечерта по локално време, полицијата добила повик за итно спасување кога девојките исчезнале од очите во водата, а припадниците на воздухопловните сили и вработените во локалното пристаниште започнале потрага, пренесува АП.
Нуркачките единици ги извадиле младите девојчиња од водата, по што биле префрлени во блиската болница каде била констатирана смрт.
Очевидци изјавиле дека повеќето од луѓето на плажата побарале засолниште откако започнало невремето, но дека две тинејџерки отишле да пливаат во немирните води.
A rain shear passes behind lower Manhattan and One World Trade Center as a storm passes through New York City before sunset, Friday evening #newyork #newyorkcity #nyc #storm pic.twitter.com/2GjyzmQJBe
— Gary Hershorn (@GaryHershorn) July 6, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Израел ја користи војната за проширување на територијата, смета Турција
Турскиот министер за надворешни работи Хакан Фидан го обвини Израел дека ја користи војната на Блискиот Исток како изговор за проширување на територијата.
„Израел не сака само да ја обезбеди својата безбедност, туку сака уште територија. Владата на Нетанјаху ја користи безбедноста како изговор за окупација“, изјави Фидан на дипломатски форум во Анталија.
Според него, покрај палестинските територии, Израел се обидува да ја прошири својата доминација и кон делови од Либан и Сирија.
„Ова е континуирана окупација и експанзионизам. Ова мора да престане“, рече Фидан.
Тој додаде дека конфликтот на Блискиот Исток ги оттурнал во втор план напорите за решавање на војната меѓу Русија и Украина.
Свет
Трамп вчера изјави дека Иран никогаш повеќе нема да го затвори Ормускиот теснец
Се чека реакција на претседателот на САД, Доналд Трамп, откако Иран повторно го затвори Ормсукиот теснец, кусо по отворањето.
Трамп во текот на вчерашниот ден го прослави повторното отворање со серија објави на социјалните медиуми вчера, тврдејќи, меѓу другото, дека Иран се согласил никогаш повеќе да не го затвора водниот пат.

Свет
Иран отвори шест аеродроми
Иран делумно го отвори својот воздушен простор, дозволувајќи меѓународни летови над источниот дел од земјата, соопштија властите.
Според информациите, шест аеродроми повторно се ставени во функција, меѓу кои и главниот во Техеран. Отворањето доаѓа во контекст на прекинот на огнот на Блискиот Исток.
Во исто време, податоците покажуваат дека конвој од осум танкери поминал низ Ормуски теснец, по краткото повторно отворање на овој клучен поморски правец.
Иако стотици бродови остануваат заглавени во Персискиот Залив од почетокот на конфликтот, дел од сопствениците се надеваат дека ќе го искористат примирјето за да го напуштат регионот.
