Контакт

Свет

Членките на НАТО треба да ја прифатат нашата влада и да ни помогнат, повикуваат талибанците

Објавено пред

Талиб Малави, новиот талибански гувернер на авганистанската провинција Хелманд, ги повика Британија и другите членки на НАТО да ги прифатат талибанците како нови легитимни лидери на Авганистан и да се вратат во земјата – но не со пушки, туку со пари.

„Се соочивме едни со други во битка, не се сретнавме во нормални времиња“, вели Малави во изјавата за светски медиуми.

„Сега можете да ги освоите нашите срца и да нѐ усреќите ако ја препознаете оваа влада“, додаде тој.

Сега, кога талибанците ја презедоа контролата врз Лашкар Гара, главниот град на Хелманд, борбите запреа првпат по две децении.

Но, како и повеќето градови од Авганистан, Хелманд сега се соочува со економски колапс и талибанските власти во целата земја ги повикуваат странските влади за помош.

„Сите овие странски земји ги нападнаа и убија нашите жени, нашите деца и нашите стари лица и уништија сѐ. Сега меѓународната заедница треба да ни помогне со хуманитарна помош и да се фокусира на развојот на образованието, бизнисот и трговијата“, рече Малави.

„Меѓународната заедница им помага на земјите што имаат поддршка од своите цивили. Донесовме сигурност и имаме поддршка од нашите луѓе, така што тие треба да ни помогнат и да го препознаат нашиот авторитет“, додаде тој.

Едно од главните прашања поврзани со можноста за странска помош е прашањето на жените и дали ќе им биде дозволено да работат и да се образоваат.

Сѐ уште не е целосно јасно дали средните училишта ќе се отворат за девојчиња и дали жените што работат надвор од здравството и образованието ќе може да се вратат на работа, а Малави рече дека ќе ја следи централната влада за овие прашања.

„Министерствата сѐ уште имаат состаноци за тоа, кои сѐ уште не се завршени, ќе направиме сѐ што ќе објават“, рече тој.

Тврди дека луѓето во Авганистан сега, конечно, може да живеат и да ја обноват земјата во мир.

„Поминаа 20 години борба, така што ќе ни треба малку време за да се вратиме во нормала“, рече тој.

„Нашата последна порака до сите земји на НАТО е дека сме им помогнале. Треба да се благодарни што им дадовме шанса да заминат мирно, можевме да ги спречиме за да не може да заминат без борба. И тие треба да ја признаат нашата влада“, заклучи Малави.

Свет

(Видео) Вo Мелбурн насилни протести против ковид-мерките, уапсени над 230 лица

Објавено пред

Австралиската полиција уапси 235 лица во Мелбурн и 32 во Сиднеј, на недозволените собири против карантинот и мерките воведени поради пандемијата на коронавирусот, додека неколку полицајци беа повредени во судирите со демонстрантите.

Државната полиција на Викторија соопшти дека шест полицајци се хоспитализирани. Неколкумина биле соборени на земја и прегазени, соопшти полицијата, како што беше потврдено и од телевизиски снимки.

Околу 700 луѓе успеале да се соберат во делови на Мелбурн, додека 2.000 полицајци се погрижиле да не ги пропуштат во центарот на градот, поставувајќи контролни пунктови и барикади. Јавниот превоз до градот е во прекин.

Во Сиднеј, полицијата исто така спречила големи собири.

Австралија се бори со појавата на делта варијантата на вирусот од средината на јуни, во Сиднеј, Мелбурн и главниот град Канбера, кој со недели беше под строг карантин. Денеска пријавени се 1.882 нови случаи на коронавирус, повеќето во Сиднеј.

Голем дел од рестриктивните мерки ќе останат на сила во Викторија, Нов Јужен Велс и Канбера додека најмалку 70 проценти од луѓето над 16 -годишна возраст не се целосно вакцинирани, што со сегашната стапка на вакцинација може да се очекува кон крајот на октомври или почетокот на ноември.

Досега, нешто помалку од 85.000 случаи на инфекција и 1.145 смртни случаи се пријавени во Австралија од почетокот на пандемијата.

Повеќето Австралијци ги поддржуваат вакцинацијата и мерките за јавно здравје, но досега имаше повремени, а понекогаш и насилни протести против начинот на управување со пандемијата.

Прикажи повеќе...

Свет

Втор ден од парламентарните избори во Русија, опозицијата обвинува за местенки

Објавено пред

Денеска низ Русија во тек е вториот ден од парламентарните избори, а избирачките места се отвораат во 11 различни временски зони, но процесот веќе е засенет од обвинувања за измама од страна на опозициските активисти.

По затворањето на избирачките места, се очекува Русија да избере нова Дума за следните пет години, во која ќе има 450 пратеници, како и неколку нови регионални и градски администрации.

Во петокот, првиот ден од гласањето, независни набљудувачи од организацијата за права на гласачите „Голос“ забележале околу 2.000 процедурални прекршувања, во повеќето случаи со фотографии и видеа, што е показател за купување гласови.

Според извештајот на „Голос“, имало голем прилив на униформирани лица на изборите, што, според нив, покажува дека владата ги мобилизирала сите државни службеници за да обезбеди победа на владејачката партија Единствена Русија. Исто така, има и извештаи за луѓе кои гласале повеќе пати.

„Беше ужасен ден. Мрсен и валкан“, напиша на „Твитер“, Ирина Фатјанова, локална политичарка од Санкт Петербург.

Според „Голос“, Централната изборна комисија одбила да ги разгледа жалбите и едноставно ги отфрлила.

Спротивно на тоа, лидерката на Централната изборна комисија, Ела Памфилова, ја пофали организацијата на гласањето во петокот.

Владејачката Единствена Русија се обидува да го задржи апсолутното мнозинство во Думата, а партијата е поддржана од претседателот Владимир Путин, за кого изборите се важен тест за националното расположение.

На многу истакнати опозициски личности не им било дозволено да гласаат. Меѓу нив се поддржувачи на затворениот критичар на Кремљ, Алексеј Навални, кој повика на протестно гласање против Единствена Русија од неговата казнена колонија надвор од Москва.

Тимот на Навални се пожали дека апликацијата за пораки „Телеграм“ за првпат во саботата ги блокирала изборните реклами на опозицијата.

Основачот на „Телеграм“, Павел Дуров објасни дека апликацијата е блокирана бидејќи кампањата повеќе не била дозволена во текот на изборните денови. Тој се осврна и на фактот дека „Епл“ и „Гугл“ во петокот ја отстраниле апликацијата Smart Voting од нивните руски онлајн продавници, која била дизајнирана од тимот на Навални.

Опозициски активисти ги обвинија американските технолошки гиганти и Дуров за политичка цензура.

Прикажи повеќе...

Свет

Американски милијардер случајно признал убиство, му се заканува доживотен затвор

Објавено пред

Американскиот милијардер Роберт Дурст вчера беше прогласен за виновен пред судот во Лос Анџелес за убиство на неговата најдобра пријателка Сузан Берман во 2000 година, поради што му се заканува доживотна казна затвор, а во меѓувреме се поврзува и со две други стари убиства.

Дурст случајно признал три стари случаи на нерешени убиства за време на снимањето на документарец на HBO (Ејџ-би-о) во 2015 година. Додека уште носел микрофон по едно интервју, снимен бил како мрмори во тоалетот: „Што направив? Ги убив сите“.

Обвинителите го опишуваат Дурст, кому му се заканува доживотен затвор, како богат и нарцисоиден психопат, а рочиштето за пресуда е закажано за 18 октомври.

Дурст е обвинет дека Берман ја убил со истрел во главата, со цел да го прикрие исчезнувањето на неговата сопруга Кетлин Мекормак Дурст, која исчезнала во Њујорк во 1982 година.

На 78-годишникот му се судеше само за убиството на Берман во нејзиниот дом во Калифорнија, а е осомничен и за убиствата на неговата сопруга и поранешниот сосед, што се случиле во изминатите 39 години.

Иако со години беше осомничен за исчезнувањето на неговата сопруга, 29-годишна студентка по медицина, никогаш не беше покренато обвинение. Обвинителите велат дека тој ја убил и дека 18 години подоцна одлучил да ја убие и Берман бидејќи таа им открила на други дека му помагнала да го прикрие злосторството.

Набргу по објавувањето на пресудата, семејството Мекормак побара од обвинителите во округот Вестчестер, Њујорк, да покренат кривична постапка против Дурст.

Обвинителите за време на судењето, исто така го поврзаа Дурст со убиството на соседот Морис Блек во Галвестон, Тексас во 2001 година. Дурст во тој случај беше ослободен од обвинението за убиство, иако призна дека го распарчил Блек и ги фрлил неговите посмртни останки откако случајно бил погоден.

Дурст е внук на основачот на една од водечките компании за недвижности во Њујорк, а објавувањето на пресудата го следеше од затвор поради изложеност на коронавирус.

Тој бил уапсен кога влегувал во хотел во Њу Орлеанс каде бил пријавен под лажно име, само неколку часа пред емитувањето на последната епизода од документарниот филм на HBO, без кој, според обвинителите, немало да има пресуда.

Прикажи повеќе...

Најново

Свет2 часа

Американски милијардер случајно признал убиство, му се заканува доживотен затвор

Американскиот милијардер Роберт Дурст вчера беше прогласен за виновен пред судот во Лос Анџелес за убиство на неговата најдобра пријателка...

Топ3 часа

Приведени пет лица поради напад врз полицајци на вчерашниот протест во Тетово

Тетовската полиција вчера уапсила три лица – Б.А.(31) од кичевското село Туин, Н.Б.(52) од тетовска Мала Речица и Џ.С.(33) од...

Топ4 часа

Жител на Сарај уапсен поради кражба на графички картички и струја за „копање“ на биткоини

Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А. Како...

Свет6 часа

Американската војска призна: Во нашиот напад со дрон во Кабул загинаа 10 цивили

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили,...

Македонија18 часа

Заев: Со Бугарија ќе бараме европско решение за двојна победа

Актуелниот момент поврзан со членството на Северна Македонија во ЕУ и состојбите во регионот беа главна тема на средбата на...

Македонија22 часа

Почина двегодишно дете со Ковид-19 кое имало претходни здравствени проблеми

Од Министерството за здравство информираат дека во денешната статистика за Ковид-19 на Институтот за јавно здравје ќе биде заведено и...

Македонија24 часа

Од следниот месец сертификатот за вакцинација ќе важи само со две дози

Од следниот месец сертификатот за вакцинација ќе важи само со две дози, најави министерот за здравство, Венко Филипче. Тоа значи...

Македонија1 ден

„Избери живот, гласај зелено!“ – ДУИ го откри слоганот за локалните избори

„Избери живот, гласај зелено!“ е слоганот со кој Демократската унија за интеграција ќе настапи на претстојните локални избори, кои ќе...

Македонија1 ден

Русковска барала вештачење на телефонот со кој бил фотографиран Рашковски

Шефицата на обвинителството за организиран криминал и корупција, Вилма Русковска, стапила во контакт со сопственикот на порталот каде што беше...

Македонија1 ден

Обвинителството почна да ја разгледува документацијата за модуларната болница во Тетово

Основното јавно обвинителство за гонење организиран криминал и корупција пред два дена ја добило документацијата за модуларната болница во Тетово...

Македонија1 ден

Маричиќ: Власта не се меша во истрагата за пожарот во Тетово

Власта воопшто не се меша во истрагата за пожарот во модуларната болница во Тетово. Да сакаше да се меша, немаше...

Македонија1 ден

(Видео) Мисајловски: Одбивањето оставки од Владата за трагичниот случај во Тетово значи дека немаат морал

Потпретседателот на ВМРО-ДПМНЕ, Владо Мисајловски, на денешната прес-конференција во врска со трагедијата во Тетово и прашањето за оставки во Владата...

Македонија1 ден

Бугарија ѝ донира на Македонија 50.000 вакцини од „Фајзер“

Синоќа, во 21 часот пристигнаа вкупно 51.480 „Фајзер-Бионтек“ вакцини како донација од Бугарија. „Вчера, Северна Македонија доби донација од повеќе...

Регион1 ден

Словенија воведе задолжителна вакцинација за вработените во јавната администрација

Сите вработени во јавната администрација во Словенија, кои не прележале коронавирус и кои не се вакцинирани, задолжително ќе мора да...

Свет1 ден

И Холандија воведе сертификат за вакцинација за влез во ресторани, кафулиња, музеи…

Во Холандија од 25 септември за влез во кафулињата, рестораните, музеите, театрите и на културни настани ќе биде потребен сертификат...

Македонија2 дена

Косовскиот премиер не одговори дали ќе ги екстрадираат осудените во случајот „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за...

Македонија2 дена

Нови правила за Македонците – влез во Швајцарија само со сертификат, во Белгија карантин за невакцинираните

Швајцарија, Белгија и Австрија донесуваат нови ковид-правила за патниците што влегуваат во нивните земји.  За Швајцарија, повеќе не е во...

Свет2 дена

(Видео) Бајден го заборави името на австралискиот премиер, нов гаф на американскиот претседател

Американскиот претседател Џо Бајден го заборави името на австралискиот премиер Скот Морисон, па го нарече „тој човек одоздола“ за време...

Македонија2 дена

МВР: На Рашковски му е дозволено да излегува од куќен притвор за да оди на лекар

Поранешниот генерален секретар на Владата, Драги Рашковски, смее да се оддалечува од домот каде што издржува куќен притвор, тврдат од...

Свет2 дена

Француската војска уби лидер на ИСИС

Францускиот претседател, Емануел Макрон, објави дека припадниците на француската војска го убиле водачот на Исламската држава во Сахара, Аднан Абу...

Досие