Свет
Шведски обвинител одобрил изградба на џамија во замена за 3 000 гласа
Еден случај на „градежна дозвола за гласови“ предизвика сериозна дебата за правичноста на шведските избори, што резултираше со најмалку три полициски извештаи со обвинувања за неовластено мешање во изборите, па, сепак, обвинителството открило дека не е сторено кривично дело, објави таблоидниот дневен весник „Експресен“.
Џамијата Алби во шведскиот град Боткирка не ги прекршила законите кога понудила 3 000 гласа за Модератите во замена за дозвола за градба на нова џамија, пресуди главниот обвинител Алф Јохансон од шведската Канцеларија за корупција. Јохансон одлучи да ги отфрли двете истраги иницирани од полицијата и да не одобри трета бидејќи „немало кривично дело”. Според Јохансон, не е нелегално „заинтересираните страни” да постават политички барања во корист на сопствениот бизнис.
„Огромно мнозинство во оваа земја ги здружи силите во политички, религиски, еколошки, спортски, хуманитарни или други интересни групи. Претставниците на ваквите здруженија често ги искажуваат своите желби и барања до политичарите во корист на своите здруженија, почнувајќи од конкретни прашања, како што е изградбата на спортска сала или зачувување училиште до поапстрактни и нејасни барања, како што е подобрувањето на грижата за постарите лица,” објасни Јохансон.
Со повикување на своите членови да гласаат за одредена партија, под услов партијата да е подготвена да ги исполни интересите на групата, не значи дека групата бара незаконско влијание врз изборите ниту, пак, изразува намера да го стори тоа, тврди Јохансон. Тој објасни дека во овој случај било невозможно кривичното гонење зашто не е неговата работа да процени дали неуспешниот договор бил политички неетички или на некој начин несоодветен”.
„Тоа е како претседател на спортски клуб да го повика членството да гласа за Партијата на центарот бидејќи тие ветиле дека ќе изградат фудбалско игралиште за децата”, објасни Јохансон.
Бидејќи експертите, како што е политологот Бо Ротштајн, тврдеа дека случајот е еднаков на корупцијата, која се покажала како негативен ефект врз другите демократии, попустливоста на обвинителството предизвика вознемиреност кај шведските социјални медиуми. Додека некои тврдат дека обвинителот е „ретардиран или политички активист, или можеби и двете”, други тврдат дека случајот би довел до хаос ако станувало збор за други партии, како на пример десничарските Шведски демократи.
Непосредно пред парламентарните избори во Шведска на 9 септември, поранешниот лидер на Зелените во Боткирка, Али Калил, организирал таен состанок меѓу локалните лидери на џамијата и Модератите, при што на ривалите на неговата партија им биле понудени неколку илјади гласа од муслиманската заедница во замена за градежна дозвола за нова џамија. Ако договорот поминел, тоа ќе резултирало со промена на власта во општината. По скандалот, Али Калил ја напуштил функцијата во Зелената партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Приходите на Русија од нафта и гас се речиси двојно зголемени
Приходите од нафта и гас на Русија ќе достигнат 1,29 трилиони рубљи (14 милијарди долари) во април, што е речиси двојно повеќе од истиот месец минатата година благодарение на зголемените цени, покажуваат пресметките на Ројтерс.
Ројтерс ги заснова проценките на податоците од индустриските извори и официјалната статистика за производство, преработка и снабдување со нафта и гас на рускиот и меѓународниот пазар.
Руското Министерство за финансии на почетокот на мај ќе ги објави податоците за април. За цела 2024 година, владата буџетираше приходи од продажба на нафта и гас од 11,5 трилиони рубљи, за 30 отсто повисоки отколку во 2023 година, кога се намалија за 24 отсто поради пониските цени на нафтата и намалениот извоз на гас под притисок на санкциите.
Благодарение на закрепнувањето на приходите од продажбата на енергетски производи, рускиот буџетски дефицит се намали во првите три месеци од оваа година на 607 милијарди рубљи, што одговара на 0,3 отсто од бруто домашниот производ (БДП), наведува Ројтерс.
Западните земји воведоа бројни санкции кон Русија поради нејзината инвазија на Украина, настојувајќи да ги намалат приходите на Русија од продажбата на нафта и гас, кои сочинуваат околу една третина од федералниот буџет. Казнените мерки вклучуваат забрана за водење бизнис со руски финансиски институции.
Свет
Судот во Њујорк поништи пресуда на Харви Вајнстин за силување
Судот во Њујорк ја укина пресудата на Харви Вајнштајн за силување во 2020 година и нареди ново судење за случајот „MeToo“, пишуваат странските медиуми.
Во пресудата се наведува дека му било судено врз основа на неговото однесување во минатото, а не само врз основа на делата за кои бил обвинет. Судот одлучи дека судењето „погрешно го прифатило сведочењето за наводни претходни сексуални дејствија против лица кои не биле тужители во овој случај“.
Вајнстин (72) отслужува 23-годишна затворска казна во њујоршки затвор, откако беше осуден за сексуален напад за насилен орален секс со асистентка на ТВ и филмска продукција во 2006 година и за напад на актерка во 2013 година.
Тој ќе остане во затвор бидејќи беше осуден за уште едно силување во Лос Анџелес во 2022 година и осуден на 16 години затвор.
Обвиненијата против Вајнстин започнаа во 2017 година и го поттикнаа движењето #MeToo кое го разоткри сексуалното вознемирување на највисоките нивоа на холивудската филмска индустрија.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.