Бомбаш-самоубиец со автомобил денеска во Авганистан го уби главниот обвинител на државната управа за разузнавачки работи, Сајед Махмуд Агу.

Атентаторот, со автомобил полн со експлозив, удрил во колона возила во кои се наоѓал обвинителот, на пат кон неговата канцеларија во јужниот авганистански град Лашкаргах, убивајќи го обвинителот, неговиот телохранител, осум придружници и ранувајќи уште двајца цивили, рече шефот на советот на провинцијата Хелманд, Атаулах Авган.

Досега никој не презеде одговорност за овој атентатот.

За неколку претходни атентати одговорност презеде терористичката група Исламска држав, но за поголем број напади никој не презел одговорност, а владата во Кабул ги обвинува талибанците.

Во исто време, мировните разговори меѓу талибанските делегации и авганистанската влада продолжија во главниот град на Катар, Доха, со посредство на САД.

Затворени ресторани, помалку луѓе на улица, помалку ѓубре – стаорците имаат повеќе простор за движење за време на карантинот, но стануваат поагресивни во потрагата по храна. Со овој проблем се борат во Велика Британија.

За време на забраната за движење, се намали бројот на луѓе на улиците, а многу продавници се затворени подолго време. И така овие глодари ја окупираа територијата, пишува „Дојче веле“.

Според британското здружение БПЦА, кое собира 700 истребувачи на штетници од целата земја, активноста на глодарите се зголемила за 78% во ноември. Во првата блокада минатата пролет, зголемувањето било 51 процент. Ситуацијата е особено лоша во Лондон.

Од почетокот на пандемијата, дури осум проценти од населението го напуштиле тој град, претежно странци кои повеќе немаат работа. Ова остава простор за глодари.

„ Се чини дека нивните навики се менуваат. Особено стаорците се повеќе видливи во населените места“, изјави Натали Бангеј од БПЦА за ДВ.

БПЦА смета дека бројот на стаорци во Велика Британија се зголемил за една четвртина на 150 милиони минатата година. Некои германски експерти зедоа и два стаорци по жител како основа за проценка, но тие велат дека сега треба да се смета на три или повеќе.

Стаорците се преносители на опасни заразни болести.

„ Пренесувањето на заразата најчесто се случува кога ќе се подигне прашината која останува од изметот о урината на стаорецот“ објснува германскиот експерт за штетници, Јохан Еков.

Во време кога медиумите известуваат малку за други работи, освен за коронавирусот, стаорците на улиците во Лондон станаа главна тема за таблоидите. Објавени се фотографии од стаорци за кои се претпоставува дека се долги половина метар.

Ваквите написи се одлична реклама за истребувачите на штетници. Тие им велат на угостителите и трговците – подобро да не вработите, инаку, кога повторно ќе ја отворите вратата, може да ве чека легло за глодари.

Руската разузнавачка агенција и кинеските шпиони стојат зад сајбер нападот врз Европската агенција за лекови минатата година, пишува холандскиот весник „Де Волкскрант“.

Според списокот, кој се повикува на извори блиски до истрагата, ЕМА била цел на кинески шпиони во првата половина на 2020 година, а потоа и на руските разузнавачки служби подоцна во текот на годината, пренесува „Ројтерс“.

Руски хакери, наводно, имале пристап до системите на ЕМА повеќе од еден месец, изјавиле извори за „Де Волкскрант“.

Кинезите добиле пристап преку хакирање на германски универзитетски систем, весниците ги цитираат изворите, додека Русите наводно ги користеле недостатоците во податоците на ЕМА за двостепена верификација и други видови на сајбер одбрана.

Европскиот регулатор на лекови со седиште во Амстердам пријави сајбер напад во декември, во кој беа украдени документи поврзани со вакцини и лекови против Ковид-19 и протекоа на Интернет.

Руското Министерство за надворешни работи не одговори веднаш на барањето за коментар, но Москва постојано ги негираше обвинувањата на Западот за хакерство.

Кинеското Министерство за надворешни работи не беше веднаш достапно за коментар. Пекинг претходно изјави дека силно се спротивставува на сите форми на сајбер напади и ги потиснува.

ЕМА започна истрага со холандските и европските агенции за спроведување на законот, но досега не даде детали за тоа кој можел да ги изврши нападите.