Новата комесарка за проширување во новата Европска комисија ќе биде Словенката Марта Кос, соопшти денеска во Европскиот парламент претседателката на Европската комисија, Урсула фон дер Лајен.

Словенечката дипломатка ќе биде задолжена и за источното соседство на ЕУ.

Кос ќе работи на поддршка на Украина, ќе продолжи да работи на обновата на таа земја и ќе ги поддржува земјите кандидати да се подготват за пристапување во ЕУ, изјави Фон дер Лајен на конференцијата на претседателите на политичките групи во Европскиот парламент.

Новата ЕК треба да ја преземе функцијата на 1 декември, еден месец подоцна од планираното.

Докторка на Заводот за итна медицинска помош во Белград Д.Т на својот „Тик-ток“ профил објавила серија снимки од своето работно место на кои таа влегува во камерата, снима и не се однесува согласно професијата.

Поради евидентирање на пациенти на снимката, како и корисници на домот за стари лица каде таа работела, против неа е поведена постапка пред етичката комисија, пренесуваат медиумите во соседството.

E moja doktorka…. pic.twitter.com/nSfmf2BdbR

— Lovac na neke od njih! (@Sabljalo) September 16, 2024

На видеата, кои Д.Т. ги објавила на профилот, таа е во преден план и им се обраќа на следбениците додека го опишува своето работно место, проследено со движења на риалити ѕвезда, стои во написите.

Имено, на видеото кое е снимено во дом за стари лица, докторката на почетокот е во бел мантил со стетоскоп, каде го претставува своето работно место и пациентите.

Таа одеднаш се појавува во виолетов фустан и објавува дека е време за излегување.

„Ајде да видите доктор во друга верзија, да ги разбиеме предрасудите дека сите доктори се стари, досадни, грди. Па не е така, има некои интересни”, вели таа на почетокот на видеото во домот.

„Прекрасни сте, многу ми е мило. Дали сте добро згрижени овде?“, ги прашува докторката, мислејќи на лицата згрижени во домот.

Видеото продолжува во возило кое се движи кон болницата. Зад неа, во задниот дел од автомобилот, каде што најчесто се превезуваат пациенти, е снимено едно лице.

Откако снимките се проширија на мрежите, а докторката беше изложена на осуди, таа брзо ги отстрани сите снимки, пренесуваат медиумите во регионот.

Претседателката на Европската комисија Урсула фон дер Лајен ја именуваше шпанската министерка за транзиција за животна средина Тереза ​​Рибера за следен комесар за антимонополска политика на блокот, додека Естонката Каја Калас ќе биде одговорна за надворешната политика.

Литванецот Андриус ​​Кубилиус ќе стане првиот комесар за одбрана на ЕУ – нова улога дизајнирана да го изгради европскиот воено производствен капацитет наспроти руската агресија на источното крило на Европа.

Меѓу другите имиња на списокот европски комесари е францускиот министер за надворешни работи Стефан Сежурн задолжен за индустриска стратегија, додека Словакот Марош Шефчовиќ ќе ја надгледува трговската политика.

Комисијата е најмоќната институција на Европската унија, која има 27 земји. Таа има моќ да предлага нови закони на ЕУ, да блокира спојувања на компании и да потпишува договори за слободна трговија.

Секоја земја-членка на ЕУ ќе има по едно место на масата на Комисијата, улога што може да се спореди со министер во кабинетот, иако нејзината политичка тежина многу варира во зависност од ресорот.

Сите кандидати ќе поминат низ сослушувања со членовите на Европскиот парламент.

Рибера ќе го надгледува ставот на ЕУ за странските субвенции, уште еден горлив проблем бидејќи компаниите во клучните сектори како што се електричните возила и производството на енергија се борат да ги одбранат своите деловни модели од евтината конкуренција од странство, особено Кина.