Свет
Шпанците ќе имаат најдолг животен век до 2040 година

Според една неодамнешна студија, луѓето што живеат во Шпанија се очекува да имаат најдолг просечен животен век до 2040 година. Студијата исто така предвидува дека ќе се зголеми и бројот на предвреме починати од непреносливи болести.
Во 2016 година Шпанците беа на четвртото место според просечниот животен век со 82,9 години, се очекува да достигнат просечен животен век од 85,8 години во 2040. Тие ќе ја надминат и Јапонија, каде што просечниот животен век на луѓето е 82,9 години, со што во 2016 година земјата беше на првото место на оваа листа. До 2040 година животниот век на Јапонците се очекува да достигне 85,7 години.
Сингапур и Швајцарија исто така се очекува да се најдат меѓу првите на оваа листа со просечен животен век од 85,4, односно 85,2 години.
Од друга страна, земјите од Африка се очекува да имаат најкус просечен животен век.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Северна Кореја има сѐ помалку храна

Северна Кореја предупреди дека се соочува со недостиг од храна од околу 1,4 милиони тони во 2019 година, односно дека е присилена речиси да ги преполови оброците, обвинувајќи ги високите температури, суштата, поплавите и санкциите на Обединетите нации.
Мисијата на Северна Кореја при Обединетите нации објави меморандум на две страници, без датум, во пресрет на вториот самит следната недела помеѓу американскиот претседател, Доналд Трамп, и севернокорејскиот лидер, Ким Џонг-ун, за денуклеаризација на Корејскиот Полуостров.
„Вашингтон“ бара Северна Кореја да се откаже од програмата за нуклеарно вооружување која е закана за САД, додека Северна Кореја бара укинување на санкциите, пренесе „Ројтерс“.
ОН едногласно ги зајакна санкциите за Северна Кореја од 2006 година, за да го прекине финансирањето на програмата на Пјонгјанг за нуклеарно вооружување и балистички проектили.
Европа
Во Италија наскоро можеби и граѓаните ќе предлагаат закони

Претставничкиот дом на италијанскиот парламент, во кој доминираат популистите од Движењето 5 ѕвезди (M5S) и десно ориентираната Лига усвои предлог-закон кој им овозможува на граѓаните да предлагаат закони, можност што досега не постоеше во оваа европска земја.
Усвоениот предлог-закон предвидува дека предлозите на граѓански иницијативи кој имаат собрано најмалку 500 000 потписи мора во рок од 18 месеци да бидат прифатени од страна на парламентот, без притоа во нив да се внесуваат значајни измени.
Доколку парламентот не го усвои предлогот во овој рок или доколку истиот е значително променет, ќе се организира референдум.
Законот ќе се смета за усвоен во изворна форма ако повеќе од 25 проценти од избирачите се изјаснат и доколку опцијата за поддршка победи на референдумот.
Во моментов, италијанскиот Устав предвидува само поништувачки референдум, се кои законите се бришат целосно или делимно, со кворум од 50 отсто плус еден глас.
Новиот нацрт-закон на претставничкиот дом, со кој се менуваат два члена од Уставот, мора да мине преку Сенатот, а потоа се враќа во Претставничкиот дом, по што повторно во финална верзија се праќа до Сенатот.
Сите измени на италијанскиот Устав бараат двојно одобрување од страна на двата дома на парламентот.
Регион
Дачиќ: Нема да дојде до договор бидејќи Приштина не сака

До договор со Приштина нема да дојде бидејќи Албанците тоа не го сакаат, оцени министерот за надворешни работи на Србија, Ивица Дачиќ.
Тој рече дека разграничувањето на Косово не е идеја од вчера, и за тоа се зборувало години наназад. Дачиќ вели дека Србија во 2005 година имала понуда од меѓународните организации за поделба на Косово, пренесе „Б92“.
„Треба да се води мирна политика. Сигурен сум дека Приштина нема да прифати, но тие ќе бидат одговорни“, рече Дачиќ и додаде дека САД најмногу се залагаат за постигнување договор.
Дачиќ образложи дека заложбите на САД се резултат на тоа што увиделе дека работата не е завршена.
- Истражувања3 месеци
Во дворот на МЗТ ќе се гради фабрика за преработка на медицински отпад, паника кај околните фирми
- Истражувања1 месец
(ВИДЕО) Градоначалничката на Арачиново со службени пари купувала суџук, мирисливи свеќи, пилешки гради и дрвени лажици
- Истражувања2 месеци
Фондот за иновации прво одобрил грант од 200 илјади евра на сопругот, па ја вработил сопругата
- Проверка со факти3 месеци
Заев прифаќа амнестија за 27 април, а тврдеше дека нема да има
- Проверка со факти2 месеци
(Видео) Шекеринска: Нема да се пазариме со амнестија
- Проверка со факти2 месеци
(Видео) Макрадули: Популизмот не помага при решавање со загадувањето
- Македонија2 недели
Скандалозна распределба на пари во култура – има за тетовски, нема за скопски џез-фестивал
- Македонија2 месеци
(Видео) Кога општеството потфрла, кучето Бен му помага на момчето со церебрална парализа