Штрајковите го парализираат сообраќајот во Германија, возовите не сообраќаат, се создаваат огромни колони

Комбинација од штрајкови на машиновозачите, персоналот за безбедност на аеродромот и персоналот на „Луфтханза“ го парализираа железничкиот и воздушниот сообраќај во Германија.

Штрајкот на машиновозачите на германските железници „Дојче бан“ (ДБ) (Deutsche Bahn DB) во патничкиот сообраќај почна во два часот по полноќ и треба да трае до петок до 13 часот. Товарните возови не сообраќаат од 18 часот во средата. Прекинот на работа не ги погодува само патниците во меѓуградскиот и меѓународниот сообраќај, туку и оние што одат на работа, со оглед на тоа што штрајкот на железничарите ги опфаќа и градските и приградските возови.

Според потребниот возен ред, во моментот сообраќаат околу 20 отсто од возовите на меѓуградските линии.

Ова е петти штрајк во актуелната рунда преговори меѓу синдикатите ГДЛ и ДБ за колективните договори што почнаа во ноември минатата година. Преговорите пропаднаа минатиот викенд поради спорот за пократка работна недела за машиновозачите.

GDL сака да го намали неделното работно време од 38 на 35 часа со целосна плата.