Регион
Ѕидот на раздорот во Косовска Митровица никако да се урне
По состанокот одржан во четврток вечер во Брисел без официјални изјави по средбата на српската и косовската делегација, албански медиуми објавија дека разговорите на биле успешни, премиерот Александар Вучиќ вели дека прифатиле се, но косовската делегација ги менуваше ставовите.
Во Косовска Митровица, има голема тензија, која настана по неуспешните разговори меѓу српската и косовска делегација во Брисел и пораката која стигна од Приштина, дека нема да се дозволи формирање Заедница на српски општини, а на улиците има зајакнати патроли на косовската полиција.
Дополнително, тензиите има и околу уривањето на ѕидот кој среде Косовска Митровица беше изграден минатата година во близина на мост на кој се изведуваа работи за тој повторно да биде пуштен за сообраќај. Локалните Срби тврдеа дека тој ѕид е дел од проектот за изградба на пешачка зона, но во јавноста се сфати како ѕид на поделеност на Косовска Митровица на северен и јужен дел. По интервенција на меѓународната заедница, градоначалникот на Северна Митровица рече дека ѕидот ќе биде редизајниран и дека на тоа место ќе има нешто во вид на летна сцена.
Албанските власти пак во Косовска Митровица велат дека тој ѕид мора да биде урнат од оние кои го изградија. Сепак, дел од политичарите сметаат дек давањето важност на оваа тема е бегање од многу поважни теми на кои треба да се концентрира Косово.
Во меѓувреме, медиумите јавија дека сили на жандармеријата тргнале кон југот на Србија.
Претседателот Томислав Николиќ, по средбата со амбасадорите на Русија, Кина и САД пренесе дека однесување на Приштина во последната рунда од дијалогот на високо нив „не било со цел постигнување договор“.
„Ние даваме се од себе тензиите да се смират и да го сочуваме мирот, тоа е причина зошто одам во Рашка, затоа што нашите градоначалници се загрижени“, рече Николиќ.
Таму, синоќа беше и премиерот Александар Вучиќ, кој порача дека Приштина се занимава со највалканата пропаганда до сега, затоа што за време на преговорите претставниците на Приштина постојано ги менувале предлозите. Штом ќе постигнеле согласност, тие го менувале предлогот.
Вучиќ рече дека делегацијата на Србија прифатила се што и се предлагало, а од четирите постигнати спогодби еден е и за Косовска Митровица.
„Направивме многу компромиси за да го зачуваме мирот во цела Србија и на нејзините граѓани, како и за граѓаните на Косово. На 8 декември дојде до договор за самиот мост во Косовска Митровица, а во меѓувреме косовската делегација рече дека тие не се овластени да ја потпишат таа спогодба и се повлекоа. Според нив, ни косовските закони по кои тој потпорен ѕид е во надлежност на локалната самоуправа не важат“, рече Вучиќ.
„Важно е да го сочуваме мирот и тоа ќе го направине, повтори Вучиќ, додавајќи дека разговорите синоќа во Брисел биле тешки, а дека „цел ден зборуваат дека некој ги загрозува – српска полиција и војска, а каде се тие?“.
Укажа дека косовските единици РОСУ никогаш не патролирале по српските села, а дека нема да дозволи странските амбасадори да одредуваат каде ќе биде распоредена српската војска.
Србите во Косовска Митровица беа излезени на улиците, полицијата поставуваше камери на мостот. На репортер од „Танјуг“, насобраните луѓе му рекле дека се исплашени од се што се случува последните денови во врска со уривањето на ѕидот во близина на мостот./крај/т/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почина еден од основачите на бендот „Дивље јагоде“
Еден од основачите на рок-групата „Дивље јагоде“, Нихад Јусуфходжиќ, почина во средата во Бихаќ.
Музичарот имаше 73-години, а во последните неколку месеци се лекувал во Кантоналната болница во Бихаќ. За него претходно биле организирани и акции за дарување крв.
Веста за неговата смрт потресе бројни колеги, а од него се прости и пејачот Анте Јанковиќ.
„Денес ме затекна вест која тешко се прифаќа. Замина мојот пријател Нихад Јусуфходжиќ, човек со кој не делев само сцена, туку и дел од животот низ ‘Дивље јагоде’. Заедно свиревме, се смеевме и минувавме низ сè што музиката и вистинското пријателство можат да донесат. Тие спомени засекогаш ќе останат со мене. Ти благодарам за сè што беше и што остави зад себе. Почивај во мир, пријателу“, напиша Јанковиќ на социјалните мрежи.
Јусуфходжиќ, заедно со Сеад Липовача и Јанковиќ, ја основал групата „Дивље јагоде“, со која учествувал во снимањето на првите четири сингл-плочи и дебитантскиот албум од 1978 година.
Регион
Закани со бомби во двата најголеми трговски центри во Сараево
Два од најголемите трговски центри во Сараево мораа привремено да бидат затворени денес откако полицијата добила пријави за поставени експлозивни направи, потврди Министерството за внатрешни работи во Сараевската жупанија.
Saraevo City Center (SCC) и Алта, обете во самиот центар на градот и во близина на седиштето на државниот парламент и Советот на министри на Босна и Херцеговина, беа евакуирани во утринските часови, а полициски екипи беа испратени да ја проверат ситуацијата на терен.
Како што потврди за локалните медиуми портпаролката на Министерството за внатрешни работи на Сараевската жупанија, Мерсиха Новалиќ, закани за бомби пристигнале преку е-пошта на адресите на полицијата и некои медиуми.
„Килограм експлозив во SCC, два килограми во Алта“
Во пораката се наведува дека „се поставени експлозивни направи“. Анонимните испраќачи наведоа дека во SCC е поставен еден килограм експлозив, а во Алта е поставен уред со два килограми експлозив со далечински управуван детонатор.
„Веродостојноста на содржината на заканите и ситуацијата на терен ќе бидат проверени“, рече Новалиќ.
Регион
(Видео) Откриен идентитетот на уапсениот водач на нарко-картел од Црна Гора, неговата компанија за банани и ореви заработува милиони
Компанијата „Спектакулар“ на Светислав Филиповиќ (47), кој беше уапсен вчера под сомнение дека е еден од водачите на балкански нарко – картел, има повеќемилионски промет. Според податоците од глобалната платформа за анализа на трговијата „Волца“, компанијата примила дури 139 пратки од Еквадор, Колумбија и Украина од вкупно 16 добавувачи, а официјално се занимавала со трговија со банани и ореви, објавува РТЦГ.
Директорот на полицијата Лазар Шќепановиќ вчера објави дека Филиповиќ е осомничен за продажба на дрога и оружје. Заедно со него, кој е осомничен дека е водач на балкански нарко – картел, уапсени се уште седум лица.
Според Мрежата за истрага на организиран криминал и корупција – Лупа, Филиповиќ е ко-сопственик со 51 процент удел во компанијата „Спектакулар“, основана пред повеќе од 20 години во Подгорица и регистрирана за неспецијализирана трговија на големо. Компанијата имала отворени дури 25 девизни и тековни сметки во неколку црногорски банки.
Сите горенаведени сметки сега се блокирани за вкупен износ од 4.980.815 евра. Податоците на Даночната управа покажуваат дека компанијата имала приходи од 9,8 милиони евра во 2019 година, 10,6 милиони во 2020 година, 3,3 милиони во 2021 година и 664.206 евра во 2022 година. Најголеми приходи остварила кога Демократската партија на социјалистите (ДПС) била на власт во Црна Гора.
Филиповиќ беше уапсен како дел од меѓународна полициска операција со кодно име „СПЕКТАКУЛАР“, насочена против шверц со дрога и оружје. Акцијата беше спроведена во Црна Гора и Германија со поддршка на Европол.
Според директорот Шќепановиќ, резултатот од операцијата беше запленување на околу 4,5 тони наркотици во 12 поединечни акции.
„Од тоа, 2,7 тони кокаин се во Боливија, каде што десет лица беа уапсени во операција на крајот на 2024 година, а 1,8 тони различни дроги во Европа – во Белгија, Германија и Црна Гора. Станува збор за околу 1,55 тони канабис, 120 килограми хашиш и околу 120 килограми кокаин“, рече Шќепановиќ.
Според податоците на Полициската управа, вкупно 14 осомничени беа гонети. Седум од нив беа уапсени во Црна Гора, а четири лица во Германија. Шќепановиќ објасни дека истрагата имала за цел откривање на транснационална криминална мрежа која дејствувала на неколку континенти и била вклучена во шверц на кокаин, канабис и хашиш, како и во трговија со оружје.
фото/европол
(Видео) Стразбур со супер пресврт против Мајнц, АЕК не успеа да приреди чудо
Стразбур изведе спектакуларен пресврт против Мајнц за пласман во полуфиналето, во Конференциската лига, каде од вечерва се уште Шахтјор, Рајо...
(Видео) Спектакуларен пресврт на Брага, Вила ја растури Болоња, во полуфиналето е и Нотингем Форест
По реванш натпреварите од четвртфиналето на Лигата на Европа, комплетиран е списокот на полуфиналисти. Во првиот термин, Фрајбург повторно победи...
Бланар: Словачка e подготвена да го блокира новиот пакет санкции на ЕУ против Русија
Словачка е подготвена да го блокира новиот пакет санкции на Европската Унија против Русија, но нема да се спротивстави на...
Захарова: Германија е главен спонзор на војната во Украина
Германија се претвори во главен спонзор на војната во Украина и има една од главните улоги во милитаризацијата на Украина,...
Фицо за ЕУ: Прекрасен проект во лоши раце
Словачкиот премиер Роберт Фицо изјави дека Европската Унија останува силен и вреден проект, но дека нејзиното сегашно управување е во...
Трамп: Имам право да не се согласувам со папата
Американскиот претседател Доналд Трамп, зборувајќи со новинарите пред Белата куќа пред да замине за Лас Вегас, рече дека прекинот на...
Закана за бомба во домот на братот на папата Лав
Полицијата во Илиноис потврди дека вчера вечерта е примена закана за бомба во домот на Луис Привост, братот на папата...
Загина Алекс Манингер
Поранешниот голман на Ливерпул, Арсенал и Јувентус, Алекс Манингер, загина во сообраќајна несреќа во четврток. Поранешниот голман на австриската репрезентација...
(Видео) Фрајбург ја размонтира Селта
Фудбалерите на Фрајбург ја декласираа Селта во реваншот со 3:1 и со вкупен резултат од 6:1 се пласираа во полуфиналето...