Генералниот секретар на Обединетите нации, Антонио Гутереш денеска повика на итен прекин на сите воени активности околу најголемата европска нуклеарна централа во Запорожје, на југоистокот на Украина.

Тој предупреди дека секоја штета може да доведе до „катастрофални последици“ во регионот и пошироко, пренесува АП.

Русија постојано ја обвинува Украина за напад на фабриката и ги повика западните сили да ја запрат воената акција на Киев.

Повеќе од 30 лица се повредени, од кои двајца потешко, откако два воза се удриле еден во друг во забавен парк во јужна Германија.

Еден воз на тобоганот пробал да закочи, а друг се судрил со него во паркот Леголанд во Гунцбург, јави германската новинска агенција dpa.

На местото на настанот се испратени три хеликоптери, а на помош биле повикани и противпожарните и спасувачките служби. Најмалку 34 лица се повредени.

Засега не е познато како дошло до несреќата.

Русија и Турција постигнаа начелен договор за префрлање на дел од плаќањето за рускиот природен гас во рубли како дел од продлабочувањето на трговските врски меѓу двете земји, соопшти денеска турското Министерство за енергетика.

Избегнувањето плаќања во долари е корисно за двете земји, пренесува „Раша тудеј“ (RT) и додава дека Русија ја нарече американската валута „токсична“ бидејќи западните санкции ги отежнуваат трансакциите.

Дополнително, овој договор ѝ помага на Турција да ги зачува своите намалени резерви на тврда валута.

Турскиот претседател Реџеп Таип Ердоган минатата недела потврди дека Анкара ќе почне да плаќа дел од увозот на природен гас од Русија во рубљи по повеќечасовни разговори со неговиот руски колега Владимир Путин во Сочи, потсетува РТ.

Двете земји потпишаа и патоказ за развој на економската соработка, кој предвидува зголемување на билатералната трговска размена на 100 милијарди долари годишно.

Путин претходно овој месец рече дека земјите од ЕУ треба да ѝ бидат благодарни на Турција што на блокот му обезбеди сигурно снабдување со руски гас преку гасоводот Турски тек, пренесе Блиц.рс.