Лоисо го коментира однесувањето на Салвини за францускиот РТЛ осврнувајќи се на ситуацијата со бродот за спасување мигранти „Аквариус“.

Франција, Португалија, Шпанија и Германија се согласија во вторникот дека ќе го прифатат бродот со мигранти од „Аквариус“, кој плови по брегот на Малта, бидејќи Италија тоа го одби.

„Господин Салвини денес се однесуваше како Понтиј Пилат (римски владетел кој го осуди Исус на смрт). Тоа е срамно“, изјави Лоисо за РТЛ.

Салвини, шеф на италијанската екстремна десница и потпретседател на владата, има остар став за прашањето на мигрантите што пристигнуваат во Италија од Африка и од Блискиот Исток.

Овој месец на европската конференција тој ги спореди африканските емигранти со робови.

Блискиот соработник на германската канцеларка Ангела Меркел, Фолкер Каудер, ги изгуби изборите за шеф на парламентарниот клуб на нејзиниот конзервативен блок. Ваквата вест изненади многумина и предизвика шпекулации дека со тоа се разнишал авторитетот на канцеларката.

АП тврди дека овој изненадувачки пораз му даде удар на авторитетот на долгогодишниот германски лидер во нејзините редови и дека резултатот од гласањето во вторникот се смета за барометар за авторитетот на Меркел во конзервативните редови по тешка година.

„Губење на авторитетот и крај на ерата на Ангела Меркел“, ова се дел од насловите во германските медиуми еден ден кога конзервативниот блок за претседател на клубот избра друг човек наместо Фолкер Каудер, кој со години ѝ беше десна рака на германската канцеларка.

„Ерата на Ангела Меркел ќе заврши“, објави по гласањето на најпопуларниот германски весник „Билд“.

И покрај иницијативата за изедначување на економијата на поранешна Источна Германија со Западна, сè уште постојат значителни разлики, покажа годишниот извештај.

Поминаа 28 години од обединувањето на двете Германии, кои со децении беа поделени со железната завеса на комунистичкиот исток и демократскиот запад, а со спојувањето станаа држава со повеќе од 82 милиона луѓе денес.

Извештајот за состојбата на земјата покажува дека во однос на просечните плати и економската сила, поранешниот Исток сè уште заостанува зад Западот.

Големите компании сè уште не го имаат воспоставено седиштето во источните федерални провинции, а индустријата допрва треба да го открие својот извозен потенцијал на локалниот пазар.

Проблемите лежат главно во структурните разлики. На Исток има помалку истражувања и иновации и ова подрачје е помалку отворено за странските земји.