Контакт

Свет

Њујорк воведе задолжителен карантин за осум сојузни држави

Објавено пред

Сојузните американски држави Њујорк, Њу Џерси и Конектикат воведоа двонеделна самоизолација за сите што доаѓаат од Алабама, Арканзас, Аризона, Флорида, Северна Каролина, Јужна Каролина, Тексас и Јута, изјави пред новинарите Ендру Куомо, гувернерот на Њујорк.

Ваквата мерка е донесена поради зголемениот број заболени од коронавирус во овие земји.

Куомо додаде дека оние што ќе го прекршат карантинот ќе се соочат со казна од 1.000 или 5.000 американски долари во случај на повторено кршење на мерките за изолација.

Универзитетот во Вашингтон процени дека до октомври ќе има 180.000 жртви од Ковид-19 во САД, или 146.000 ако 95% од Американците носат заштитни маски.

Водечкиот стручњак за инфективни болести во САД, Ентони Фаучи, им рече на законодавците дека има вознемирувачко зголемување на бројот на заболени и зголемено ширење на вирусот во заедниците во многу јужни и западни држави.

САД во последните 24 часа регистрирале 34.516 нови случаи на Ковид-19 и 751 смртен случај. Вкупно заболеле повеќе од 2,3 милиони луѓе, а бројот на починати е  повеќе од 121.000.

Свет

Адвокатот што извади оружје пред демонстрантите вели дека бил жртва на тероризам

Објавено пред

Адвокатот од Сент Луис, кој стана вирале хит со својата сопруга откако вперија оружје кон демонстрантите на „Блек лајвс медр“ во нивното соседство, тврди дека тој бил жртва на социјално заплашување и на тероризам, пренесува „Њујорк пост“.

Во интервју во вторникот за Си-ен-ен, Марк Мекласки (63) повтори дека тој и неговата сопруга Патриција (61) се плашеле за своите животи кога се заканувале со огнено оружје кон демонстрантите кои низ нивната улица оделе кон домот на градоначалничката Лида Крусон за да бараат нејзина оставка.

На прашањето дали нешто се случило со неговото семејство или имот, Меклaски изјавил:

„Да, тоа се нарекува социјално заплашување, се нарекува тероризам. Која е дефиницијата за тероризмот? Користење насилство и заплашување за да се заплаши јавноста. Тоа и се случуваше таа вечер. Тоа е она што ми се случи и тоа е штетата што ја претрпев“.

Тој ги отфрли сите тврдења дека неговите дејства го направиле поборник против движењето „Блек лајвс медр“.

„Ова е потполно смешна изјава“, рече Мекласки. „Јас бев човек исплашен за својот живот кој ја штити својата сопруга, својот дом, огништето, својот живот. Бев жртва на толпа што помина низ мојата порта. Не ме интересира каква боја на кожата имале. Не ме интересира која беше нивната мотивација. Бев исплашен, ме нападнаа и стравував дека ќе ме прегазат, ќе ме убијат, ќе ми ја запалат куќата“.

„Не одвоив време да ги видам нивните изводи од матична книга на родените или што било друго“, додаде тој. „Ја бранев својата куќа, мојот живот, сопругата и она што сум го градел 32 години“.

Нивниот адвокат, Алберт Воткинс, изјави дека двојката Мекласки се долгогодишни активисти за граѓански права.

„Адвокатскиот пар излегол со полуавтоматска пушка и пиштол кога два-тројца демонстранти – кои биле белци – насилно им се заканиле ним и на нивниот имот. Тие постапиле законски од страв чија генеза не е поврзана со расата“, рече Воткинс претходно неделава.

„Моите клиенти се целосно зад движењето против разизам и го поддржуваат. Но не прифаќаат користење на таа благородна порака што сите треба да ја слушнеме како дозвола за силување, грабеж и газење на сите наши права“.

Прикажи повеќе...

Свет

Турција бара извинување од Франција за инцидентот со воените бродови

Објавено пред

Анкара ја повика Франција да се извини за наводната поморска расправија во Средоземното Море, тврдејќи дека Париз лажно ја обвинил Турција за спречување инспекција на товарен брод наменет за Либија, пренесува РТ.

Турскиот министер за надворешни работи, Мевлут Чавушоглу, го постави барањето денеска, нагласувајќи дека тврдењата на Франција за јунскиот настан не се вистинити.

„Франција треба да ни се извини“, рече тој на прес-конференција со својот германски колега, Хајко Мас.

Минатиот месец Франција тврдеше дека нејзината морнарица имала конфронтација со три турски воени бродови кои придружувале товарен брод осомничен за кршење на ембаргото за оружје за Либија. Францускиот брод беше дел од мисијата на НАТО за спроведување на мерките.

Според француските претставници на одбраната, бродот на француската воена морнарица бил „осветлен“ трипати од турскиот радар за таргетирање кога се обидел да му пристапи на товарниот брод. Франција го осуди инцидентот како агресивен и непријателски чин.

Париз го прекина учеството во меѓународната поморска мисија во средата.

Односите меѓу Франција и Турција се во стрмен пад во последните неколку недели бидејќи и двете држави меѓусебно се обвинуваат за кршење на ембаргото за оружје.

Францускиот претседател Емануел Макрон ја нарече улогата на Турција во Либија „криминална“, а Анкара тврди дека пристрасните Французи го игнорираат ембаргото со цел да се спротивстават на командантот Калифа Хафтар.

Прикажи повеќе...

Свет

Демонстранти со вили протестираа пред имотите на богатите на Хемптонс

Објавено пред

Караван од демонстранти, од кои дел со вили во рацете, протестираа во средата на Хемптонс за да ги критикуваат богатите и да ја осудат нееднаквоста на приходите во нацијата, пренесува „Пејџ сикс“.

Повеќе од 100 возачи и околу 200 пешаци ги посетија домовите на дел од најбогатите луѓе во светот, вклучувајќи го и поранешниот градоначалник на Њујорк, Мајк Блумберг.

„Оданочете ги богатите, а не сиромашните!“, извикуваа демонстрантите пред палатата на Блумберг вредна 20 милиони американски долари во Саутхемптон, а некои го нарекоа неуспешниот претседателски кандидат „ограбувач“.

Демонстрантите, од кои дел дојдоа од Њујорк, побараа од њујоршкиот гувернер Ендрју Куомо да ги зголеми даноците на 118 милијардери за државата да надомести за големиот пад на приходите, во екот на пандемијата на коронавирус.

Групата ја осуди идејата на Куомо да намали 20 отсто од државните средства наменети за училиштата, болниците и за агенциите за домување. Тие посочија дека иако избувнувањето на пандемијата има големо влијание врз сиромашните заедници, богатството на американските милијардери се зголемило.

„Што е многу, многу е – време е државата Њујорк да ги зголеми даноците на богатите наместо да ги скратува услугите за работните луѓе“, рече Алис Нашименто, директор за политика и истражување во њујоршката Заедница за промени, која помогна да се организира акцијата.

Организаторите ја вклучија и Њујоршката алијанса на таксисти со околу 40 регистрирани такси-возила. Таксистите веќе беа во должничка криза пред да се појави вирусот и се тешко погодени од пандемијата.

На протестот учествуваа и припадници на индијанската нација Шинекок, вклучувајќи ја и Ребека Генија, која во изјавата рече дека милијардерите ја земаат земјата за да изградат терени за голф и куќи, да профитираат од пустошот на коронавирусот и да го искористат трудот на останатите.

„Јасно е дека вистинските ограбувачи во Њујорк се милијардери – и време е да ги натераме да го платат својот фер удел за да можеме сите да напредуваме“.

Групата, исто така, запре пред куќите во сопственост на извршниот директор на „Блекстоун“, Стивен Шварцман и инвеститорот за недвижнини Стивен Рос, а планираше да го посети имотот на инвеститорот и директорот на хеџ фондови, Даниел Лоб.

„Милијардерите се експерти за социјално дистанцирање“, рече Нашименто . „Тие избраа да живеат во својот свет и се одвоени од реалноста на обичните луѓе и луѓето врз чиј живот имаат огромно влијание“.

Прикажи повеќе...

Најново

Спорт3 часа

Ѓоковиќ и сопругата се негативни на Ковид-19

Новак Ѓоковиќ и неговата сопруга Јелена се негативни на вирусот Ковид-19, покажале резултатите од последните ПЦР тестови кои на сопружниците...

Економија4 часа

(Видео) Ангеловска: Резултатите се подобри од очекуваното, економијата почна да закрепнува

„Она што го почнавме на почетокот на оваа ковид-криза, а во духот на транспарентноста и отчетноста, односно навремено па дури...

Македонија4 часа

Османи: Процедурите за попис на населението ќе почнат по изборите

Вицепремиерот  Бујар Османи, кој истовремено е висок функционер во ДУИ, најави дека подготовки за спроведување на пописот ќе започнат по...

Македонија6 часа

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за...

Свет6 часа

Пресечена пратка за Европа: Запленети 7,5 тони кокаин, вреден 286 милиони долари

Во заедничка акција на полицијата на Колумбија и САД, запленети се 7,5 тони кокаин во вредност од 286 милиони долари,...

Свет6 часа

Трамп се предомисли: Сите треба да носат маски

Американскиот претседател, Доналд Трамп, кој се противеше на тоа да го покрива лицето во јавноста, рече дека е за тоа...

Македонија6 часа

Со донација на коскена срцевина, македонски дарител му помогна на пациент од Бугарија

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен...

Свет6 часа

Вооружен напад на рехабилитациски центар во Мексико – 24 убиени

Најмалку 24 луѓе се убиени, а седум се ранети во вооружен напад во нерегистриран центар за лекување зависности од дрога...

Македонија6 часа

Санкционирани 461 лице за неносење заштитна маска

Во текот на изминатото деноноќие (1/2.07.2020 година) на територијата на целата држава по однос на мерката за неносење лична заштита...

Свет6 часа

По низа грешки, министерот за здравство на Нов Зеланд поднесе оставка и се нарече идиот

Новозеландскиот министер за здравство, Дејвид Кларк, денеска поднесе оставка по низа лични грешки за време на пандемијата на коронавирусот. Кларк...

Свет6 часа

Голема трагедија во рудник во Мјанмар, загинаа најмалку 50 рудари

Најмалку 50 рудари загинаа во одрони во рудник за жад на северот на Мјанмар, соопштија властите. Се претпоставува дека бројот...

Свет7 часа

По два месеци пауза, коронавирусот се врати во Токио

Во Токио се забележани над 100 новозаболени од коронавирус што е најголем број на нови случаи во последните два месеци....

Свет18 часа

Советот за безбедност на ОН ја усвои резолуцијата за прекин на сите конфликти поради коронавирусот

Советот за безбедност на ОН денеска едногласно ja усвои резолуцијата со која се бара прекинување на конфликтите низ целиот свет...

Македонија1 ден

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Македонија1 ден

Ако има потреба ќе бидат воведени рестриктивни мерки, велат Спасовски и Филипче

Ако има потреба ќе бидат препорачани и воведени рестриктивни мерки. Вака техничкиот премиер Оливер Спасовски и министерот за здравство, Венко...

Македонија1 ден

Oколу 900 патници поминале низ двата аеродрома кои денеска беа отворени

Околу 900 патници денеска поминале низ скопскиот и охридскиот аеродром, на првиот ден од нивното отворање, по неколкумесечниот застој поради состојбата...

Македонија1 ден

Независна пратеничка група: Мицкоски кочел закони за да штити криминал поради личен интерес

Мицкоски нé лажеше дека се грижи што ќе се уништи партијата, а имал гајле само за некого, свој личен интерес...

Македонија1 ден

Филипче: Воведовме 7 нови лекови за лицата со ретки болести и во услови на Ковид-19

Министерот за здравство, Венко Филипче, се сретна со претставници на Здруженијата на лица со ретки болести во нашата земја, при...

Регион1 ден

Граничниот премин Евзони повторно затворен

Граничниот премин Евзони требаше да биде отворен од денес, но сепак, во краток временски период овој граничен премин беше затворен,...

Македонија1 ден

Кривична пријава и државен карантин за синот на починатата кој учествуваше во инцидентот пред „8 Септември“

Обид насилно да се изнесе тело на почината од коронавирус е причината за инцидентот што вчера се случи во болницата...

Досие