Свет
Авион прелета половина свет со гориво од отпадно масло
„Ер Франс-КЛМ“ испрати авион на својот прв далечински лет со „одржливо авионско гориво“ – нафта помешана со синтетичко авионско гориво добиено од отпадно масло за пржење.
Компанијата соопшти дека преминот кон одржливо воздухопловно гориво (САФ) претставува поддршка кон создавање индустрија што гарантира еколошки воздушен транспорт.
Авионот леташе од Париз до Монтреал со мешавина на гориво што содржи 16 % одржливо гориво.
Индустриите во светот експериментираат со алтернативни горива бидејќи властите ги заоструваат правилата за емисијата на загадување. Други авиокомпании и производители на авиони исто така експериментираат со употреба на разни количини биогорива или разни видови одржливо гориво.
„Ер Франс-КЛМ“ ја претстави својата иницијатива на парискиот аеродром „Шарл де Гол“. Присутни беа клучните лица од авијацијата, вклучително и извршниот директор на компанијата, Бенџамин Смит, извршниот директор на „Тотал“, Патрик Пуен, и претседателот на „Ербас“, Гијом Фори.
Стив Чонка, извршен директор на „Иницијативата за алтернативно авионско гориво“, го поздрави потегот бидејќи новото гориво е клучно за намалување на емисиите на јаглероден диоксид.
Ендру Марфи од организацијата „Транспорт и животна средина“ во Брисел рече дека „добро е што експериментираат“ сега кога светот излегува од пандемијата и патувањата се обновуваат.
„Ер Франс-КЛМ“ тврди дека во февруари го извршил првиот редовен лет со авион на синтетичко одржливо гориво од Амстердам до Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.