Свет
Австралискиот премиер го повика папата да го смени надбискупот кој прикривал злоупотреба на деца
Австралискиот премиер, Малколм Турнбул, го повика папата Франциско да го смени надбискупот Аделаид Филип Вилсон, кој е највисок римокатолички свештеник. Вислон е осуден поради прикривање сексуални злоупотреби на деца.
Турнбул пред две недели изјавил дека надбискупот Вилсон требало да биде повлечен од службата уште кога во мај бил осуден бидејќи не пријавил во полиција дека свештеникот педофил Џејмс Флечер повеќепати злоупотребувал две момчиња кои помагале во црквата во 1970-тите години во регионот Хантер Вали.
Австралискиот премиер денеска изјави дека не треба да се дозволи Вилсон (67) да остане надбискуп.
„Требало веќе да поднесе оставка и време е папата да го смени“, изјавил Турнбул, додавајќи дека многу лидери го повикале Вилсон да даде оставка.
Вислон рекол дека ќе му понуди оставка на папата само ако неговата жалба на пресудата биде одбиена во Окружниот суд во Нов Јужен Велс.
Судот во Њукасл го осуди Вилсон на една година затвор поради прикривање сексуални злоупотреби на деца, а во меѓувреме е пуштен со кауција додека судот следниот месец не одлучи за тоа дали тој ќе ја издржува казната во затвор или во домашен притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.