Свет
Австралискиот сенатoр не се повлекува откако ги обвини муслиманите за нападот во Нов Зеланд
Австралискиот сенатор кој имплицираше дека муслиманите се виновни за нападите врз џамиите во Нов Зеланд стои зад своите забелешки, обвинувајќи ја владата за хипокризија. Повеќе од еден милион луѓе потпишаа петиција за негова оставка, пренесува РТ.
Сенаторот од Квинсленд, Фрејзер Анинг, со пркос ја истрпи лавината од критики и повици за негова оставка поради неговата контроверзна забелешка за масакрот во Крајстчрч. Во изјавата објавена истиот ден кога 50 луѓе беа застрелани од Брентон Тарант, Анинг сугерираше дека трагедијата го истакнала растечкиот страв поради зголеменото присуство на муслиманите во Нов Зеланд.
Иако Анинг го осуди масакрот во својата првична изјава, тоа не го спаси од гневот на поголемиот дел од светот, вклучувајќи го и австралискиот премиер Скот Морисон и политичарите од сите провиниенции.
Масивната онлајн и офлајн реакција што тој ја предизвика кулминираше со физички судир со 17-годишен демонстрант во саботата, кој скрши јајце врз главата на Аннинг, кој му возврати со шлаканица.
Инцидентот со тинејџерот Вилијам Коноли, во меѓувреме, се појави во форма на графит во познатата графити уличка „Хозиер лејн“ во центарот на Мелбурн.
Анинг продолжи да го брани својот став во неделата на специјално закажаната прес-конференци нагласувајќи дека додека медиумите ја искривуваат неговата првична изјава, тој не чувствува потреба да се извини.
„Она што луѓето го извадија од контекст е од истото соопштение за печатот во кое реков дека земјите што дозволуваат голема муслиманска миграција потоа секогаш се сведоци на ескалација на криминалот, насилството и на терористички напади”, рече Аннинг во неделата.
„Што се однесува до мене, тоа е само посочување факти со кои, поради некоја причина, сум вознемирил многу луѓе, вклучувајќи го и премиерот Морисон.”
Анинг го обвини премиерот дека е лицеме рбидејќи не посветува толку големо внимание на маките на христијаните кои се соочуваат со муслимански напаѓачи.
„Во последните 30 дена муслиманите изведоа 122 терористички напади врз невини христијани и други цивили во 21 земја, при што загинаа 859 луѓе. Во однос на тоа, молкот од Морисон и од медиумите е громогласен”.
Аннинг тврди дека ако не ѝ стави крај на муслиманската имиграција, Австралија е на пат да ја доживее судбината на европските земји како Франција, Белгија, Велика Британија, Холандија и Германија, кои се изложени на терористички напади инспирирани од радикалниот ислам.
Прашан дали жали за тајмингот на својата изјава, Анинг рече дека не жали за ништо, а се бранеше и поради физичката реакција кон тинејџерот што го нападна.
„Тој доби шлаканица в лице, нешто што мајка му многу одамна требало да го направи поради неговото лошо однесување”, рече Аннинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.
Свет
Северна Кореја тестираше „супер голема“ боева глава за крстосувачка ракета
Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета.
Тестот за моќност на супер-големата боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се одржаа во петокот, објавија државните медиуми.
„Пробното лансирање постигна одредена цел“, објави КЦНА.
Се наведува дека тестовите биле дел од редовните воени активности на Северна Кореја и дека немаат „никаква врска со околната ситуација“.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарна боева глава.
Тестовите на крстосувачки ракети не подлежат на санкции против Пјонгјанг. Меѓутоа, таквото оружје може да се користи и за пренесување на нуклеарни боеви глави.
Наспроти позадината на конфликтот околу севернокорејската програма за нуклеарно оружје, тензиите на Корејскиот полуостров повторно значително се зголемија. Соединетите Американски Држави и Јужна Кореја ја зајакнаа својата воена соработка, вклучително и заеднички маневри, како одговор на повеќекратните ракетни тестови на Пјонгјанг со нуклеарни капацитети во последните две години.