Свет
Австралија втор најголем увозник на оружје во светот
Австралија стана втор најголем увозник на оружје во светот, покажуваат податоците на Меѓународниот институт за истражување на мирот во Стокхолм (СИПРИ).
Од 2017 до 2018 година, Австралија скокна од четвртото на второто место.
Причината за ова е набавка на голем број нови авиони и подморници заради процената дека безбедносната состојба во областа е под зголемена закана, пренесува „Индекс“.
Саудиска Арабија го зазема првото место меѓу увозниците на оружје, со тоа што Кина се искачи од шестото во 2017 година на третото место, додека во 2018 година Индија од второто падна на четвртото место.
Австралиската конзервативна влада исто така сака да биде на списокот на првите 10 извозници на оружје, но се чини дека заостанува бидејќи падна од 18. на 25. место во периодот 2017-2018 година.
„Австралија инвестира 200 милијарди американски долари во градење на одбранбени капацитети“, рече портпаролот на австралиското Министерство за одбрана, пренесува „Индекс“.
Најголеми четири извозници на оружје се САД, Русија, Франција и Германија, при што Шпанија го зазеде петтото место во 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.