Свет
Австралија става 7 милиони луѓе под строга блокада поради 26 случаи на коронавирус
Австралиската држава Викторија денеска влегува во еднонеделна блокада поради Ковид-19, а речиси седум милиони жители ќе мора да останат дома, освен за извршување на најважните работи бидејќи властите се борат да запрат нов позаразен бран на зараза.
„Имаме работа со многу заразен вид вирус, варијанта што е загрижувачка и се шири побргу отколку што досега сме забележале“, им рече на новинарите во Мелбурн привремениот премиер на државата Викторија, Џејмс Мерлино, пренесува „Ројтерс“.
From 11.59pm
CONFIRMED: 5 reasons to leave home in Victoria.
-Food and Supplies
-Authorised Work
-Care and Caregiving
-Exercise (for up to 2 hours and with 1 other person)
-Getting vaccinated.
Exercise and Shopping limited to 5km radius from home, or closet shops. #springst— Simon Love (@SimoLove) May 27, 2021
Мерлино рече дека во потрагата по контакти на заразените тие идентификувале повеќе од 10.000 примарни и секундарни контакти што треба да се стават во карантин, да се тестираат и да се стават во самоизолација и додаде дека тој број продолжува да расте и да се менува.
На почетокот на неделава беа откриени нови случаи на зараза во Мелбурн, а денес тој број се искачи на 26 по 12 новооткриени, а бројот на локации изложени на вирусот се искачи на повеќе од 150.
По стапувањето во сила на строгите мерки, кои ќе траат до 3 јуни, на жителите на Викторија ќе им биде дозволено да ги напуштат своите домови само за примарна работа, здравствена заштита, купување продукти, вежбање или вакцинација против коронавирусот.
Државите Западна Австралија и Тасманија денеска ги затворија своите граници за жителите на Викторија по истиот потег на Јужна Австралија претходниот ден, а Северната Територија и државата Квинсленд ќе бараат од патниците да поминат задолжителен двонеделен хотелски карантин, а Нов Јужен Велс, кој е најнаселената држава во Австралија, која се граничи со Викторија, ги повика жителите да го одложат патувањето во Мелбурн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Огромна дупка во Рим проголта два автомобили
Огромна дупка се отвори на улица во југоисточен Рим и проголта два паркирани автомобили.
Дупката со дијаметар од 10 метри и длабочина од околу 10 метри се отворила во раните утрински часови, јавуваат италијанските медиуми, повикувајќи се на локалната полиција.
Фотографиите и видеата од огромниот кратер брзо се проширија на социјалните мрежи.
MASSIVE SINKHOLE ÖFFNET SICH BEI ROM! – 28.3.2024
In der Nacht öffnete sich in Rom ein riesiges Sinkhole, das zwei Autos verschluckte. Ein drittes blieb in der Schwebe. Das Sinkhole öffnete sich in der Via Sestio Menas in Quadraro in Rom. pic.twitter.com/51aNnxhT46
— Ramses 🇨🇭 (@RS38900) March 28, 2024
Нема извештаи за жртви, а службите за итни случаи соопштија дека за време на инцидентот немало луѓе на улица. На местото на настанот пристигна локалната полиција и пожарникарите.
На фотографиите се гледаат други автомобили паркирани покрај дупката, кои морале да се отстранат.
Во поголемите италијански градови често се отвораат кратери. Кон крајот на февруари, огромна дупка во Неапол, јужна Италија, проголта неколку автомобили во прометна населба.
Дури и во Рим ваквите инциденти не се ретки. Една од причините за тоа е староста на италијанската престолнина, каде стотина години се вршат ископувања и градежни работи.
Свет
Полска истражува наводна руска шпионажа
Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.
Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.
„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.
Претресите беа извршени во вторникот во Варшава и Тихи во западна Полска, се вели без дополнителни детали.
Операцијата била координирана со други земји, особено со партнери од Чешка, се наведува.
Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.
Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.