Свет
Австралијците најавуваат притисок врз ЕУ поради вакцините, бараaт помош од други земји
Австралија сака да се здружи со други земји за да изврши притисок врз Европската Унија да ги достави планираните дози вакцина против коронавирус, пишува австралиски Еј-би-си.
Европската Унија минатата недела го блокираше испраќањето на 250.000 вакцини на „Астразенека“ од Италија во Австралија. Унијата тогаш за првпат посегна по новата одредба за забрана на извоз на вакцини.
Австралискиот министер за трговија Ден Техан рече дека одлуката е протекционистичка и изрази загриженост дека ЕУ може да ги прекине испораките во иднина. Тој најави соработка со Канада, Јапонија, Норвешка и Нов Зеланд за да се принуди ЕУ да се премисли.
Портпаролот на Европската комисија, Ерик Мамер, пред некој ден рече дека мерката е насочена кон компанијата која барала дозвола за извоз на вакцината, а не кон Австралија.
Валдис Домбровскис, потпретседател на Европската комисија, телефонски разговараше со австралискиот министер за трговија Техан и објасни дека целта за забрана на извозот на вакцините на „Астразенека“ не е насочена против Австралија, туку против британско-шведската фармацевтска компанија.
Сепак, Комисијата не понуди јасни одговори на прашањето зошто е забранет извозот на вакцини во време кога некои земји од ЕУ сè уште не ги користеле дозите што досега им беа достапни.
Засега е нејасно што ќе се случи со дозите наменети за Австралија, но портпаролот на Комисијата, Мамер, минатата недела изјави дека тие остануваат во сопственост на „Астразенека“.
Австралискиот премиер Скот Морисон минатата недела побара од Брисел да ја преиспита својата одлука, иако разбира дека ЕУ е погодена од пандемијата многу посилно од Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.