Свет
Американка боледува од ковид-19 три месеци: Симптомите ги почувствував во март, не можев да дишам
Американка веќе 100 дена се бори со ковид-19. Првите симптоми ги почувствувала на 17 март, недолго откако нејзината 16-годишна ќерка се тестирала за вирусот и добила позитивен резултат. Ен Валас, која повеќе од три месеци се бори со коронавирусот, ја раскажа својата приказна за „Хафингтон пост“.
„ Кога лекарите ми рекоа дека две недели ќе мора да бидам во карантин, тоа ми звучеше предолго. Немав поим што всушност ме чека. Откако добив позитивен резултат на вирусот, со задоволство го споделувам секој детал на социјалните мрежи за својата болест и многумина ми пишуваа и бараат совети и искуство.
Мораме да се решиме од оваа стигма. Срамот нема да му помогне на никого и ако сте болни, ви треба помош и поддршка. Го знам тоа од прва рака – со недели не можев да направам ништо откако се разболев. Не можев ни да зборувам, немав доволно кислород. И денеска, три месеци подоцна, секојдневните работи ме оставаат без здив. Ова не е момент да се биде сам. Секако, не треба никого да го изложите на опасност, но некој треба да ви донесе храна и да ви помогне“ вели Валас.
Таа додава дека многу пациенти долго време носат последици од коронавирусот и дека тој што е болен од ковид-19 треба да побара најдобра нега. Вели дека болниците и лекарите моментално се преоптеретени и се соочуваат со непозната болест.
„ Сама морав да направам голем број повици и да инсистирам да ме тестираат. Има многу противречни информации. Морате да инсистирате на нега за себе. Ковид-19 уште долго нема да замине и приоритет мора да ви биде вашето здравје, како и здравјето на сите ваши блиски“ порачува Валас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.