Свет
Американка се заканила дека ќе го напушти сопругот ако не гласа за Бајден
Една жена од Тексас вели дека толку ѝ е преку глава од поддршката на нејзиниот сопруг на претседателот Доналд Трамп што ќе го напушти ако тој не гласа за ривалот, демократот Џо Бајден.
„Омажена сум за приврзаник на Трамп. Сериозно велам дека ако тој не не освести и не гласа за Бајден – Харис, јас ќе го напуштам“, напиша жената идентификувана како Беверли М. на „Твитер“.
Беверли М. се идентификува како поддржувач на „Блек лајвс медр“ и вели дека се преселила во Тексас од Средниот Запад во 80-тите години на минатиот век. Таа вели дека се омажила за својот сопруг пред да биде избран Трамп и дека гласала за Хилари Клинтон во 2016 година.
„Поминаа тешки четири години, најблаго речено“, додаде таа.
I’m married to a Trump supporter. I’m serious that if he doesn’t come around and vote for Biden/Harris I will not stay around. I married him before Trump was elected. I voted for Hillary. It’s been a rough 4 years to say the least.
— Beverly M (@BevanneTX) September 19, 2020
Беверли М. вели дека со толку голем влог на изборите во 2020 година смета оти приврзаниците на Трамп се себични.
„Затоа сум му лута на мојот сопруг. Кога го молам да го стори ова за нашите деца и за нашите идни внуци, а нему не му е важно, тоа е освестувачки“, вели таа.
Нејзините твитови наидоа на главно смешни реакции, како, на пример, коментаторот што твитна: „Ако е во потрага по сопруг, јас би ѝ го препорачал Портланд“, а друг вели: „Карен, ќе биде тешко уште четири години“.
Австралиската новинарка Рита Панахи објави GIF на бесна жена која уништува куќа и во легендата вели: „Тоа е само поттик за гласање за Трамп“.
If she's husband-shopping, I'd recommend Portland.
— Nuclear Nadal (@UrbanMonk9) September 20, 2020
Но, апелот на Беверли М. погоди многу корисници на „Твитер“, кои зборуваа за сопствените брачни и семејни конфликти поради политиката во последните неколку години. Некои рекоа дека избегнуваат семејни дружења од 2016 година, а еден твитерџија напиша дека веќе не може да ги почитува својата мајка и очувот затоа што немаат капацитет за слободно размислување.
Една жена напиша дека минатото лето раскинала со своето момче, кое го поддржува Трамп: „За мене, неподдржувањето на Трамп е морална одлука, а за него тоа е само политичка одлука. Не можев да се преправам дека не ја изгубив почитта кон него“.
That’s just incentivising a vote for Trump. https://t.co/L9oQuwtJmE pic.twitter.com/k6LehlQXNQ
— Rita Panahi (@RitaPanahi) September 20, 2020
Брачните тензии, поради политиката, ескалираа кога Трамп беше избран во 2016 година и веројатно повторно се интензивираат со приближувањето на изборите во ноември.
Студија од 2017 година на „Вејкфилд рисрч“ покажа дека една од 10 двојки го прекинала својот односи поради политички разлики. Една од пет двојки, дури и повеќе се расправала за Трамп отколку за парите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Девојка која исчезна во март во Србија е пронајдена
Тијана Симиќ, која била пријавена за исчезната на 13 март оваа година, и последен пат била видена на Карабурма во Белград, е пронајдена повеќе од еден месец од нејзиното исчезнување.
Засега не се познати детали, а среќните вести ги објави нејзината сестра на „Твитер“.
„Тијана ја пронајдовме, ви благодарам на сите за помошта“, напиша таа.
Tijanu smo pronašli, hvala puno svima na pomoći ♥️
— fifo (@sofoklee) April 24, 2024
Семејството на Тијана молеше за помош или било каква информација за неа, и после повеќе од еден месец е пронајдена.
Свет
Наставниците во Тенеси ќе можат да носат пиштоли на училиште
Пратениците во американската сојузна држава Тенеси усвоија закон со кој на наставниците во државата ќе им се овозможи да носат скриени пиштоли на училиште. Нацрт-законот беше одобрен со 68-28 гласови во Претставничкиот дом на Тенеси, во кој доминираат републиканците. Државниот Сенат го усвои законот претходно овој месец.
Тенеси има жестока дебата за законите за оружје по минатогодишното пукање во училиште во Нешвил во кое загинаа три деца и тројца возрасни членови на персоналот. Некои од демократите во Претставничкиот дом помогнаа во водењето на протестите во главниот град, што доведе до нивно кратко протерување од законодавниот дом минатата година.
„Ова е ужасен ден за Тенеси, нашите деца, нашите наставници и нашите заедници“, напиша на социјалните мрежи Џастин Пирсон, демократ кој беше исфрлен од Домот минатата година, а потоа беше реизбран. „Наместо да ги заштитат децата, тие пак ги заштитија пиштолите!“
Републиканците и другите конзервативци честопати повикуваат на вооружување на наставниците како одговор на бројните престрелки во училиштата што се случија во САД во последните 25 години. Поддржувачите на овие мерки тврдат дека вооружените наставници ќе ги одвратат потенцијалните пукања во училиштата.
Противниците велат дека оружјето во училиштата веројатно ќе доведе само до трагични случајни престрелки.
Околу половина од сите американски држави им дозволуваат на наставниците или другите вработени во училиштата да носат огнено оружје на училишни терени, според Правниот центар Гифордс, група за безбедност на оружје. Според законот на Тенеси, секое лице кое сака да носи скриен пиштол на училиште мора да заврши најмалку 40 часа полициска обука. Трошоците за обуката заедно со огненото оружје се на товар на поединецот.
Според предлог-законот, идентитетот на наставникот или член на персоналот кој носи оружје нема да биде јавен. Директорите на училиштата мора да дадат одобрение за лице да носи оружје, а началниците на локалната полиција мора да бидат информирани за идентитетот на носителот.
Регион
Во БиХ уапсени 14 криумчари, превезувале мигранти во Хрватска, заработиле 3 милиони евра
Припадниците на Граничната полиција на Босна и Херцеговина уапсија 14 лица под сомнение дека организирале мрежа на криумчари на илегални мигранти преку границата со Хрватска. Акцијата под кодното име „Пирамида“ координирана од Обвинителството на БиХ беше спроведена на 16 различни локации низ земјата.
Како што беше утврдено во досегашната истрага, уапсените организирале илегално преминување на границата на најмалку 600 лица, од кои стотина се деца.
„Според прелиминарните податоци, оваа меѓународна организирана криминална група во изминатите шест месеци остварила финансиска корист од повеќе од шест милиони конвертибилни марки (три милиони евра)“, се вели во полициското соопштение.
Разбивањето на оваа мрежа на трговци со луѓе беше спроведено заедно со Управата за криминалистичка полиција на МВР на Република Хрватска и Европол и со учество на припадници на Агенцијата за разузнавање и безбедност на Босна и Херцеговина (ОСА).
Граничната полиција на БиХ наведува дека продолжува да презема мерки за спречување на шверцот на луѓе, особено против организираните криминални групи. Потсетуваат дека во првите три месеци од годинава полициски службеници и граничари до обвинителството поднеле 83 пријави против 177 лица поради постоење основи на сомнение дека сториле 110 кривични дела криумчарење луѓе.