Свет
Американски сенатори сакаат да му воведат санкции на Путин ако ја нападне Украина
Високи американски сенатори од редовите на Демократската партија претставија нов предлог-закон, кој предвидува санкции против рускиот претседател Владимир Путин доколку ја нападне Украина и финансиска помош за Киев.
Законот, со наслов Одбрана на суверенитетот на Украина, предвидува санкции против Путин, премиерот Михаил Мишустин, високи воени претставници и неколку руски субјекти во банкарскиот сектор во случај на инвазија и ескалација на непријателствата.
Исто така, предвидува 500 милиони долари дополнителна воена помош за Украина, повеќе од двојно повеќе отколку што администрацијата на Бајден му даде на Киев минатата година.
Ситуацијата во врска со Украина е напната во последните месеци. Европските сојузници на Вашингтон и Киев ја обвинуваат Русија за распоредување големи воени сили во близина на украинската граница во планирањето на инвазијата.
Во текстот исто така се повикуваат САД да ги разгледаат сите достапни и соодветни мерки за да се осигури дека нема да работи гасоводот „Северен тек 2“, кој се смета за инструмент за злонамерното влијание на Руската Федерација.
Нацрт-законот веќе има поддршка од 25 демократски сенатори, вклучувајќи го и нивниот лидер Чак Шумер и Белата куќа. Законот би бил тежок удар за руската економија, нагласи портпаролката на Советот за национална безбедност на Белата куќа, Емили Хорн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.