Свет
Американците масовно се вооружуваат, долги редици пред продавниците за оружје
Продажбата на оружје и муниција забрзано расте во САД. Од страв од можни социјални немири поради коронавирусот, Американците се свртеа кон огнено оружје како форма на самоодбрана.
Долги редици од луѓе може да се видат пред продавниците за оружје на западниот брег.
Големиот онлајн-продавач на муниција „Амо“ објави дека продажбата пораснала 68 отсто за 11 дена. Зголемувањето на продажбата е особено изразено во Северна Каролина и во Џорџија, каде што е забележан скок од 179 отсто, односно 169 отсто.
Покрај општиот страв од коронавирус, во Вашингтон и Калифорнија, локациите каде што претходно е забележана епидемија на вирусот, почна нагло купување оружје. Оружјето првенствено го купуваат Американци што стравуваат дека може да се соочат со ксенофобично и расистичко насилство врз нивните семејства, со оглед дека изворот на коронавирус е Кина.
Зголемената продажба на смртоносно оружје исто така предизвика загриженост за безбедноста на децата. Ненадејниот пораст на пушки и другото огнено оружје во домаќинствата може да ги доведе децата во опасност поради недостиг на безбедни места за чување на оружјето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.