Свет
Америка го призна геноцидот врз Ерменците и предложи санкции за Турција
Претставничкиот дом на САД убедливо со огромно мнозинство донесе резолуција со која го прогласи масовното убивање на Ерменците во Отоманската Империја за геноцид, а потоа го поддржа воведувањето санкции за Турција поради Сирија.
Претставничкиот дом, во кој демократите имаат мнозинство, гласаше со 415 гласа „за“ и 11 „против“ резолуцијата со која се одбележува ерменскиот геноцид, односно османлиското убивање на 1,5 милион Ерменци од 1915 до 1923 година.
Во резолуцијата се вели дека американската политика ги отфрла сите напори за поврзување на американската влада со напорите да се негира постоењето на ерменскиот геноцид и ги поттикнува образованието и јавните дискусии за ерменскиот геноцид.
Турција цврсто негира дека се случил геноцид врз Ерменците.
Турското Министерство за надворешни работи ја отфрли резолуцијата велејќи во соопштение дека очигледно е дизајнирана и објавена за внатрешна употреба и е лишена од каква било историска или правна основа, објави новинската агенција „Анадолија“.
Според официјалниот став на Анкара, меѓу 300.000 и 500.000 Ерменци починале од 1915 до 1923 година, но најмногу поради немирите за време на Првата светска војна.
Голем број парламенти, вклучително и францускиот, германскиот, италијанскиот, рускиот и канадскиот, го потврдија геноцидот врз Ерменците.
Набргу по усвојувањето на резолуцијата, пртениците со големо мнозинство го поддржаа усвојувањето санкции против Турција за офанзивата во северна Сирија со 403 гласа „за“ и 16 „против“.
Со одредбата се бара замрзнување на имотот на високи турски официјални претставници во САД и забрана за продажба на оружје на Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.