Свет
„Амнести“ го повика Бајден да го осуди кршењето на човековите права во Египет
Директорот за застапување на МЕНА во „Амнести интернешнел“, Филип Насиф, го повика американскиот претседател Џо Бајден да го осуди кршењето на човековите права во Египет и да побара промена.
„Десетици илјади луѓе беа приведени и затворени во Египет, а ‘Амнести интернешнел’ го нарече тоа најголемиот затвор на отворено во светот“, изјави Насиф за „Тудеј њуз Африка“
Египетскиот претседател Абдел Фатах ал- Сиси наложи насилно потиснување на активистите, медиумите и луѓето кои не се согласуваат со ставовите за државата или со неговата религија. Угнетувањето е во најлоша форма, полоша отколку што сме виделе во современата историја, вклучувајќи тортура во затворите и смртност за која нема информации.
„Нашата загриженост е дека американската влада продолжи да му продава оружје на Египет и да му обезбедува политичко покритие. Тоа им го кажавме многу јасно и на американскиот Конгрес и на администрацијата на Бајден“, вели Насиф.
Бајден вети дека нема да веќе да му обезбедува бланко покритие на „омилениот диктатор“ на Трамп откако поранешниот американски претседател продолжи да одржува блиски односи со Сиси и покрај тоа што кршењето на човековите права драматично се зголеми.
Сепак, Бајден во февруари наиде на масовна осуда откако неговата администрација одобри продажба на оружје во вредност од 200 милиони долари на Египет.
На почетокот на неделава критиките беа обновени откако Бајден го поддржа имунитетот на поранешниот египетски премиер Хазем Беблави по тужбата поднесена од поранешниот политички затвореник Мохамед Солтан во Вашингтон, според која Беблави е одговорен за тортурата што му била извршена за време на затворањето во Египет.
Минатиот четврток американското Министерство за правда достави формална декларација со која го повикува Федералниот суд да го отфрли случајот на Солтан.
Коментарите на Насиф следуваат по објавувањето на годишниот извештај на „Амнести интернешнел“ за состојбата со човековите права, во кој се документирани повредите извршени во Египет во 2020 година.
„Властите го казнуваат секое јавно или перципирано несогласување“, се вели во извештајот „и ги притвораат новинарите како одмазда за нивните критички ставови, вклучително и оние за справувањето со кризата со Ковид-19 од страна на владата“.
Стотици демонстранти и случајни минувачи се под истрага за обвиненија поврзани со тероризам, а гаранциите за фер судење редовно се отфрлаат. Жените се гонети под обвинение за повреда на моралот поради начинот на облекување, а властите уапсија и гонеа христијани, шиитски муслимани и други за богохулење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија и Украина договорија размена на децата одвоени од нивните семејства за време на војната
Руската комесарка за правата на децата Марија Лвова-Белова денеска изјави дека Русија и Украина се договориле за размена на децата кои биле одвоени од нивните родители за време на конфликтот меѓу двете земји.
Преговорите за размената се водеа со посредство на Катар, при што беше договорено Москва да прими 19 деца и 29 од нив да испрати во Украина, пишува РТ.
Белова изјавила дека владата на Катар го следи списокот на деца кои ќе бидат разменети, како и дека ова е прво преговарање во живо меѓу Москва и Киев од почетокот на војната, пренесува Танјуг.
Свет
Маж киднапирал и сексуално злоставувал деветгодишно девојче во Лондон
56-годишен маж е обвинет за киднапирање и сексуално злоставување на деветгодишно девојче во Најтсбриџ, централен Лондон, пишува „Sky News“.
Имено, исчезнувањето на деветгодишното девојче било пријавено завчера, а мажот бил уапсен откако полицијата го запрела во западниот дел на градот.
Во тој момент со него било и малото девојче.
Се сомнева дека мажот се обидел да ја зашемети за да може сексуално да ја злоупотребува.
Тој се наоѓа во притвор и се очекува да се појави на суд на 22 мај.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.