Свет
Полициска станица во Англија ги советува полицајците да клекнуваат пред протестите на БЛМ
Полициска станица во Англија предлага полицајците да клекнуваат на колено за време на протестите во „Блек лајвс медр“ за да избегнат несакано внимание од левичарските активисти, потег што лидерот на партијата Брексит, Најџел Фериџ, го опиша како лудило измешано со кукавичлук, пренесува „Мејл он сандеј“.
Полициската станица во Хертфордшир на неодамнешниот брифинг за операцијата „Велур“ ги советувала полицајците симболично да се приклучат на движењето БЛМ со клекнување, тврдејќи дека гестот има многу позитивен ефект врз протестите.
„Полицајците треба да бидат свесни дека тоа е незадолжително, но тие што нема го сторат тоа може да се најдат во фокусот на вниманието на демонстрантите“, се вели во советот според „Мејл“.
Постар детектив од полициската станица го критикуваше овој потег, велејќи: „Апсурдно е. Дали од службените лица ќе се очекува да направат слични гестови на политички настани како протестите на екстремната десница, на пример?“.
Најџел Фериџ исто така ги критикуваше полициските сили, посочувајќи: „Полицијата во Хертфордшир сака нивните полицајци да клекнат на колено пред демонстрантите и тоа е целосно предавање пред анархијата, марксизмот и организацијата што сака да ја укине полицијата. Лудоста измешана со кукавичлук “.
Поранешниот министер за внатрешни работи Дејвид Бланкет исто така го осуди овој потег, предупредувајќи дека ваквите акти може да послужат за политизирање на полициските сили.
„Загрижен сум дека гестот на клекнување, иако поттикнат од најдобри намери, може да остави впечаток на поткопување на улогата на полицијата во вакви ситуации. Тие се таму за да осигураат безбедни демонстрации, а не да даваат политички изјави“, рече Блункт.
Како одговор на негодувањето, полицијата во Хертфордшир рече: „Полицајците кои работат на настани на кои е вклучено движењето БЛМ можат слободно да ја покажат својата лична поддршка со клекнување на колено ако сакаат. Полицијата не се обидува да го охрабри или обесхрабри ова дејствување, што останува личен избор“.
Од „Скотланд Јард“ првично изјавија дека полицајците смеат да клекнат колено за време на протестите, но подоцна ја повлекоа изјавата загрижени за безбедноста на полицајците по нападите врз нив од страна на агитаторите на БЛМ. Традиционално, од британските полицајци се очекуваа да не даваат политички изјави додека се во униформа.
Чинот на клекнување пред демонстрантите на „Блек лајвс медр“ беше првпат виден во САД, а подоцна го пруфатија членови на Демократската партија, кои клекнаа во зградата на Капитол во знак на солидарност со БЛМ. На овој чин постапија и левичарските политичари во Велика Британија, при што лидерот на Лабуристичката партија, Сер Киер Стармер, и неговиот заменик, Ангела Рајнор, клекнаа во домовите на Парламентот минатата недела.
Сер Киер рече: „Ние клекнуваме со сите што се спротивставуваат на антицрнечкиот расизам”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.