Европа
Англија по укинувањето на мерките: Стотици илјади луѓе во изолација, маркетите празни
Англија во понеделникот ги укина речиси сите ограничувања поврзани со пандемијата на коронавирус. Првата недела е одбележана со зголемување на бројот на новозаразени, недостиг на производи во супермаркетите и хаос со апликацијата за самоизолација.
Салите и стадионите можат да се отворат со полн капацитет, дискотеките можат повторно да работат, во пабовите повторно е дозволено да се седи зад шанковите и веќе нема ограничување на бројот на луѓе што можат да се соберат. Носењето маски веќе не е задолжително, но се препорачува во јавниот превоз и во продавниците, веќе не се повикува на работа од дома, но премиерот Борис Џонсон сепак апелира за претпазливост.
Како што рече владиниот советник, Нил Фергусон, речиси е неизбежно бројот на нови случаи на инфекција да достигне сто илјади дневно, со по илјада хоспитализирани.
„Вистинското прашање е дали тие бројки ќе бидат двојно или уште поголеми. Може да имаме две илјади хоспитализирани на ден и двесте илјади случаи, но тоа не може да се каже со сигурност“, рече Фергусон.
Рафтовите во повеќето супермаркети низ земјата се целосно празни, откако голем број вработени и возачи за достава отидоа во самоизолација поради контакт со заразени.
On @BBCr4today CEO of Iceland said there are no shortages or empty shelves in his shops ‘yet’. Pop down to Crayford @sainsburys and tell them how you’re doing that mate, could you? It was as if I stumbled onto the set of ‘Chernobyl’ Season 2 just now. #covidiots #BrexitShambles pic.twitter.com/jILfEKWOEi
— Mike Bealing (@Sillytees) July 22, 2021
Голем број продавници се борат со недостиг на персонал, а некои синџири на супермаркети мораа да затворат повеќе свои маркети, нешто што досега не се случило во трите заклучувања.
#tesco Middlebrook was empty again today. #emptyshelves pic.twitter.com/rzsQeznB0H
— Maxiwoo (@maxiwoo) July 19, 2021
Стотици илјади луѓе, вклучувајќи го и премиерот Џонсон, мора да бидат изолирани десет дена откако апликацијата за самоизолација ги информирала дека биле во близок контакт со заразено лице.
Folk saying “no empty shelves” where they are, are affa lucky. This is Wick tonight. Same as Inverurie the other night. pic.twitter.com/W6PXdj68BQ
— Mrs Cloudy (@cloudy_mrs) July 21, 2021
Податоците на Националната здравствена служба (НХС) открија рекордни 618.903 предупредувања испратени до корисниците на апликациите во Англија и Велс. НХС ги известува луѓето кои треба да одат во самоизолација со кратка нотификација преку мобилна апликација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.